澳門去珠海邊間牙醫種牙好？
種牙睇牙經歷全紀錄
要點:
去咗珠海暨博口腔醫院種牙（私立醫院）😆
總共 1萬人民幣 一隻🇩🇪德國威蘭德牙冠🦷，🇸🇪瑞典 Astra 種植體🔩+骨粉（因人而異），可磁共振。（2023/5月）。
整個療程6個月。
種植牙唔錯，食得野，硬過真牙，顏色接近臨近牙齒，但我牙齦萎縮,唉…
種牙冇想象中痛，有麻醉止痛藥，基本唔痛。
整個流程係檢查x光，手術，拆線，檢查+安裝機臺，取牙模，安裝牙冠，要至少去六日醫院🏥。
牙冠顏色唔啱，可以再換。檢查要確保，牙槽骨生好👌
萎縮因為我缺牙太耐，為左觀察囊腫🥲細個去野雞診所，根管治療唔專業，導致囊腫要掹牙…醫生話可以做牙齦移植手術，但效果不保證🙂
醫生話，遲下牙冠都會像種植體一樣集採，然後大幅降價。
成果
錢
醫院提供免費x光+ct,可拍完，唔繼續複診，唔收費。
種植體價格有平有貴，最平 1580🇰🇷韓國野 。中端 🇨🇭瑞士士 🇺🇸皓聖 5500–4400 。牙冠升級要另外加錢，默認國產🇨🇳愛爾蘭。（2024/3/21）
手術前會同你講準確費用，術前一次付清，後續唔需要交任何費用，冇中途加價，冇掛號費,冇服務態度下降。
醫院話:瑞典種植體品牌提供終身質保，種植體出咗問題，可以去其他有合作嘅醫院進行維修，但要人工費。如果去翻本院，則免收人工費。（醫院應該冇咁易執笠）
圖:種牙套餐包牙冠，但係較差嘅國產愛爾創牙冠,升級要加錢. eg.牙冠德國威蘭德2800(有可議空間)，有5年質保。
牙槽骨密度唔够,要另外植入骨粉. 醫生會比CT你看，唔呃人。
2O23/5/27 的價格,宜家應該仲便咗
第一日：預約 2023/5/23
加微信預約。可以問下大概嘅價錢。但欲知準確價錢，要去醫院做檢查先得。冇診金，冇掛號費。
第二日：咨詢 2023/5/24
從拱北關口地下出發，乘坐18元的taxi去醫院（都可以巴士1元），去到醫院有助理帶路，免費拍ct x光同醫生商量種牙方案和多少錢。
可以加醫生微信，翻屋企慢慢咨詢同考慮，考慮清楚同助理預約。醫生服務好好，現場可以慢慢問，唔會趕客，仲有牙模型同真牙冠輔助講解。醫生大多數識講廣東話。相比之下公立醫院唔係個個醫生肯加微信，就算加咗，覆好慢。
我見到有澳門人（我估），因為我睇到佢係到玩YouTube，現場都有3-4個客係到等候。
私立醫院唔像公立醫院咁多人，所有程序幾乎唔洗排隊。微信約咗咩時間，就咩時間
環境優美乾淨，有人斟茶遞水。
私立醫院比公立仲要便宜，珠海中西結合醫院德國威蘭德牙冠5000一個，2022/9。
有夜班，晚上6–8點，有一位值班醫生，有咩意外，可以收工翻珠海睇。（手術時間唔可以揀夜晚）
第三日: 手術 2023/5/27
先去前台繳費，然後做手術，唔會係手術檯上加價。種牙之前，會測血糖血壓同填寫相關病歷，正在服用嘅藥物，以評估手術風險。
手術前會用單反拍攝牙齒照片，單反有閃光燈，有紅色護目鏡。
打麻藥：細節做得好，打厚牙齦處，會提醒你比較痛，叫你做好心理準備（其中一個例子）。技術唔錯，唔會另麻藥漏到口腔到處都係，漏出黎會覺得好苦。如果冇打好，需要要重打。（公立醫院主任號，成日會叫d技術較差嘅實習幫忙打= = ）
手術：入無菌室，面部消毒，漱口水口腔消毒，蓋上幾層毛毯同遮住眼睛。然後就開始手術啦。痛可以出聲，暫停休息一下都得。麻醉打得好，一d痛楚都冇。吸口水都做得好，唔會滿嘴口水冇人吸。
手術後會開一d消炎藥止痛、抗生素防感染。手術前已經叫你食咗，因此過左麻醉，都唔會覺得得痛。然後醫生會同你講注意事項（微信都會發你一份）。附贈一個冰袋，可以冷敷腫脹處。醫生會再拍一次x光同ct，同你對比前後手術。
上午11:30種完，下午3點已經開心吃腸粉。夜晚測試了下，飲咗d水再吐出來，醫生技術好，血絲都沒。當日唔可以刷牙，之後刷牙都要要小心！
種完 X 光
第四日: 拆線+假牙 2023/6/10
小小痛. 免費整咗個假牙,冇咁核突. 遠睇睇唔出，近睇會發現凹咗入去。假牙僅僅係裝飾品，一個唔小心咬到硬物如骨頭，就甩咗。雖然醫院答應可以免費無限重做，但太麻煩我甩咗，冇做翻。
第五日: 檢查 2023/10/1
醫生話植入嘅骨粉底部結合得唔錯，但上面的生得唔够好。建議唔好咁快安裝基臺，否則會導致牙齦萎縮。
第六日：安裝基台 11/16
安裝基臺,要打麻醉，切開牙齦，縫線。
痛咗2日，要食止痛藥，布洛芬，食咗就唔痛。至少2個星期，等牙齦重新生好，再去取牙模。
已經恢覆+拆咗線
第七日： 取牙模 12/16
取牙模，搞咗30分鐘左右，要按牙齦，有小小痛。
然後用單反+閃光燈，拍你臨近的牙齒嘅顏色，發比廠家製作牙冠（有d專業）。珠海中西結合醫院，做牙冠，用iphone 拍鄰近牙齒顏色🙂。
第八日：安裝牙冠 1/8
安裝牙冠無痛感，但覺得牙冠顏色白過頭，最終決定回爐重造
本人因為囊腫的緣故，牙齒空了2年之久（觀測囊腫是否散去），牙槽骨萎縮,導致牙齦萎縮，黑三角😮💨
醫生話，安裝牙冠之後，牙齦會慢慢稍微生翻d，唔知真假，上網查到,牙齦高度好大取決於牙槽骨高度,種牙請盡早😮💨
醫生話牙齦,術後可以回復到幾多術前冇辦法預估.
我種牙前,牙齦已經嚴重萎縮.
第九日：安裝牙冠 1/21
安裝完牙冠，會叫你咬下咬合紙，睇下你d牙齒怕唔怕頂，然後幫你磨下。醫生手勢好，根據咬合紙，磨咗少少，就唔頂牙。
呢次顏色跟返隔離個虎牙，冇咁白，自然d。順便幫我調整咗下，等牙齦萎縮顯得冇咁明顯。醫生叮囑我，每隔一年，返黎複診檢查下種植體與牙槽骨，唔收費。我牙齦薄，牙齒底部,會透出基臺鈦金屬黑色，醫生話加錢可以換個白色基臺。
牙齦萎縮嘅問題，可以做牙齦移植手術，不過後期效果唔保證，可能萎縮翻原樣😮💨
不過正常微笑，還好，睇唔到。
種牙原因
解釋下點解我要種牙，因為我細個去咗野雞診所，根管治療（度牙根）唔正規，導致牙根發炎形成囊腫。導致唔單尼個牙齒要掹，臨近嘅牙齒也要做根管治療。搞到唔咁去診所睇牙😅
位置：
醫院位置有d遠。
拱北地下巴士🚌1蚊，20-30分鐘左右。
拱北地下的士🚕18蚊，15分鐘左右。
資質：
二級口腔專科醫院,私立(醫院為三甲最高) 🏥
聯繫方式
你可以係大眾點評 or google 官網搵到微信聯繫方式，或者聯繫 me，順便話你知我睇邊個醫生，識粵語，技術好，我可以賺啲積分換牙刷。（加好友備註一下wechat）。我囊腫臨近牙遲啲都打算做牙冠，歡迎留言區分享其他有用咨詢。
