卓龍：喂！國遠！有你嘅同鄉發現呢個Wordpress喎！
國遠：佢會唔會睇得明粵文架？
卓龍：咁真係唔知喎，佢好似係睇叛神軍團… …德哥：吼呀！又係叛神軍團！點解無人會去睇《#DSE幻想校園》架？
超人：咁你都要做下嘢，post下文先得架！提多啲 #DSE… …
佩君：超人！唔好講！德哥你都冷靜啲喇。唔好成日tag個書名，咁會比fb 審查你話你出垃圾post架。
德哥：有無咁嚴重呀？
佩君：前排先俾人Block咗《叛神》個post，你唔記得喇？
德哥：又唔係我出，我點知喎~~
白龍：根據係某個平台討論所知，提到SEO嘅運算方式，當中都涉及fb同google嘅例子。
卓龍：咁係邊到可以睇返？
白龍：post link會令人賺點擊。
卓龍：有咩所謂即？咁先係互相合作！
白龍：呢點係對方提出。
卓龍：… …
超人：咁有無咩好嘅行銷方式呀？
焦爺：俾錢賣廣告喇！
Pinky：班會無budget。
Janice：一係叫希桐畫多啲畫？
德哥：都要搵到地方出post先得架！
超人：我哋呢個專頁唔係個人嘅平台咩？
白龍：fb平台，會俾fb賺點擊廣告… …
德哥：哎呀！咪咁mean喇！你用咩平台咩網站都係俾人賺點擊架喇！方便自己咪得囉！你有個人網站想人睇，咪又係要用fb做宣傳，賺到點擊又唔會有錢分，用邊個平台有咩分別呀？
白龍：都要解決被block同壓低觸及率嘅問題。
超人：可唔可以用其他字眼落「tap」，吸引讀者？
佩君：唔係「tap」呀！係tag呀！又唔可以話唔得，但落啲無人用嘅tag咪又好，落最多人用嘅tag又好，咪又係無人睇到，你都唔夠人哋爆光多架喇，即係廢落。
卓龍：喂，其實《叛》一直以嚟都係咁運作，係咪真係有問題先？
Pinky：時間成本，低效益，但總好過無。相反我哋本書高已經回唔到本，分分鐘蝕晒。
眾人沒有作聲。
Pinky：其實… …出書係咪真係錯嘅決定？
眾人：… …咪咁mean喇… …
卓龍：想做咪做囉，Sale到就Sale，只要比人知道有呢本書嘅存在就得喇。人哋鍾唔鍾意，支唔支持，我哋都控制唔到架，係咪先？
眾人：… …係… …
突然，榮師傳衝入班房叫道：好消息呀！APM三聯無晒我哋本書呀！
眾人：真嘅？
榮師傳：係呀！有個朋友同我講架！我記得書局清單係有入貨，佢話去到問職員都搵唔到。
卓龍：… …等等，係真係賣晒？定係收埋咗無上架？
榮師傳：佢話搵唔到咋。
卓龍：咁如果真係賣晒，理論上係咪應該返貨？佢有無話書局會再返貨？
榮師傳：… …好似淨係叫佢去第二間分店睇，呢間應該唔會再入… …
卓龍：唔係掛？我仲有成五百幾本喎！佢賣晒都唔入貨？
眾人：… …算喇，咪咁mean喇… …
佩君：咁… …我落唔落tag好呀？
卓龍：最少都落返廣告欄。
《DSE幻想校園(一)》現正在香港各大書居公開發售 或 可到網上訂購。
詳情請到 《DSE幻想校園》專頁了解。
https://www.facebook.com/DSEFFSTORY/
