更新於 2023/03/26發佈於 2023/03/26閱讀時間約 3 分鐘

Thak Guns, Germs and Steel ê kám-sióng - tē-it phiⁿ

Jared Diamond tī 1997 chhut-pán "Guns, Germs and Steel", chit-pún chheh tī 1997 tio̍h-tio̍h Pulitzer prize, liáu-āu tī 2005 National Geographic Society kun-kù chit-pún chheh chòe chi̍t-phìⁿ kì-lo̍k-phìⁿ.

Ông, li̍p lāu-su, eng-kai sī tī leh i-ê Facebook, ū kóng-tio̍h chit-pún chheh. Ín-khí góa thak chit-pún chheh ê hèng-chhù.

Jared Diamon tī "Guns, Germs and Steel" siūⁿ-beh hôe-tap i-ê New Guinea pêng-iú, Yali, ê chi̍t-ê khòaⁿ-khí-lâi chin-kán-tan ê būn-tê - 「ūi-siáⁿ-mi̍h Au-chiu lâng ē hoat-bêng chiah-chē mi̍h-kiāⁿ, ūi-siáⁿ-mi̍h m̄-sī New Guinea ê gún？」

Jared hun-hiáng 3 ê chú-iàu ê kóng-hoat/lí-lūn.

Au-chiu lâng ê ki-in khah iu-siù
Au-chiu ê thiⁿ-khì kó͘-lē Au-chiu-lâng ài kut-la̍t
Bûn-bêng khai-sí ê só͘-chai tiāⁿ-tiāⁿ nā bô tōa-hêng ê koàn-kài （irrigation）, lông-gia̍p chòe bōe khí-lâi

M̄-koh, Jared kám-kak che saⁿ-ê kóng-hoat, lóng bô-kàu chiu-choân

Jared kám-kak New Guinea ê lâng, in-ūi á koh ài kap tōa chū-jiân tùi-khòng, tian-tò pí Au-chiu-lâng koh-khah chìn-hòa
Kap Au-chiu kāng hūi-tō͘ （latitude）ê só͘-chai bē-chió, pat-ê só͘-chai bô kap Au-chiu kâng-khoán chìn-pō͘
Hiān-tāi ê Fertile Crescent khak-si̍t sī khiàm-chúi, m̄-koh in ū koàn-kài ê sî-chūn, bûn-bêng í-keng khai-sí

Só͘-í, Jared chiah àm-sǹg siá chit-pún chheh.

分享至

成為作者繼續創作的動力吧！

咖吶庄

追蹤

從 Google News 追蹤更多 vocus 的最新精選內容