澳門-珠海剝牙記，終於剝咗智慧牙喇

身邊好多朋友都同我之前一樣擔心去大陸睇牙會中伏，今日就同各位分享下我近排去珠海剝智慧牙嘅體驗，希望對各位有所幫助。

前排智慧牙痛，於是乎係Facebook search 澳門牙科邊家好 ，唸搵近d嘅，就預約咗公司附近嘅醫院，醫生檢查我棚牙，隔離會有姑娘做好記錄，最後話有兩隻牙需要掹，好頭赤嘅係剝牙mop 1500每隻，話係公價，我唸著公司冇牙齒醫保，打算考慮下。啱好在小紅書睇到網友推薦珠海嘅維港口腔，評價幾唔錯，我又係Facebook search咗下，發現價錢好實惠，影x光係免費嘅，距離澳門好近，於是乎我book好咗時間過去剝牙。

診所位置好容易揾到，過咗關口再行10分鐘左右就到啦。診所環境乾净，姑娘好熱情，會問我有冇食早餐，有免費嘅茶水同小零食提供，服務廳仲放著粵語歌仔，心情都變靚咗唔少。

影完片之後陳醫生好有耐心嘅同我分析牙齒問題，話剝左邊上下兩隻智慧牙價錢要1000人仔，我感覺價錢公道實惠。於是乎繳費後就開始手勢啦，醫生手勢好好，會提醒可能有d痛，叫你做好心理準備。整個剝牙過程好快，幾分鐘就搞掂。醫生全程都超級溫柔，剝完牙医生攞棉花俾我，話要塞半個钟之後先可以整出嚟。

剝完牙後前兩日塊面係有d腫嘅，但宜家已經完全消腫，拆咗綫之後感覺食嘢都開心好多，唔會再卡牙縫，今次剝智慧牙嘅體驗好唔錯，完全冇中伏。