香城回憶錄002：泰北之旅

飛機抵達快谷後是中午，我在快谷住了一晚，並買了數天穿著的衣褲鞋襪，盡量令自己的服飾貼近當地一般民眾，並收起有導航功能的智能眼鏡，換上普通的眼鏡，取而代之的，是老舊的Mokia 3310，用來尋找店舖和食肆。對，在2047年，各國間的科技水平差異依然很大，如果隨便在發展中國家拿出高科技產品，可是會發生可怕的事呢。至於Mokia 3310，大概在地球毀滅那天，它依然能夠正常運作吧。
「又係Fat Lives Matter嘅示威，規模同廿幾年前，我未出世嗰陣差唔多…」我看著Mokia 3310上的即時新聞，就緩緩地睡著了。

第二天一大清早，我就坐飛機去濁萊，但當我走出濁萊機場大約數分鐘，尋找著往Mandy住處的巴士時，就聽到有人喊：
「Sir. Young and hot girls! Young and hot girls! Here! Here!」
看來，無論我怎樣模彷，對眼光銳利的當地人來說，都只是一隻等待宰割的肥美羔羊。

我當然沒有理會，繼續往大街走，終於讓我找到巴士站了。
「兩個鐘先一班？！好彩十五分鐘之後就有車啫…」
車程大約一個小時，就到達了Mandy住處附近的巴士站，循著Mokia 3310上Open Road Map的指示，來到Mandy住處，是一幢有兩層高，前舖後居的房子。

「你係黃光時？」在舖內的一位中年女性，看見我在舖外面左顧右盼，走出來問道。
「係。你就係Mandy？」我答道。
「唔係唔係，我係依度嘅老闆娘ดาว。Mandy之前救咗我對仔女ซัน同ทะเล，搞到無咗份工，我就請佢嚟我間舖度幫手睇症。」老闆娘一邊走向舖內，一邊回應道。
「老闆娘你係香城人？」我一邊跟著她走，一邊問道。
「唔係，不過我係泰北孤軍嘅後裔。你有無睇過《泰北異域》依套戲呢？入面講嘅就係我爺爺佢哋嘅經歷。」老闆娘解釋道。
「有呀。我響北美合眾國Baltech主修數據工程同東亞研究，其中一科嘅功課要睇依套戲。但如果好似電影裡面咁講，老闆娘應該係識講福摩沙語？」我疑惑地問道。
「對！我以前大部分時間是講福摩沙語和泰國語。」她用福摩沙語說道，然後再用香城話解釋。「而家Mandy同佢朋友住響度，我就講香城話同泰文啦。至於點解我識講香城話，你知道廿幾年前，東南亞曾經出現奶茶聯盟，支援香城人嘅行動嗎？
「我老豆以前有提起過。」我點頭地說道。
「雖然我當時得十四、五歲，但我係當時其中一個發起人，一路支援，一路努力學香城話。」她帶點自豪地說道，然後面色一沉。「之後，響香城徹底陷落嗰日，我喊咗成晚。」

「Hi，光時。」大概是聽到我和老闆娘的對話，Mandy從二樓走下來。「本來我仲諗緊使唔使同你講英文，睇嚟應該無需要啦。」
映入眼簾是一個飽歷風霜，鬢邊斑白的Mandy，根據父親描述，當年最後一個學期的學生大約二十、二十一歲，屈指一算，年紀應該只比去世了的母親大一點，但在我眼前的，外表比母親老得多，說是兩婆孫也沒有人懷疑。
「個樣老到嚇親你啦。」Mandy笑道。
「唔係…不過…」我語塞。
「Dr. Wong有無同你講過香城發生過嘅事？」Mandy問道。
「有，但都係輕描淡寫咁講。不過我響Baltech本科畢業後，去咗SAND做研究員，其中一項工作，係用就嚟無人識嘅Qython，去修復當年Ralantir同Foofle響水城區遊行後，開始響香城搜集嘅數據，所以聽同睇過唔少當年發生過嘅慘劇。」我回答道。

當年水城區遊行後，Ralantir借Foofle拍攝街景之便，在香城各處放置影向樹葉的特殊鏡頭，表面上是研究風速和空氣污染對植物的影響，實際上是從拍攝樹葉的微細振動，逆向推算出各種聲音，並以此記錄警察、國安、人民軍各種犯罪行為。雖然在2047年，對數據工程的學生來說，這已經是基本的入門常識，但在二十多年前，對大部分人來說卻是太空級科技。我在Baltech的本科論文指導教授，還因此上過TEE Talk呢。

「哈哈，就好似廿幾年前，北美合眾國要搵識寫DOBOL嘅人去計失業救濟金，結果要出到好高薪先請到人，嗰時我同房Kaza仲講笑話想寄CV去應徵添，真係日光之下無新事。」Mandy笑道，笑聲中卻有點唏噓。
「不過，你啲香城話響邊度學得咁好嘅？」Mandy問道。
「因為我爸爸媽媽響屋企都係講香城話，我媽媽來自未合併前嘅馬來東亞，大學去咗福摩沙國立大學讀語言學，佢語言天份好高，精通十幾種語言，包括就快失傳嘅泰雅語，我大概遺傳到佢一啲能力掛，除咗英文，用香城話、福摩沙語、泰文、島國語響日常溝通都無問題。」我答道，
「不過講起我阿爸，佢臨終前千叮萬囑，如果我日後見到佢嘅學生，要同你哋講聲『對唔住』。」突然想起父親的囑咐，補充道。
「傻啦。Dr. Wong佢幫咗我哋好多，根本無欠過我哋啲乜嘢。我印象最深刻嘅，係當年我哋醫藥系有三個師兄，同屋企鬧番咗，搞到無家可歸，Dr. Wong知道咗，不但只收留佢哋，亦嘗試從中斡旋，所以Dr. Wong根本唔使咁自責。」Mandy揮手說道。
「我阿媽成日都有勸佢，不過當年離開咗香城嘅人，大概都有同樣嘅感慨。」我嘆道。

「或者啦…不過當時留番響香城嘅，而家仲生存緊同可以自由咁生活嘅，都唔知剩番幾多囉。」Mandy感慨地說道。「嗯…由邊度開始講起好呢？你頭先講起621水城區遊行，就由嗰度開始講起啦，依個日子對我都有啲特別意思。」