返校中的三個小細節

2019/12/18閱讀時間約 4 分鐘
返校係一套唔錯嘅電影,先不論導演的運鏡有幾了得,我想講下導演徐漢強係細節位上嘅著墨。當中包括有三個位。1:被吊死的果實。2:忠黨愛國。3:馬克思頭像
首先,電影引用左泰戈爾的《Stray Birds》中的一句-「埋在地下的樹根,使樹枝產生果實,卻並不要求什麼報酬。」但係要先介紹一下泰戈爾,電影中也介紹了他係以為印度詩人兼哲學家,但冇講到佢係第一個得到諾貝爾文學獎嘅亞洲人。當時孟加拉被英國佔領,作為印度本土作家,理所當然地係印度獨立運動嘅支持者,同時佢反對當時填鴨式的教育方法,認為這種死背書嘅教育方式根本就係不可行的。因此佢係《Stray Birds》中「埋在地下的樹根,使樹枝產生果實,卻並不要求什麼報酬。」係把樹根借喻為教師,而在樹枝上果實自然為老師教出來的學生,但過程老師付出甚多卻不求回報,用借喻嘅方式讚揚左作老師呢種職業。而睇返電影,讀書會被發現後,無論老師定係學生全部被捉,原本學生仿畫《Stray Birds》中的樹上可以留到係吊住幾個死左嘅黑色火柴人,我將它解讀成為係台灣當時白色恐怖時期,以泰戈爾嘅自由思想教出來的學生,最後必定難逃一死。而學生被吊著也在電影中頻繁的使用,證明導演希望表達當時學校係白色恐怖時期,學生係無法自己決定自己閱讀的書籍和思想,因為一但被發現與國民黨政府相違背的書籍或者思想後果只有死路一條。
其次,返校中管理鎖匙嘅阿伯,電影入面相對遊戲更加左豐富佢嘅背景,我地知道阿伯跟隨國民黨23年,退伍後就到翠華中學做管理員。咁點解係講到好清楚係23年?首先開頭我地知道返校嘅發生係背景發生1951年,係國民黨開始戒嚴已經有3年。23年前就係1927年,而1927係國共內戰爆發的第一年,咁就係話個阿伯係國共內戰開始跟隨到國民黨,而最後到退守台灣,可以講阿伯都算有極高資歷,好大機會退伍後得到這一份管理校內鎖匙嘅好工,就係國民黨給予佢嘅獎賞,如果仔細留意啲話,我地可以發現到左右手都有紋身(好似係藍色嘅),左手見到係國民黨黨徽青天白日滿地紅嘅標誌,跟住就寫住忠黨愛國四個字。而右邊就留意唔到咩字,相信都係類似嘅說話,好明顯佢就係好感激國民黨俾佢嘅光榮,但最諷刺嘅係最後佢係被佢所尊敬嘅國民黨以協助共匪個嘅罪名殺害,展示左一個完美嘅Condom係點樣嘅。返校中軍官說過這是一個讓死者懺悔的世界,女主因為唔敢想去過去而來到離不開這個時間,而阿伯可能係連死後都無法面對自己被國民黨殺害的事實,因此才會追殺男友主吧!
最後,係張老師個屋企內有一幕可以清楚地看到張老師牆上嘅素描左邊掛著水仙花,右邊係西方個畫,當中有一幅明顯係馬克思嘅頭像。先講水仙,水仙象徵這自戀,係《變形記》中有都講過(呢度就唔多講,希望讀者可以睇下本書),自戀嘅人大多數對自己有強烈嘅愛意,以自己為先嘅想法與個人主義相似。同埋水仙(Νάρκισσος)係希臘文翻譯而來的,希臘文中水仙就有自戀的意思。此外雖然水仙係世界上任何地方都有,但係亞洲水仙嘅原產地係中國。透過呢兩個背景我可以得出,牆上左邊嘅水仙有兩個意思,一個係以自己為先嘅個人主義,一個就係象徵中國。另外右邊則係以馬克思為首嘅集體主義,同埋西方思想。我認為呢度係代表著一方面個人主義同集體主義嘅對抗,另一方面係東西方文化嘅衝突。但係無論係那一種主義,來自那一個地方,係當時白色恐怖年代一旦憲兵或者鄰居發現舉報就可以以《戡亂時期檢肅匪諜條例》同埋《懲治叛亂條例》兩條惡法判而死刑。
導演徐漢城係返校中加插左唔小嘅細節位,刻畫當時白色恐怖時期台灣人面對極權政府時所要極大壓力和恐懼,相比起被日本殖民時期活得更加冇人權和尊嚴。雖然依家香港經歷十分困難嘅時刻,但我地都唔會輕易放棄,就如返校入面所講,我地會活著直至自由來臨的一刻。我也借此機會簡短地討論一下台灣難民法的問題,我會使用書面語希望台灣人也可以輕鬆地閱讀。首先,我很感謝台灣這次對運動的支持,無論台灣是否就難民法開始討論甚至立法,我知道就算有難民法可以提供庇護,我深知熱愛香港本土的抗爭人士是不會去台灣,他們一定會留在香港,無論是我還是抗爭者都是熱愛香港這個地方,我們哪裡都不去
    iamgoon01
    iamgoon01
    香港大專生 行年23但一事無成
    留言0
    查看全部
    發表第一個留言支持創作者!