國際合規新聞報道@規佬筆記(9)
閱讀時間約 23 分鐘
2020 年 8 月 1 日
大家覺得，邊張圖嘅指示最清晰易明？
係，呢三圖，分別係 ZA 、天星及 WeLab 三間虛擬銀行喺開戶過程當中，拍攝身份證正面三次嘅其中之一。
為咗防偽，各大金融機構接納得遙距開戶，基本上都會要求用戶將身份證放平、向上微斜同向下微斜嘅。不過，大家點樣向用戶表達呢啲要求，就真係各師各法喇。
ZA 喺開始之前有段 15 秒嘅有聲短片講解，係用手指掂住卡邊，然後 tilt up / tilt down 。短片結束後，就有進入拍攝版面，簡潔地請大家將身份證放入框內，大頭相位置都清晰。
天星嘅簡介都係類似，但就主要用一頁版面教你點做，貫徹咗冷冰冰嘅風格。
最後出場嘅 WeLab ，唔知係咪想大家喳喳淋開到戶口。冇乜簡介就直接埋牙，而且係要用戶移動手機去遷就張身份證，再附加中間圓形水平儀，成件事一來 counter-intuitive ，二來綁手綁腳，你試到去 tilt up/down 嗰兩個 stage ，真係幾高難度。
同樣嘅情況，亦出現喺拍攝大頭相做生物認證嘅部份： WeLab 啲版面跳轉得超快，黑色版面要你舉高部機到 eye level ，然後半秒後就要你自拍，稍一唔準又會彈返去頭先個黑版面，感覺好 chur ，唔係太舒服。
It’s all about customer experience.
嚟緊收埋張 Debit card 會再講下 WeLab 呢間 VB 嘅客戶體驗係點。
繼旅行支票之後，另一種古代遺留落嚟嘅支付工具「匯票」 (Demand Draft) 都開始走向末路。
大家可能唔知乜嘢係匯票，但本票都聽過喇啩？「去銀行買張本票，用嚟落訂」應該有買過車、買過樓，或者訂過酒席嘅朋友都經歷過。
本票係銀行發出嘅一張票據，票據上通常寫明收款人同銀碼，而收款人可以拎住呢張票據將款項存入自己銀行戶口。
咦？乜咁似支票嘅？
係呀，本票同支票背後都涉及銀行之間嘅結算同交收，唯一分別係，支票由銀行戶口持有人發出，有機會因為戶口冇錢 (或者被凍結) 而彈票。本票因為你向銀行買嗰下，銀行已經扣咗你戶口錢，所以除非銀行執笠，否則就基本上安全嘅。
咁匯票呢，就係本票嘅國際版囉。你買張匯票寄畀外國物業經紀，只要知道對家戶口名稱，唔需要戶口號碼或銀行名，對方憑票就可以收錢。
隨住國際間嘅匯款普及，加上電子支付等產品推陳出新，匯票少咗人用，好合理。
其實仲有另一個 driver ，係 AML 。畢竟呢啲票據可以攞去典咗佢， discount 咗會有人收，而且古時有啲銀行接受人用現金買本票同匯票，亦有可能係攞票去銀行直接提現金而唔經戶口，令呢啲票據成為不法份子洗錢嘅工具。
當年匯豐畀美國當局指控反洗錢不力，繼而展開 Global Standard 嘅 programme ，其中一步就包括將一啲高危 (從 AML 角度計) 嘅產品消滅。一開始講嘅旅行支票都係高危嘢。另一個，大家未必估到嘅，係保管箱。
Anyway ，而家係英法兩國嘅匯豐話九月起停收匯票，所以香港匯豐到時跟住停發。咁，日後都係行 remittance 啦。
Source:
2020 年 8 月 2日
[唔做媒人三代好？唔一定嘅]
因為被揭發造假帳而股價蒸發九成兼且面臨成為首家倒閉嘅德國 DAX 指數成份股 Wirecard ，簡稱「因 card」，喺 2019 年 4 月成功獲得 Softbank 注資九億歐羅，背後原來有中間人撮合嘅。
Christian Angermayer ，一個相當之著名嘅 deal-maker 同創業投資者，將 Softbank 介紹畀 Wirecard ， Softbank 向 Angermayer 支付兩球歐羅做媒人費。
但原來， Wirecard 都有畀返錢 Angermayer ，仲要畀咗 11.25 球歐羅咁多！即係 Wirecard 籌旗金額嘅 1.25% ！真係發過豬頭。
The rest is history, la. Wirecard 變成因卡， Softbank 揸住嗰九億可換股債就凍過水。但 Angermayer 就可以飽食遠颺喇。
除咗呢單鬼刁， Angermayer 另外仲有單為人熟悉嘅代表作：就係喺 2017 年將海航集團引入成為德意志銀行最大股東！透過設立一大串離岸公司，海航揸住 DB 大約一成股份。
之後嘅嘢大家都可能記得：海航債台高築而最終要將持股放售。 Yet again ， Angermayer 收咗錢就撇啦，呢啲媒人真係幾好做。
Source:
Moving on.
呢單 IPO 因為招股書一句陳述而搞到格隆匯號召杯葛，中資經紀行紛紛「下架」 (係嘅，其實銀行或者經紀行唔係老奉隻隻 IPO 都畀客戶抽嘅) 。
Underwriter 之一嘅中國通海就出嚟話唔同意招股書嘅表述，而負責上市嘅律師樓以至有份審批嘅港交所雖然都冇出聲，但睇嚟日後對住呢啲涉及肺炎嘅陳述句，都會更加小心，避免傷及中華人民共和國人民嘅感情。
老老竇竇，呢啲 risk disclosure statement 真係天下文章一大抄，隨便上返 HKEx 個網睇堆招股書同埋 SFC 互惠基金嘅銷售文件都可以手到拿來。
Source:
2020 年 8 月 3 日
[私募股權普及化？]
《規佬筆記》第一次喺 Patreon 登場，當然唔好意思要大家等太耐。嚟緊希望每逢星期日前後會有稿出，大家留意返啦。
對於散戶嚟講，私募股權 (private equity, “PE”) 好似遙不可及，事關大家喺香港證監會嘅框架之下，基本上買唔到呢啲 PE 產品。舉個最簡單嘅例子，小米同美團點評喺香港上市之前，本身都係科網「獨角獸」，而背後嘅投資者，早喺佢哋仲係創業階段或者逐漸成長嘅時候，已經以 private equity 嘅形式入股。
放心，晏啲仲會有啲短打畀大家免費睇。畀啲時間嚟。
呢啲咪霸氣。
咪住，唔好以為又係政治或者制裁問題。除咗中金，螞蟻仲有搵大摩、細摩同花旗三間美資行安排保薦或者包銷嘅。
咁金人同美銀衰乜呢？《明報》引述彭博報道 (多謝讀者指正) 就話，因為人哋幫過拼多多及京東集資喎。
呢啲咪霸氣。
咁從規佬嘅角度睇，呢啲當然係商業決定，唔關咩法規事。「家下係我唔畀生意你做」，有 bargaining power 嘅，投行有求於你，而唔係你有求於投行，使乜驚？
Source:
同阿媽匯豐唔同，恒仔唔 cut 人就一向係行內皆知 (manage out 係另一回事) 。咁呢篇嘢趣位喺邊呢？
細心嘅朋友會發現，圖中嘅 iPoint 早已經消失，變咗幾部外幣提款機。係呀，中環站 ABCD 出口嗰邊個轉角位吖嘛，起碼轉咗一至兩年咯。但係喺六、七年前， iPoint 曾經係一樣「潮物」， hip initiative 嚟㗎。
iPoint 呢個希望將人流多嘅地位變成簡便輕巧嘅開戶同銷售點， with the benefit of hindsight 就係徹底失敗嘅。事實上，人人去地鐵站都滾水淥腳㗎啦，邊有人得閒停低聽你 sell 嘢呢？
雖然門面設計當年走得幾前，亦有間房畀客人買嘢或者簽文件，但係本身目的唔多對路，就變咗緣木求魚。
同埋，今時今日 e-channel 同 virtual bank 先至係潮流，啲舖租留返嚟做啲實體交易 (即係㩒錢、入錢同入票) 咪幾好。金管成日都強調要普惠金融，要 banking services being accessible ，地鐵站門面，咪就係咁用囉。冇得話下下都 generate revenue 嘅。
Source:
[Your mother is female]
頭先講完阿恒仔，咁啱就輪到佢阿媽匯豐。段標題係無得頂嘅，因為講咗同冇講一樣。你試下搵間金融機構話唔會遵守某個國家嘅法規？
其實有嘅，你冇喺嗰個國家開業或持牌，咪理鬼佢囉。
但匯豐要食兩家茶禮，就自然左右做人難。 CEO 講得好好㗎，「法規衝突」，即係兩邊各有各嘅法律同規矩，而兩者之間有啲位係冇得求同存異嘅，直情係順得哥情就要失嫂意咁滯。
坦白講， CEO 講到「十分大的挑戰」，都意味住面對香港嘅情況，匯豐只可以 #畀啲掙扎，逆境求存，處於被動捱打嘅狀態，可以有得繼續做生意已經算係萬幸。
查實中美互相制裁嘅問題，通行都要面對。但點解匯豐同埋渣打好似寧寧舍舍在水中央嘅呢？定位問題囉。好景嘅時候左右逢源，但好景不常嘛。趨勢逆轉但係又冇得二揀一嘅時候，除咗求神拜佛官府快啲畀少少指引，步步為營、少做少錯可能係唯一嘅選擇。
Source:
諗諗下， FT 都真係好有嗰種「雖遠必誅」、鍥而不捨嘅精神。或者呢份正正係做傳媒應有嘅堅持同執著～
又係因為涉嫌造假數導致股價蒸發九成兼且面臨成為首家倒閉嘅德國 DAX 指數成份股嘅 Wirecard (簡稱「因 card 」) 出場嘅時間。
FT 從公司內部文件發現， Wirecard 客戶包括喺馬爾他成立嘅博彩公司，而博彩公司背後有可能為犯罪集團 (唔係「飯聚集團) 清洗黑錢。
其中一間博彩公司 CenturionBet ，由一間喺巴拿馬成立嘅空殼公司持有，就正正係早前被揭發拎意大利公營醫療系統欠落嘅帳單去投資銀行打包成債券嘅黑手黨 ‘Ndrangheta 用嚟洗錢嘅洗衣機。
如果有讀過啲 AML 課程或沙紙，都應該知道賭場係洗錢聖地。金融機構一般對於博彩公司都敬而遠之，如果真係要做生意亦要加強 due diligence 同埋密切監察交易，有咩可疑就 file STR (Suspicious Transactions Report) 。
不過，似乎 Wirecard 一直都唔覺得 CenturionBet 同其他博彩公司有咩問題，即使有傳媒報道， Wirecard 都係問客攞下料，覺得 okay 冇咩嘢就算數。
CenturionBet 已經喺 2017 被馬爾他當局，並且喺一次拉咗 68 人嘅反黑行動之後冚檔。
問題係，究竟 Wirecard (甚至其他 FinTech) 對 AML 有幾認真？雖然 CenturionBet 帶畀 Wirecard 嘅生意額好細，但仲有幾多污糟那渣錢經過 Wirecard 洗白，先至引人入勝。
FT free link:
2020 年 8 月 4 日
人民銀行 (PBoC) 想發行虛擬貨幣就唔係啲咩新聞，但背後嘅動機係咩呢？
除咗人有我有或者動搖美元嘅地位之外，有分析就認為人行要扶持傳統銀行業，劍指被科技巨人騰訊同阿里搶走嘅市場。
話說支付寶喺 2020 年第一季喺流動支付嘅市場佔有率超過 55% 。呢個流動支付市場，預期今年會處理 140 trillion 人仔嘅交易。 Trillion ，萬億也。 140 萬億人仔，係一個乜嘢概念？
攞返 UnionPay ，即係銀聯嚟講，上年銀聯處理嘅交易金額就達到 189 萬億。換句話講， mobile payment transaction volume 已經迫近銀聯嘅 75% 。又難怪中銀監同銀行界對於支付寶同微信支付咬牙切齒嘅。
分析認為，由央行發行虛擬幣，可以將客戶推返去銀行，扭轉手機 App 架空金融中介人嘅趨勢。雖然阿里系嘅螞蟻金服都想發行虛擬貨幣，但係似乎點都要排喺 PBoC 後面。
另外，人行嘅虛擬幣可能應用喺貿易方面，包括中港之間嘅跨境貿易。咁，或者就可以唔使解決人民幣國際化嘅問題，又可以加強 PBoC 喺環球金融舞台上嘅影響力？
Source:
恒大健康旗下電動車品牌「恒馳」舉行新車發布會，震撼全球 70 億人 (係咪要咁寫㗎？) ，公司市值高過持有其 74.99% 股權嘅母公司恒大，相信令唔少人懷疑人生。
708 呢隻股票前身係新傳媒，係，楊受成先生嘅傳媒事業，以前係有上市嘅。不過公司喺 2014 年尾宣布賣殼畀恒大地產，傳媒業務就賣返畀楊生。
2015 年 8 月，新傳媒已經改咗名做恒大健康，證監出公告，提醒投資者 708 股份高度集中，除咗恒大嗰 74.99% 持股，另外 18 名股東揸住 18.38% 股權，即係「街貨」剩返唔夠 7% ，股價可能較易被舞高弄低。
後來股份一拆十，大股單恒大地產至今冇披露任何股權變份，可以理解佢哋最低限度都仲有 74% (雖然冇變動嘅機會都係最大) 。再睇埋 CCASS 經紀及托管商持倉分布，可以見到大摩、結好、中信喺五年間嘅持倉增幅最大。跌幅最大嘅，係匯豐！\
咁啲貨當然好大程度上係代客戶持有嘅，但傳統上，匯豐、恒生散戶比例較高，大摩、中信呢啲機構投資者參與嘅機會較大。至於結好，喺本地股壇都相當之出名，唔使多講。
五年間嘅變化，可能只係 A 系友好交棒畀 B 系友好。如果散戶而家先嚟沾手，就好可能接火棒咯。
以上數據完全公開，去 webb-site 度揀股票編號同日期就可以搵到。分享下呢啲小竅門，下次大家自己都識得分析，唔使聽「專家話」。
SFC 公告 link ：
《蘋果》 link:
[保守派，開通派，香港新姿態]
投資有分好多流派，當中大戶包括技術分析 (technical analysis) 同基本分析 (fundamental analysis) 。嚟到 2020 年，喺肺炎疫情之下，另類數據 (alternative data) 分析殺出咗一條新血路。
就咁嘅，傳統分析員一係睇財務報告，一係睇圖表，總之從數字或者趨勢去推敲資產價格嘅走向。但係由於全球經濟都受到疫情拖累，邊個國家舐嘢，邊個地區貿易停頓，除咗靠官方發布同埋滯後嘅經濟數據之外，另類數據就提供更快更到肉嘅統計，為對沖基金經理作為指路明燈。
呢大半年嚟，唔少芬佬都收到好多數據服務供應商嘅 pitching call / email ，有別於傳統投行分析公司業績同前景，呢啲飛來蜢著眼於社交網絡嘅帖文分佈、病毒本身繁殖率 (即係 “R-number”) 甚至透過衛星圖片睇下貨船出勤嘅情況，從而判斷邊個國家或者行業嚟緊會有運行 (或者冇運行) 。
當然。有啲基金經理就比較口硬，話即使佢哋表現跑贏同業，原因都不過係因為佢哋有用到常識去判斷前景，唔能夠歸功於呢啲另類數據。
What7so-ever 啦，唔理黑貓白貓，賺到錢嘅基金經理就係好貓。既然已經有人成功捕捉 social media 對於挪威克朗前景看淡而大賺一筆，咁至少從事 data science 嘅朋友只要搵啱研究方向，都至少係一條財路吖。 Sell 到條橋或 data service ，實質上股匯價格變化都關人鬼事咯。
Source:
2020 年 8 月 5 日
美國銀行 Wells Fargo 近十年來首次錄得季度虧損，管理層將矛頭指向日益膨脹嘅顧問費用。
話說 Wells Fargo 喺 2016 年被指控 mis-selling ，被罰 30 億美金之餘，仲要落實程序大幅改善內部監控。
於是， Wells Fargo 就請咗頂級顧問公司 McKinsey 同一間 law firm 去 lead project ，希望滿足聯儲局同監管機構嘅要求。後來 Wells 轉用 PwC 同另一間 law firm ，搞下搞下每年顧問費用開支就達到 10–15 億美元。
Wells 仲有搵其他顧問公司 (包括 Accenture 、 EY 、 Deloitte 等) 去處理一啲風險管理或者內部流程改進嘅項目。
顧問公司收到呢啲飛就梗係賺到笑啦，早幾年香港某間大行亦都因為林林種種嘅問題而要 outsource ，聘請顧問公司幫助重組架構同埋推動一啲 IT projects 或者改善流程嘅項目。
當時受惠嘅顧問公司固然大張旗鼓，請落唔少 Project Manager 同 Business Analyst ，但係呢啲工作一來舖舖清，冇乜連貫性，二來 insourcing 呢個選項永遠都存在， 好似 Wells 咁，一旦決定斬纜或者攞返啲嘢嚟自己做，顧問公司就可以食風。
頭先講過嗰間顧問公司，去到後期冇乜 job 接，就有唔少員工要坐 bench 或者喺個客度無所事事𢱑手指，返十放五，中間食兩個鐘 lunch 加一個 tea 都仲得。
喺公司角度嚟講， outsource 從來都只係過程，如何掌握返啲核心技能同知識，令自己隨時可以甩身或者更換表現不如理想嘅 vendor ，其實係必須顧及嘅。同埋，監管機構係唔會理你係咪 outsource 嘅，有咩冬瓜豆腐，都係捉你內部負責人嚟處分。唔好諗住假手於人～
Source:
又係因為涉嫌造假數而股價蒸發九成並且面臨成為首家倒閉嘅德國 DAX 指數成份股 Wirecard (簡稱「因卡」) 嘅時間。
是咁的，原來 Wirecard 喺 2005 年上市嘅時候，係借殼上市嘅！當年有隻殼叫 InfoGenie (聽落好似科網泡沫爆破之後賴低嘅遺物) ，被 Wirecard 入股之後改頭換面成為 2020 年爆煲嘅 DAX 指數成份股。
喺香港，港交所早排修訂咗《上市規則》，大大提升咗借殼上市嘅難度。如果大家記性好嘅話，早兩年大撚把建築工程公司上市，隔一排之後就賣盤變身。當年港股市場殼股有價，主板幾億到十億港銀不等，創業板兩三億起跳，當然要視乎隻殼嘅質地而定。
至於喺美國呢，近年就反其道而行，興起借殼上市嘅風潮。當地有樣嘢叫 “SPAC” ，全名係 Special Purpose Aquisition Company ，佢哋嘅上市，基本上就係為咗日後被入主。舊年每四隻 IPO 就有一隻係 SPAC ，而今年透過 SPAC 集資嘅金額已經超過一百億美元。
SPAC 本身會有保薦人 (sponsor) — 係，港股上市一律有保薦人，但美股唔使嘅，除非你係 SPAC 。咁投資者買唔買呢啲 SPAC ，就取決於信唔信個 sponsor 喇。
之後 SPAC 就會「唧」入實際公司業務，例如早前維珍創辦人 Richard Branson 嘅太空旅行公司 Virgin Galactic 就注入咗一檔 SPAC 度，股票今年升咗一倍。
呢種上市方式，好處係快、靚、正。唔使經過典型 IPO 嘅披露，可以快快手定價，喺疫情之下，私人公司要集資就方便好多。
但唔好處，當然就包括透明度低， SPAC 喺注入業務之後亦可能因為發行認股權證而攤薄原有股東權益 (亦引來對沖基金掃入博短炒) ，而且保薦人收費本身同集資金額掛勾，令保薦人角色存在利益衝突。
對沖基金經理 Bill Ackman 管理嘅基金 上月就為 Pershing Square Tontine Holdings Ltd. 做 SPAC sponsor ，籌募多達 40 億美元。佢嘅玩法有啲特別，例如唔收 upfront fee ，認股權證即使轉讓亦只可以畀返圍內嘅股東等，呢啲設計某程度上鼓勵大家睇長線，對保薦人會有多啲信心。
Source:
柯達上周獲美國當局批出貸款製藥，股價一度急上 30 倍，但係 CEO 喺六月曾經買入公司股票，加上公布貸款前一日再獲發可換股期權，惹來內來交易嘅嫌疑。
考考大家，判斷內幕交易嘅標準係乜嘢？呢單嘢又係咪內幕交易？夜啲分享下我嘅理解。唔包生仔㗎下，陣間你班友又話我 #唔專業 ~
Forutune link:
蘋果link:
第二間在港開業嘅VB 天星下調 P-Loan 息口至最低 1.85厘，年利率較之前低咗足足 114 滴 (basis points) 。
其實無論你講瀏覽量、申請人數定 draw down amount 增長，基數本身細，兩倍都係細。本來無一物，何處惹塵埃？
如果反應熱烈，加開幾場叫添食，咁反應熱烈而減低叫乜呢？從來香港樓盤首批沽清之後第二批加推都係加價，天星劈息，只可以話佢哋之前開價唔夠競爭力，咯
Source:
2020 年 8 月 6 日
噚日講過，美國柯達公司今年 7 月 28 日宣布獲得當局貸款 7.65 億美元，生產對付 COVID-19 嘅一種藥物成份，而公司喺早一日嘅成交激增七倍，似乎有知水暖嘅春江鴨從中獲利。
國會議員，民主黨嘅 Elizabeth Warren 就向 SEC 主席 Jay Clayton 致函，指出柯達公司高層六月份喺持有公司嘅重大非公開資訊 (material non-public information, MNPI) 而買賣公司股份，有犯法之嫌。佢促請美國證交會調查柯達公司喺公布股價敏感消息之前，進行股票買賣嘅人士係咪知情。
咁我又真係落手落腳做咗少少功課，喺 Pateron 同大家分享下啦。
Link:
又係因為涉嫌造假數而股價蒸發九成兼且面臨成為首家倒閉嘅德國 DAX 指數成份股嘅 Wirecard (簡稱「因卡」) 嘅報道。
Wirecard 爆煲前夕，大家正調查緊 Wirecard 聲稱擺喺菲律賓兩間銀行嘅 19 億歐羅嘅去向 (which turns out to be non-existing…)。菲律賓當局及後對 Wirecard 嘅幾個合作夥伴展開調查，包括 Centurion 同 PayEasy 。
日前規佬講過 Centurion 涉嫌處置意大利黑手黨嘅黑錢，而今日就輪到 PayEasy — 公司老闆之一嘅 Christopher Bauer 據報已經喺馬尼拉過身，終年 44 歲，死因暫時不明。但就有消息話，佢係死於心臟病發。
查實上個月 27 日， Christopher 太太喺 Facebook 貼出一個黑絲帶嘅圖片，而佢嘅女就貼出刻有 Christopher 名字嘅骨灰盅嘅相。 Christopher 父母亦喺今個月 1 日登報出訃聞。
根據 KPMG 嘅特別核數報告， Christopher 同後來著咗草嘅 Wirecard COO Jan Marsalek 向 KPMG 同 EY 表示， PayEasy 嘅業務係為高風險客戶處理錢銀交易，例如網上博彩同鹹網。
Jan Marsalek 據報喺六月曾經過境菲律賓並前往中國，但後來調查發現呢啲出入境紀錄都係偽造嘅。菲律賓司法部長就話，正嘗試確認 Christopher Bauer 嘅死訊，然後再決定使唔使調查佢嘅死因。
Source:
為什麼會看到廣告
22會員
31內容數
「若抑揚得所，趣舍無違，值筆廉斷，觸勢峰鬰，揚波折節，中規合矩。」
Compliance ，中譯「合規」。
來自香港，以廣東話/粵語行文，書寫全球金融市場合規、反洗錢及金融科技的趨勢。
男人老狗做 Compliance ，是為「規佬」。 純學術探討。
留言0
查看全部
你可能也想看
Google News 追蹤
接下來第二部分我們持續討論美國總統大選如何佈局, 以及選前一週到年底的操作策略建議
分析兩位候選人政策利多/ 利空的板塊和股票
🤔為什麼團長的能力是死亡筆記本?
🤔為什麼像是死亡筆記本呢？
🤨作者巧思-讓妮翁死亡合理的幾個伏筆
隨著全球化的發展，許多企業開始尋求國際業務機會，擴大其市場範圍。然而，國際業務帶來了許多挑戰，特別是在會計和記帳方面。無論是公司登記、公司設立、工商登記，還是記帳等過程，都需要仔細處理各種應備文件和費用。這些挑戰需要專業的會計師和記帳師來應對，特別是在台北這樣的國際商業中心。本文將探討會計和記帳在國
❝ 心、佛、眾生，三無差別。你、我、他人，一切平等。 ❞
當我們的 Web 應用越來越多地受到國際用戶的歡迎時，提供多語言支援就變得至關重要。在這篇文章中，我們將介紹如何在 Gin 中實現國際化和本地化，讓你的應用能夠輕鬆支援各種語言。
台胞證，對於許多持有者來說，不僅僅是一張身份證明文件，更是開啟國際文化交流和藝術領域之門的鑰匙。在這個充滿多元文化的世界中，台胞證的作用不容小覷。本文將探討台胞證持有人在國際文化交流和藝術領域中的卓越表現，以及台灣在這些領域所取得的成就。
中醫好還是西醫好？中藥就溫和？西藥就傷身？這是杏林常見世俗疑惑的問題，其實中、西醫藥理及目標本就不同，西醫（藥）對解除病症，短期達立竿見影之效，中醫（藥）則是改善體質，長期來獲得具體效果，但閉門造車、單打獨鬥已不符合現況的醫療發展，採取中西合併的方式是另一派專家學者建議的治療及用藥趨勢。
加權上週五收在13684，觸及10/5日向上跳空缺口頂端。今日沒意外開低形成島型反轉，島型缺口13600~13700為下一波壓力區。那斯達克週五週一領先島型反轉，已破底 / 費半也已破底，理應台股會反應，本週可見破底。
【今天是什麼日?】
9月21日
International Day of Peace
【國際和平日】
国際平和デー（こくさいへいわデー）
今天9月21日是「國際和平日」。
該紀念日由聯合國大會設立，旨在呼籲所有國家和人民合作實現全球停火，增強和平理念。
#今天是什麼日?
#9月21日
#國際
美國無可取代的，在於其強大的國際投資位置和消費力。
美國GDP消費佔部分佔全部的將近70%，同時是消費主力及終端。
也就是全球的景氣榮枯，要緊盯美股數據。
美國是消費大國所以要看數據，消費數據是台灣GDP的22倍
「美國GDP（國內生產毛額）年增率」是全球經濟領先指標。
未完待續……請期待
下面我們從間接食品添加劑章節（Part175~178）角度出發，對其新修訂內容進行總結。以下列出的物質均是FDA（美國食品藥品管理局）從現有的授權清單中移除的鄰苯二甲酸酯類物質，也就是說這些物質今後將不再符合美國食品添加劑法規的要求，不能使用在美國的食品接觸材料和製品中。
瑞歐提醒您
自2019年底新冠疫情爆發以來，為了保障美國公民對消毒劑的使用需求，美國EPA（美國環境保護署，Environmental Protection Agency）發布了一系列友好政策來鼓勵企業登記消毒劑產品......
接下來第二部分我們持續討論美國總統大選如何佈局, 以及選前一週到年底的操作策略建議
分析兩位候選人政策利多/ 利空的板塊和股票
🤔為什麼團長的能力是死亡筆記本?
🤔為什麼像是死亡筆記本呢？
🤨作者巧思-讓妮翁死亡合理的幾個伏筆
隨著全球化的發展，許多企業開始尋求國際業務機會，擴大其市場範圍。然而，國際業務帶來了許多挑戰，特別是在會計和記帳方面。無論是公司登記、公司設立、工商登記，還是記帳等過程，都需要仔細處理各種應備文件和費用。這些挑戰需要專業的會計師和記帳師來應對，特別是在台北這樣的國際商業中心。本文將探討會計和記帳在國
❝ 心、佛、眾生，三無差別。你、我、他人，一切平等。 ❞
當我們的 Web 應用越來越多地受到國際用戶的歡迎時，提供多語言支援就變得至關重要。在這篇文章中，我們將介紹如何在 Gin 中實現國際化和本地化，讓你的應用能夠輕鬆支援各種語言。
台胞證，對於許多持有者來說，不僅僅是一張身份證明文件，更是開啟國際文化交流和藝術領域之門的鑰匙。在這個充滿多元文化的世界中，台胞證的作用不容小覷。本文將探討台胞證持有人在國際文化交流和藝術領域中的卓越表現，以及台灣在這些領域所取得的成就。
中醫好還是西醫好？中藥就溫和？西藥就傷身？這是杏林常見世俗疑惑的問題，其實中、西醫藥理及目標本就不同，西醫（藥）對解除病症，短期達立竿見影之效，中醫（藥）則是改善體質，長期來獲得具體效果，但閉門造車、單打獨鬥已不符合現況的醫療發展，採取中西合併的方式是另一派專家學者建議的治療及用藥趨勢。
加權上週五收在13684，觸及10/5日向上跳空缺口頂端。今日沒意外開低形成島型反轉，島型缺口13600~13700為下一波壓力區。那斯達克週五週一領先島型反轉，已破底 / 費半也已破底，理應台股會反應，本週可見破底。
【今天是什麼日?】
9月21日
International Day of Peace
【國際和平日】
国際平和デー（こくさいへいわデー）
今天9月21日是「國際和平日」。
該紀念日由聯合國大會設立，旨在呼籲所有國家和人民合作實現全球停火，增強和平理念。
#今天是什麼日?
#9月21日
#國際
美國無可取代的，在於其強大的國際投資位置和消費力。
美國GDP消費佔部分佔全部的將近70%，同時是消費主力及終端。
也就是全球的景氣榮枯，要緊盯美股數據。
美國是消費大國所以要看數據，消費數據是台灣GDP的22倍
「美國GDP（國內生產毛額）年增率」是全球經濟領先指標。
未完待續……請期待
下面我們從間接食品添加劑章節（Part175~178）角度出發，對其新修訂內容進行總結。以下列出的物質均是FDA（美國食品藥品管理局）從現有的授權清單中移除的鄰苯二甲酸酯類物質，也就是說這些物質今後將不再符合美國食品添加劑法規的要求，不能使用在美國的食品接觸材料和製品中。
瑞歐提醒您
自2019年底新冠疫情爆發以來，為了保障美國公民對消毒劑的使用需求，美國EPA（美國環境保護署，Environmental Protection Agency）發布了一系列友好政策來鼓勵企業登記消毒劑產品......