2022-07-09|閱讀時間 ‧ 約 4 分鐘

大家，所有人包括橡樹派投資股票投機最終目的係為什麼? 當然係為賺大錢。過癮好玩暫時係其次，切勿調轉。

第一篇係未完的，因為投資賺錢所有嘢最重要就係最後要賺錢。今集講回 ‘ 賺錢錢效率 ’ (個名我自己改), rate of return, 收益率, 回報率。

Time Value of Money 金錢時間價值, FV = PV * (1 + i)^n 。

大家可能覺得條式好複雜，想通這條式後其實所有嘢就會變得好簡單，因為所有投資投機賭博其實都離不開這條式的大意。

坐低花十分鐘時間慢慢明左佢，之後你買任何股票嘢，保險基金，你就會有 ‘ 唓，又係咁咋 ’的感覺。

入正題，上集講到公式中利息, ‘i’, interest rate 可以用 ‘r’ 表達為rate of return, 收益率, 回報率，我叫佢做 ‘賺錢錢效率’ 。

我今日想買一隻股票，或者任何投資產品，我第一樣嘢就諗個 r, 賺錢錢效率。我買隻股票可以為我賺多少錢?

咁我點樣去諗個賺錢錢效率應該合理地最少有幾多? (係合理地，唔係發夢式天馬行空)

賺錢錢效率由 5 樣嘢組成:

第1 : Risk- free rate。今日係2022年6月26，美國政府十年長期債券每年收益率, YTM 係 3.13%。我買所有投資產品最低都要有 3%。

我買美帝債券無風無險都有 3%，咁我買所有其他嘢都要高過美帝債券我先會考慮買。(全金融世界包括中國俄羅斯都係假設美國債券為 0 風險, risk free。非美國債券就已有風險)

第2 : 預期通脹率。預計今年通脹升幾多。

第3 : Default risk。隻嘢會唔會爆煲機率。(好主觀自己定)

第4 : Liquidity risk。隻嘢容唔容易轉返做錢。越難 (紅酒，藝術品，首飾) 越要高回報

第5 : Maturity risk。投資年份預幾長。越長就越高風險。越高風險就要要求越高回報。

賺錢錢效率, r 就等於以上所有嘢加埋。r = 1 + 2 + 3 + 4 + 5

我有 PV, 本金，n, 時間，我有埋個 r, 賺錢錢效率，我就大概估到最後會賺咗幾多錢了。更快更直接用過 r, 賺錢錢效率去思考，例如我今年買股票成副身家上升了15%, r = 15%。

這裏就連接著我寫的 “雪球” 哪一集了。

咁幾時可以玩股票為過癮好玩? 你覺得自己有足夠的閒錢，不用為生活勞力，咁就應該係時候可以了。大家一齊努力。

大家可以睇返我第 1 集和第 2 集:

第 1 集

第 2 集

最好睇埋第 3 集雪球，直接和 r, 賺錢錢效率有關係

分享至

成為作者繼續創作的動力吧！

對沖基金出身，現靠股票維生。此page分享個人經驗，機構大鱷睇法，投資短炒都講。心法招式，由淺入深，適合小學數學英文程度，建立屬於你嘅投資哲學和投資系統，達致財務獨立和自由。https://linktr.ee/oakhouseresearch

從 Google News 追蹤更多 vocus 的最新精選內容

小賭怡情富可敵國橡樹流派財富自由大法 - Maurice Ho的沙龍的其他內容

成為會員後即可發表留言