竹批雙耳峻，風入四蹄輕。

《房兵曹胡馬詩》 唐 · 杜甫

• 胡馬大宛名，鋒棱瘦骨成。
• 竹批雙耳峻，風入四蹄輕。
• 所向無空闊，真堪託死生。
• 驍騰有如此，萬里可橫行。

“大宛在匈奴西南，在漢正西，去漢可萬里。其俗土著，耕田，田稻麥。有蒲陶酒。多善馬，馬汗血，其先天馬子也。有城郭屋室。其屬邑大小七十餘城，眾可數十萬。其兵弓矛騎射。”——《史記·大宛列傳》

「這有ù-jiah--ê，轉去家己批，蓋好食，一粒十箍⋯」

知影頭家娘咧講的「批」，是共菝仔著傷的所在挖起來，雄雄聽著，想起一个久年的問題：為啥物，華語的 [信]，台語是「批」？批菝仔、批蓮霧，嘛仝這个音是「批」。

毋過今仔日，閣有一个「ù-jiah（焐跡）」走出來，佮咱想的無仝款。

「ù」，敢毋是佮燒抑冷的物件接觸著，才會講是「ù」？果子仔這款情形，阮慣勢講「頓點（tǹg-tiám）」抑是「靠著（khò--tio̍h」、「靠傷的」。

結果，干焦《台日典》佇ù燒ù冷以外有收第二个意思，例句「柑仔ù底--去」，柑仔去硩著、靠著，因為接觸去傷著就著。

「ù-jiah」，「ù」著的跡，果子仔看著䆀䆀，批批咧閣真好食。頭家娘的台語有影有古早，顛倒是我煞「知覺失調」，感覺彼「ù」應該是一下輕輕--a，袂輸唚著爾，「種草莓」應該會當算是「ù跡」喔⋯ 這菝仔𠕇硞硞，烏烏一跡，嘛算「ù跡」？敢袂怪怪？

啊，敢講是，烏烏一跡，若去予火焐著，才會叫做「焐跡」？

一粒十箍的菝仔，共買三粒爾，佇遮菝仔菝仔菝仔了了

【批】: