展開福岡9日

未出發先講返點解會去福岡，大約1年前Asiamiles兌換機票規則由20000分換來回日本加價到25000分才換到，即是加左25%，所以立即換咗2張來回福岡機票，大概支付HK$13xx雜費（因為東京大阪好時間已經被搶光了），估唔到1年後出發嘅機票，話咁快到左出發日😆

出發前先來一個飽飽的早餐

福岡機場真係好方便，半個鐘就到左博多站，返酒店前，先到JR 換票處，因為網上購入JR pass需要到指定車站兌換。話說我買完JR pass正想訂油布之森列車時發生一段小插曲⋯⋯

我買咗山陽山陰+北部九州是不能網上劃位，只能在當地綠窗劃位，不過都好幸運可以訂到油布院返到博多回程票😀

這間是博多Gundam Base，在酒店附近，去到才發現不是LaLaport 福岡牛，這裡外牆晚上有Gundam投射動畫，配合噴泉聲效未睇過可以一看。🙂

睇完Gundam就上左商場5樓拉麵共和國食晚飯，注意該商場附近無咩餐廳，第一餐就食拉麵。味道中規中矩，明太子係博多名物，不可不試。2人前套餐2200yen，單點明太子煎餃子1000yen（哇，好咸呀，個腦即刻麻痺，我都係鍾意杯可樂）

第一日行程完，待續