掠漏 ê 幸福:Chatschapuri 

更新 發佈閱讀 6 分鐘

有一句話三日無餾 peh 上樹,出門一逝轉來,竟然 buē-kì 愛按怎使用信望愛台文輸入法,tsit 个現象 hōo 阮翁笑講,sńg kah siunn 過歡喜。確實是有影,tsit 逝 ê 行跤花 hōo 我印象難忘。

除了,抾拾 ê 翁步頻煩惱錢,煩惱阮 khai siunn 濟錢食餐廳,我理解伊是一位抾拾 ê 人。

M̄-koh,伊 ê 抾拾有時仔會 tsiânn 做一个錢拍二十四結 hōo 我 tsiânn 做䆀猴 tsham 伊 sann-tak-tshuì。

不而過,減采是有歲數矣沓沓仔感覺 tsiânn 做 䆀猴 tsin thiám,tuì 翁仔某 ê 感情又閣無助益。Tsit 回我 kā 雙手佮雙跤伸 tshut-khì tuì 伊講,tiàm 臺灣阮會講 khì 人兜𨑨迌無 tsah 伴手號做兩莢弓蕉,lán 一逝路 uì 德國來波蘭行踏 tsah 四莢弓蕉,波蘭無棄嫌 lán 凍霜 koh 家己紮四項等路來歡迎 lán,你 kám buē 感覺家己是有福 ê 人有食閣有掠,m̄-bián 過 tsit 款人已經離開德國,猶原食德國煙腸 ê 日子。我 kā 倒手伸出來,大頭姆藏起來講「田園若有收,鳥隻食得偌」lán tsit 隻鳥仔 tsit 回 tsham 你做伙出門行踏 beh 一個月,食你 tsit 位大頭家4回,大頭家你若是感覺 lán siunn 𠢕食會 kā 你 ê 田園滿厝間食甲無半間,lán ē-tàng 買賣算分,相請無論,因為 lán lóng 食杮粿,雙爿囤家伙 ê 人。

「M̄-bián 買賣算分,相請無論」阮翁笑答。

「恁牽手 ê 掠漏方式你 kám 有佮意 iā-sī 你較意愛䆀猴來厝內行踏」我笑問。

「我愛 tsit 款掠漏方式」阮翁應答。

一人煩惱一樣,無人煩惱親像,感謝 hām 我門扇鬥 buē 峇 ê 大家 hōo 我看著欠錢怨債主,不孝怨父母 ê 見本開始思考,我若是 koh 按呢䆀猴落去翁仔某 ê 感情會舞甲親像小姑按呢頭較大身,有父母情,無父母行。另外,我 mā 無愛翁仔某做伙牽手 suah 是 hit 款睏破三領草蓆,掠你心肝掠 buē 著 iū-koh 一日到暗請人啉茶 m̄ 關 tshan-tshan-kiò ê 茶鈷。

所致,真心感謝四常 ê 見本𤆬我去思考問題無理解無處理,伊 buē 家己水頂船浮,搪著問題 buē-tàng kan-na 會曉 tiàm 肚臍空內點目藥,按呢 kan-na 會得到落水平平沉,全無重頭輕。

Tsit 逝 ê 行跤花,翁某猶原吵吵鬧鬧,不而過一切猶原幸福佮快樂。起因,有人願意 tsham lán 做伙拍喙鼓 m̄-sī kā 問題抨 tī hia m̄-guān 談 m̄-guān 處理互相徛黃到入土。

Tsit 回來波蘭,徛 tiàm 國王已經遠走 ê 東海(德文:Ostsee,英文:Baltic Sea,波羅的海)目睛金金相,想 beh 按 tsia 看去德國 ê 東海,啥物 lóng 看無,除了風 tuì 我講 Vox et praeterea nihil (除了聲音,啥物 lóng 無),越頭看 peh 過山頭 beh 75冬 ê 國王(德文:Königsberg/國王山,俄文:Калининград,波蘭語:Królewiec),東海透過風 tuì 我講「Ich kam, ich sah, ich siegte 」(我來,我看,我征服)hām 濟濟 ê 悲歡離合 lóng 會化做坱埃。

越頭看濟濟跤步行踏 ê Królewiec hām 看無人行踏 ê  Калининград ê 海沙埔,我想著阿母在生時講過 ê tsit 段話「無論悲傷 iā-sī 無奈,lóng ài 鴨卵擲過山頭,其他新 ínn tsiah 有法得 puh-gê。 」

我 ànn 頭看跤踏 ê 坱埃,看 hia--ê hōo 風吹甲腰骨 kiōng-bueh 斷去 ê 花蕊 hām 其他草木,理解問題,才有法得 kā 鴨卵擲過山頭 hōo 伊 tsiânn 做養飼萬物 ê 肥底。

Tsit 逝行跤花除了認捌 m̄-bat 聽過 ê 大家官故事(大家官是出生 tī Ostpreußen/東普魯士,現今波蘭)掠外,另外一个上大 ê 收成 tuì 我來講是有機會食著按 Georgia (喬治亞共和國)來德國作穡 ê 朋友所分享 ê 家鄉美味。

麵體表示停 tiàm 黑(Hik)海大大小小 ê 船,雞卵表示天頂 ê 金烏 hām 白雲「Chatschapuri 」。

註解:原文刊登台灣教會公報 2022.01.22 第 3647

「掠漏 ê 幸福」是部落格本底 ê 號名 mā 是我寫部落格 ê 目的,彼陣 ê 我 hōo m̄ 徙岫 ê 杜鵑舞甲 bueh 離緣。總是,彼陣 ê 我猶未行出規家伙賰我一人 ê 驚惶,Blog 成做我上𠕇篤 ê 堡寨 hōo 我有氣力佮杜鵑拚輸贏,所致當我行踏這座 uī-tio̍h 對抗猶原 hōo 德國押做情人所翻新 ê Gdynia 真有感受。彼陣 ê 我規心 kan-ta 要意家己 ê 代誌,sóo-tí 目睭看 buē 著別物,總是這久巡菜股翻田塗,規腹內猶有若塗肉變化 ê 故事通翻塗並補塗。

留言
avatar-img
留言分享你的想法!
avatar-img
亂皂𥴊仔店 ⓂⒺⒾⓃⓀⒾⓄⓈⓀ
0會員
129內容數
海海人生有伊上好 ê 安排交說明,平靜交海漲是累積意志 ê 石坎 hōo 白汫無素 ê 四常 tī 解釋 buē 協助咱向前行,是咱向前伐 ê 意志。離開䆀就是聰明,部落格是弄舌盒仔,我自在 tī 孤獨交絞營孤𣮈,像搪著大衛像 ê 虛華。寫錄一个人,九葩尾無鹹無纖 ê 四常。
2025/07/08
陪伴你家己行你 ê 路 Geh deinen weg lass dich begleiten。我 tuì「數字」無感覺,所以從來 m̄ 捌要意部落格若股市 ê 線圖,夜間部同學 gún 翁就無這个想法,伊要意部落格 Meine Reisen ê 數字要意甲無人行踏隨 kā 拋荒到今。   
Thumbnail
2025/07/08
陪伴你家己行你 ê 路 Geh deinen weg lass dich begleiten。我 tuì「數字」無感覺,所以從來 m̄ 捌要意部落格若股市 ê 線圖,夜間部同學 gún 翁就無這个想法,伊要意部落格 Meine Reisen ê 數字要意甲無人行踏隨 kā 拋荒到今。   
Thumbnail
2025/07/05
2025.04.20 ê 心行尞成做翻草 ê 麭幼仔。痞客邦 hőng 嫌廣告厚甲若蠓 ê 慼 tuì kan-ta 需要一个空間擲垃儳 ê 我任何無影響,總是目今臨時臨曜決定離開絕對有一个點 hōo 我無自在。
Thumbnail
2025/07/05
2025.04.20 ê 心行尞成做翻草 ê 麭幼仔。痞客邦 hőng 嫌廣告厚甲若蠓 ê 慼 tuì kan-ta 需要一个空間擲垃儳 ê 我任何無影響,總是目今臨時臨曜決定離開絕對有一个點 hōo 我無自在。
Thumbnail
2025/06/25
不過你愛清楚知影我 m̄ 是田螺死也一个殼,活也一个殼 ê 性地,所致你想 bueh 綿豉田螺疼尾溜,我 mā 大丈夫,愛需要𫞼柴杙,感情是日佮眠培養出來 ê 燒烙。 我揣著家己 ê 對頭有主,自彼日開始 m̄ 捌交伊辯話骨兼成開喙蛤,粒粒臭達成伊 ê 願望咱莫豬八戒拜天公,家己刣家己。
Thumbnail
2025/06/25
不過你愛清楚知影我 m̄ 是田螺死也一个殼,活也一个殼 ê 性地,所致你想 bueh 綿豉田螺疼尾溜,我 mā 大丈夫,愛需要𫞼柴杙,感情是日佮眠培養出來 ê 燒烙。 我揣著家己 ê 對頭有主,自彼日開始 m̄ 捌交伊辯話骨兼成開喙蛤,粒粒臭達成伊 ê 願望咱莫豬八戒拜天公,家己刣家己。
Thumbnail
看更多
你可能也想看
Thumbnail
我捕捉八月晨曦的輕語 快樂如蝶,穿梭於夢與現實
Thumbnail
我捕捉八月晨曦的輕語 快樂如蝶,穿梭於夢與現實
Thumbnail
思念 本無喜好當隨適, 有君喜好住心中。 日昱飄影思歸處, 星旋緣夜念起時。
Thumbnail
思念 本無喜好當隨適, 有君喜好住心中。 日昱飄影思歸處, 星旋緣夜念起時。
Thumbnail
花開花落 月圓月缺 心喜心悲 潮起朝落 有常無常,這才是精彩的人生 不必大費周章去踏島尋憶 夢裏自有一片淨藍藍的天空 學庸95.09.01/09:06
Thumbnail
花開花落 月圓月缺 心喜心悲 潮起朝落 有常無常,這才是精彩的人生 不必大費周章去踏島尋憶 夢裏自有一片淨藍藍的天空 學庸95.09.01/09:06
Thumbnail
悠悠浮白雲 萋萋春綠翠 落凡月無眠 但照情人夢 學庸81.12.31
Thumbnail
悠悠浮白雲 萋萋春綠翠 落凡月無眠 但照情人夢 學庸81.12.31
Thumbnail
花開清明香淡然 鵝黃曦光照紅顏 不問牧童杏花村 今朝臺上春樂歡
Thumbnail
花開清明香淡然 鵝黃曦光照紅顏 不問牧童杏花村 今朝臺上春樂歡
Thumbnail
花燈盡放 迎祝福 ✍ 愛我所畫,夢我所愛 圖。文/布恣芽朵
Thumbnail
花燈盡放 迎祝福 ✍ 愛我所畫,夢我所愛 圖。文/布恣芽朵
Thumbnail
晴川卷雲薄 單游漫騎閑 水鴨歡水戲 暮禽與飛還 歸園埋舊故 日落佛光山 瓜田香心下 歸來意釋然
Thumbnail
晴川卷雲薄 單游漫騎閑 水鴨歡水戲 暮禽與飛還 歸園埋舊故 日落佛光山 瓜田香心下 歸來意釋然
追蹤感興趣的內容從 Google News 追蹤更多 vocus 的最新精選內容追蹤 Google News