亂讀新聞(二十五)
亂讀新聞(二十五)
2024年3月12及13日
1. 開始之前，都係例牌頭盔架喇，英國新聞我係自己譯，所有正確既報導以原文為準啊吓。(今次都係懶到直接copy and paste之前果句，哈哈。)
2. BBC頭條報道，話有巴勒斯坦既醫療人員同佢哋講，指以色列軍隊上個月襲擊咗佢哋既醫院，佢哋一班醫護人員在內既人被逼帶上眼罩、被囚禁、同被逼除咗上身既衣服，其中一個受訪醫生仲話比以色列士兵打斷咗手，同埋唔比佢哋救人、做手術。(BBC)
3. BBC都拎到有條片，片入面見到有大批男人一直線排開，上身冇著衫，面上打咗格仔，睇唔清楚有冇帶眼罩，然後啲以色列軍響度行黎行去。(BBC)
4. 以色列軍方就否認佢哋既軍隊有侮辱呢啲醫護人員，話佢哋係嚴禁佢哋既軍隊做出呢啲咁唔人道既行為。(BBC)
5. 咁我相信以色列既軍隊唔多唔少都會粗暴咁對待呢啲當時見到面既時候都唔知係咪敵人既醫護人員，我記得之前睇新聞都有講過，以色列軍方係指出哈馬斯係利用咗好多呢啲睇落係平民或者醫療設施去掩飾自己既基地，佢哋都曾經響醫院入面擊殺哈馬斯成員(當然果陣我都記得有啲家屬走出黎話被擊殺既自己個仔，佢唔係哈馬斯云云，老實講我判斷唔到真假)，咁當以色列軍方衝入去要制服所有人既時候，響打緊仗既情況黎講，其實好正常喎。
6. 重申，我唔係話佢哋咁樣對啲真既醫生係啱，但佢哋既任務不嬲就唔係要解放你哋，而係要剷平哈馬斯呢個組織，至少你比人so call侮辱完之後仲可以生勾勾咁走追出黎比BBC訪問，你睇下比哈馬斯綁走果啲平民人質先喇，連影都冇。
7. 所以我依然係覺得，唔想打仗、唔想再有平民傷亡、唔想有人餓死，但哈馬斯自己第一步放人質都唔做，淨係識打嘴炮話自己加沙啲平民點慘點慘，講到好似自己冇份造成咁，當日響和平音樂會死咗果啲冇辦法了，但我諗你第一步肯放晒啲無辜人質先，國際既壓力先會一次過壓去以色列果面，加沙啲平民先會有救。至於你話啲歷史遺留既問題？乜哈馬斯覺得而家keep住啲人質就可以解放加沙咩？
8. Skynews方面，佢哋就報道上星期六響Hull既一間funeral parlour搵到啲人體既灰，同埋34、35具未知身份既屍體(有啲報道話34, 有啲話35)，佢哋係收到投訴話呢間嘢不當咁處理遺體去調查既，然後佢哋就以防止合法及妥當埋葬(prevention of a lawful and decent burial), 用錯既表示去呃人(fraud by false representation)同埋用佢哋既位置去呃人(fraud by abuse of position)拉咗兩個負責人，一個23歲女人同一個46歲男人。(Skynews, Independent)
9. 3月12號英國警方響記者會就表示會作出更加深入既調查，而佢哋已經將啲屍體妥善又尊重地移送咗去Hull既一個太平間去作出身份辨認。佢哋同時都設立咗一條熱線去比啲家屬去打，至今已經收到超過1,000個查詢電話。(Skynews)
10. 今日再睇多啲資料，有傳媒訪問當地人，話呢間嘢係用平價殯儀服務做招徠，但有啲死者既親屬收唔到骨灰，或者連棺材都係吉既，所以先會去報警求助，最後就發展到而家咁。
11. 做殯儀做到警察上門拉人，都真係幾痴線…所以，其實乜嘢地方都會有黑心商人，爭在多定少，或者你時運高遇唔遇到啫。
12. 今日BBC同Skynews都有報道，話保守黨既其中一個政治捐獻既捐獻者Frank Hester，因為曾經響2019年對黑人MP Diane Abbott作出一啲種族歧視既言論(The Guradian響今年3月報道)，所以就連黨入面都有聲音要個黨嘔返啲錢出黎，又話英國呢個國家充滿咗呢啲極端主義者騎劫。(BBC)
13. 不過響接受工黨領袖Keir Starmer質詢既時候，佢就話Frank Hester已經道過歉同好自責，而佢都唔會還錢。(BBC)
14. 你死喇，響英國得罪咗左膠你仲唔仆街？快啲嘔返果10萬鎊出黎！
15. 香港最近都發生咗啲駭人聽聞既新聞，就係屯門一間空屋入面發現咗兩具浸咗響玻璃瓶入面既嬰兒屍體，成件案有好多疑點，就係點解前租客(即係被捕情侶)佢哋搬，佢哋係咪又真係BB既父母，BB係點死…總之好多好多既謎團。(信報)
16. 自稱係嬰屍父母既被捕情侶暫控涉嫌「非法處理屍體」，警方透露涉案男子有黑幫背景，都有好多案底，而被捕既女人就冇案底。(信報)
17. 呢單嘢都好震撼下，連呢面既香港人都會講起，不過詳細資料暫時唔係太多，睇下之後既後續報道係點，再同大家跟進。
更多唔同既專欄內容︰https://vocus.cc/salon/leafopenleafopen
#不專業專欄 #亂讀新聞 #英國新聞 #香港新聞 #專欄 #時事 #時事專欄
#skynews #BBC #信報 #加沙 #以色列 #以哈戰爭 #Hull #非法處理屍體
#玻璃瓶浸嬰屍 #玻璃瓶嬰屍案 #工黨 #保守黨 #辛偉誠 #FrankHester
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
