亂讀新聞(十九)

亂讀新聞(十九)

2024年2月26日

1. 開始之前，都係例牌頭盔架喇，英國新聞我係自己譯，所有正確既報導以原文為準啊吓。(今次都係懶到直接copy and paste之前果句，哈哈。)

2. 首先係有關俄烏戰爭，烏克蘭總統澤連斯基星期日響基輔一個記者會上面提到，俄烏戰爭至今已經有大約31,000位烏克蘭士兵陣亡，呢次係佢第一次公開有關既確實數字，不過佢就拒絕公佈傷兵人數，認為咁樣會協助俄羅斯部署反攻。(BBC, Skynews)

3. 之前烏克蘭當局一直係冇公佈呢啲陣亡既確實數字，但係響早前烏克蘭既國防部長提到超過一半既西方武器同援助都delay咗，令到烏克蘭既士兵傷亡增加，到而家澤連斯基親口反駁俄羅斯所傳出黎話烏克蘭死咗30至50萬既士兵以穩住士氣，其實就同我一路響英國呢間唔中睇到既一啲skynews請既嘉賓上去佢哋節目上面分析既一樣，響大反攻失敗之後，烏克蘭其實似乎響呢場戰爭之中，又慢慢陷入返劣勢…(BBC, Skynews)

4. 呢啲跡象都可以由最近烏軍既前綫戰事失利可以睇到，Skynews最新消息表示，烏克蘭軍方宣佈由前線既Donetsk village撤軍，理由係要同後方既軍隊會合，從而更好地去做好防衛既工作，而俄羅斯就宣稱已經全面控制Donetsk village。我唔識評軍事，就咁睇新聞就咁講喇，但連埋兩星期之前都失落返既城市Avdiivka，烏軍個勢睇落真係唔多好。(Skynews)

5. BBC報道，由於以色列同哈馬斯既停火協議依然係無了期，加沙當地既食物危機持續擴大，當地糧食同食水仲有能源都短缺，好多人，尤其是小朋友因為冇嘢食而死。不過今次BBC算fair，佢哋都搵咗個比哈馬斯捉走咗既人質既父親，講下佢哋呢邊既意見。佢話以色列既主流意見其實好簡單，你捉咗我哋既平民，有細路、有女人、有老弱婦孺、老人，佢哋以色列人既要求好簡單，你比返人我，我哋比返食物同水你。(Skynews)

6. 聯合國就話，以色列唔比太多既救援物資進入，繼續係咁落去既話，人道危機會擴大。(Skynews)

7. 頭盔mode，戰爭永遠係唔啱，亦都唔想有任何既生靈塗炭，但問題係呢場戰爭究竟係點解會起既呢？其實而家哈馬斯玩到咁大，我都唔肯定就算佢哋而家肯放返晒所有既人質，以色列肯唔肯停火，但我覺得起碼要釋出善意，咁或者都仲有計傾。如果BBC訪問個老伯所代表既主流民意係正確既，咁至少響佢哋眼中係會少咗打仗既理由，話唔定國內既民意都會開始反戰。當然呢啲只係我自己一廂情願既諗法，而家哈馬斯踩斷晒以色列既紅線，除非佢哋投降架啫，如果唔係都唔會有100%可以完結呢場戰爭既方法。

8. 以巴問題我最主要響呢方面既知識都係聽風雲谷陶傑、鮑sir聽返黎，認識唔深，如果唔係要解決巴勒斯坦同附近伊斯蘭國家同以色列既關係真係源遠流長，唔會咁易解決得到，更加唔會係呢場仗邊個贏就可以解決到。但純粹係要解決而家呢一刻呢場既戰爭，要加沙既居民唔好再受難，點解唔係哈馬斯交返啲人質出黎再求和呢？當初最先屠殺同擄走平民仲有遊客既，乜唔係哈馬斯咩？

#不專業專欄 #亂讀新聞 #英國新聞 #香港新聞

#skynews #BBC #俄烏戰爭 #以哈戰爭 #哈馬斯 #加沙

#澤連斯基 #風雲谷

廣告時間 -

ig: leafopen3

instagram.com/leafopen3

fb: leafopenleafopen

facebook.com/leafopenleafopen

方格子︰ https://vocus.cc/salon/leafopenleafopen

如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B

如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938