《驚魂古堡夜》舞台劇改篇小說

第一章 Harriet: 失去驚恐的感覺！

我叫Harriet，我本來係一個乜都會驚一餐嘅人，因為由細到大，我都會睇到一啲，只有我先睇到嘅嘢！

唔知由邊一日開始，我發現自己，冇咗「驚」呢個感覺。我依然會見到嗰啲只有我先見到嘅嘢，但係突然間，我唔再驚，於是我開始分唔清，邊啲先係得我見到，邊啲係所有人都見到，我開始再冇辦法，去分別～「真」同埋「假」！

我係點樣意識到呢個狀態？一切，要從初中嘅一個半夜，我係窗前打開電腦嘅一霎那開始，正當我入神之際，窗外突然飄入一個白影⋯⋯