生活 創作日期:2022/02/20

若是聽著落雨聲

Nā-sī thiaⁿ-tio̍h lo̍h-hō͘ siaⁿ

我就想著你心情

Góa tō siūⁿ-tio̍h lí sim-chiâⁿ

你講人心就愛正

Lí kóng lâng sim tō ài chiàⁿ

就愛勇敢共人晟

Tō ài ióng-kám kā lâng chhiâⁿ

若是講著心欲開

Nā-sī kóng-tio̍h sim beh khui

心底親像針teh 揻

Sim-té chin-chhiūⁿ chiam teh ui

雷公爍爁共人擂

Lûi-kong sih-nah kā lâng lûi

日子嘛愛笑微微

Ji̍t-chí mā ài chhiò bî-bî

艱苦生活無分離

Kan-khó͘ seng-oa̍h bô hun-lî

目屎滴落掰袂離

Ba̍k-sái tih-lo̍h póe bōe lī

向望天主祝福你

Ǹg-bāng thiⁿ-chú chiok-hok lí

逐工攏是好笑神

Ta̍k-kang lóng-sī hó-chhiò sîn