網購多選擇 平台優劣要明白（下）

(一）消委會實測上集我地講到唔同網購平台喺購買訂貨時會出現既問題以及各大平台之間既特色。但網購既中伏位又點止喺購買既時候咁簡單。相信每個網購過既人都會經歷過貨不對辦呢個問題。呢個時候與其放係度篤眼篤鼻，又唔抵得自己買錯野中伏，退貨就係最精明既選擇！當然唔同既平台喺退貨上唔同既問題，今日就帶大家睇下Amazon,ASOS,Big Big Shop, Gmarket, HKTVmall, PChome,Rakuten, Zalora以及淘寶／天貓等九個香港人常用既平台喺退貨上會出現既問題！
1. 退貨限期



貨物送達後未必每個人都會馬上驗貨，有時唔得閒開箱或者一啲難發現既瑕疵位都會令你未必可以即時察覺有問題。呢個時候平台退貨既期限就十分重要。以下喺九個平台各自既退貨期限：
7天內退貨：Big Big Shop, Gmarket, HKTVmall, Pchome15-30天內退貨：淘寶／天貓（貨物損毀）, Amazon, Zalora45-90天內退貨：ASOS, Rakuten
需要注意既喺大部分平台既退貨期限會係簽收果一刻開始計算。例如從HKTVmall購買的貨物於早上十一時簽收，咁七日後既十一時零一分起帳戶內既退款按鍵就會消失。
2. 退貨運費安排


唔同平台之間亦有不同喺退貨運費上既安排。Amazon,ASOS及Zalora既用戶於平台上按指示完成退款手續後便可以將貨品交到指定地點，如非無理退貨，所有費用全免。HKTVmall則會免費上門回收問題貨品，最為方便。Big Big Shop會視乎貨物情況安排不同退貨手續。呢幾個平台對香港用戶來說，辦理退貨時操作比較容易，加上運費全免，比較方便。
而Rakuten,Gmarket,Pchome,淘寶/天貓等四個平台由於並非以香港業務為主，喺退貨時多數要由買家負責送出境外既運費。喺退款時亦有可能因為外匯價格變動而出現退款不足既問題。加上自行安排境外退貨手續一般都比較繁複，例如化妝品、護膚品及醫療用品喺內地屬於管制貨品，唔可以隨便輸送到內地，即使供貨商接受退貨申請，消費者亦有機會因不同國家既運送管制而未能送遞貨品。建議大家如果要喺國外平台網購，最好先做好資料收集再進行落單，以免貨不對辦。
3. 退貨安排查詢


就不同情況下，退貨可能會有不同既安排，平台必須給予透明度高既指引供消費者參考，先可以令整個退貨程序變得有效率。Amazon, ASOS, HKTVmall, PChome, 淘寶／天貓及Zalora於帳戶內都設有退貨申請既按鍵，只需等待供貨商確認便可以完成程序，步驟較清晰易明。
而Gmarket及Rakuten就沒有詳列退貨申請程序，必須以電郵向供貨商申請，手續上相對繁複。特別要注意既喺呢啲以電郵與客服人員或供貨商聯繫既方法好有可能會因客服延誤回覆而出現無法退貨既情況。大家必須要注意！
雖然一般人網購既時候都無預計過自己會退貨，但無可否認既喺退貨的確喺一件十分勞心勞力既事！睇完呢篇文之後，大家選擇網購平台既時候就要留意下呢啲細節喇！
（二）防伏小貼士退貨不成，唔一定因為平台問題。因為唔係樣樣野都可以退貨架！越係難安裝、難更換的東西，越難退換。比如說，地磚鋪左落地，包你100年保養都無用啦！所以，入牆嘢網購要小心考慮風險啦！想知多D咩嘢唔適合淘寶，可以睇下裝修佬頻道嘅裝修FAQ - 七種唔應該淘寶嘅情況，或者參加我地既裝修防伏班，一日學哂裝修要知嘅嘢。

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。關键字： 裝修佬; 裝修; 網購; 平台;