每個月我有筆錢存入銀行豬仔錢罌我就夠啦，好開心滿足鳥。 儲下儲下十年後儲夠大錢退休就可以同老細講Go fun yours

*睇到尾啦，最尾部分最值錢最重要

我將會一步步地講解股票金融嘅知識，由極淺至深。 網上免費嘅資源同教科書極多，隨便搵都有，呢個Facebook page和Patreon最值錢嘅地方會係個人喺金融界工作嘅經歷，見解同對呢啲資源嘅解讀，話畀讀者知從哪裏開始學習，那些重要哪些不重要， 將呢啲學術上嘅知識運用喺現實世界上。最後嘅目的當然係幫大家如何玩弄股票。

Time Value of Money 金錢時間價值，我自己學金融嘅第一堂就係學TVM。我會將investopedia條link放喺comment度，大家如果想更學術上地學習可以慢慢睇。

公式: FV = PV * (1 + i)^n

FV = Future value of money
PV = Present value of money
i = interest rate
n = amount of compounding periods (years)

(Ok大家唔使驚，數學上最多都係講到方程式，開方同次方根，至於英文其實翻譯返中文都係一樣，唔明就係唔明，例如future value of money, 金錢未來值; present value of money, 金錢現在值。譯唔譯都係差唔多。簡單嘅英文我就直接寫，重要嘅學術名詞會翻譯。放心我講過小學數學英文程度就夠做)

咁依條公式究竟代表乜嘢呢，我用一個例子解答:

我而家有 $300蚊買股票，假設隻股票每年穩定地升8%，即8% return, 回報，十年後我放咗隻股票佢我有幾多錢返嚟呢?

'PV’ 等如300， 乘以1.08的開方十次等如‘FV’(1+0.08 = 1.08，8%即係等於0.08，隻股票一年的回報即係1.08，十年後即係1.08乘1.08十次, 1.08開方十)

FV = PV * (1 + i)^n = 300 * (1+0.08)^10
FV ~= $648

然後我就會得到大概$648元; *(星號)等如數學上嘅乘，^(向上箭咀)等如開方

相反地，如果我而家知道十年後我會得到一筆遺產, $648 咁即係等於而家幾多錢呢? 我樓下間茶餐廳年年都加一兩蚊，我買罐可樂同幾年前比都加咗幾蚊。

咁究竟依 FV = $648蚊等如現在幾多錢的購買力呢?

FV = PV * (1 + i)^n, 648 = PV * (1+0.08)^10 -> PV = 300

十年後的$648蚊只等於現在的三百元，或者而家的$300蚊等於十年後的$648 元。

呢條公式最重要就係個 ‘i’，interest rate, 利息，例如我借$300蚊畀我朋友小明，interest rate, 利息係8%，十年後我就可以收返$648元。 ‘i’, interest rate 可以用 ‘r’表達為 rate of return, 收益率, 回報率。

現在我借$300蚊畀小明，十年後我要小明畀返$648元呢個金額我，咁我嘅rate of return, 回報率就係 8%。另一個諗法，小明要每年畀8%利息我先肯借三百蚊畀佢，亦可以想成如果我想 “投資”在小明身上，我想要有，需要有，要求有嘅回報, (required) rate of return要求每年有8%先借錢畀小明。

Interest rate 亦可以被稱為discount rates, 折扣率。去返上一個例子，十年後的$648蚊以每年嘅8% discount rates 打折扣，等於現在的三百元。

Interest rate，rate of return，discount rates 依幾個名詞都係用法上interchangeable (講英文型啲)，呢三個名詞都係等於一樣 。

最後，Interest rate 亦可以叫做opportunity cost，機會成本，經濟學上的機會成本。而家我不借三百蚊畀小明，我選擇將呢一筆錢攞去餐廳食咗佢，咁我嘅opportunity cost就係8%，我失去咗一年8%的回報。

最重要部分，現在係2022年6月，美國嘅通脹率, annual inflation rate 大約為8.6% (我喺度用CPI。其實點樣去量度通脹都係一個有趣嘅課題，CPI Consume price index 冇一個字寫inflation。未來我亦會講講究竟乜嘢係通脹。)。去返例子，十年後的$648蚊以每年嘅8% discount rates 打折扣，等於現在的三百元。咁即係代表如果我將一筆錢放喺銀行，唔去做任何投資，唔攞回報唔攞return，十年後依一筆錢嘅購買力就會跌咗超過一半，金錢嘅價值冇咗一半，大家經常聽到嘅 “通脹猛如虎”就係咁解喇。亦都比大家睇到“不投資”，將筆錢乖乖咁放喺銀行係幾咁危險，放喺銀行戶口嘅身家其實慢慢地貶值失去。買股票怕輸錢? 買股票亦有機會贏錢，但我敢保證放喺銀行係100%輸錢。(當然每年8.6%通脹率唔會年年都咁高掛; 學術上選擇放喺銀行戶口收少少少嘅利息其實都係一種投資行為。)

其實未講完，不過已經有啲長，下次我會繼續講個 ‘i’, interest rate, 利息同個 ‘r’, required rate of return.