亂讀新聞(二十二)

閱讀時間約 5 分鐘

亂讀新聞(二十二)


raw-image




2024年3月6及7日


1. 開始之前,都係例牌頭盔架喇,英國新聞我係自己譯,所有正確既報導以原文為準啊吓。(今次都係懶到直接copy and paste之前果句,哈哈。)


2. 首先我哋去跟進一下以哈戰爭既最新消息。根據聯合國調查隊既調查所得,佢哋搵到確切既證據同埋資料,發現響上年十月七日和平音樂會襲擊事件之中,比哈馬斯脅持既女人質好多都受到性侵犯、被強姦,甚至係遭受到性虐待、被嚴刑拷問等等。更甚既係,有證據係顯示呢啲咁令人髮指既情況,係持續發生緊既。呢支調查隊既發言人Lior Haiat表示,聯合國安全理事會而家應該要將哈馬斯定性為恐怖組織。(BBC)


3. 其實呢個都唔係第一次有呢方面既資料流出,根據BBC上年十二既報道,呢啲咁恐怖既情況一早已經發生咗,有啲仲係響當日比哈馬斯份子強暴完之後即刻殺死,只係今次係聯合派出既一支調查隊都證實咗件事咁解。(BBC)


4. 對於呢啲指控,哈馬斯當然否認,仲話呢啲係妖魔化巴勒斯坦解放力量既指控。睇返BBC上年報道,現場係連啲慘遭蹂躪後被殺既受害者屍體都有,仲有人證,咁都可以唔認,真係同某國政府一樣,淨係識得自說自話,好似響個平行時空入面咁。(BBC)


5. 當然,哈馬斯其實係唔會理加沙啲平民係點,佢哋只會繼續去「解放」加沙、巴勒斯旦,然後向住外面叫人捐啲食物、水、能源果啲嘢入加沙既啫。響以色列,有大批既民眾響邊境擋住救援物資包括埋食物,唔比佢哋進入加沙。其中好多呢啲示威既人,佢哋既家人、朋友都係比哈馬斯擄走做人質既,佢哋既立場好明顯︰你釋放人質,我就比返食物你哋。美國總統拜登其實有出聲,叫以色列唔好再阻擋啲物質進入加沙,但如果係啲平民自己自發又點,試諗下果啲人質既家人,佢哋至親仲係生死未卜,而且一定慘遭不人道既對待,佢哋可以做得啲咩?(BBC)


6. 重申一次,我當然唔主戰,希望世界和平,但哈馬斯響明知自己唔夠打而去做出屠殺既俘虜人質既行為,佢哋唔好話冇預計過而家既情況出現啊,而且老實講佢哋行動既時候真係諗住可以咁樣就解放加沙?咁樣就可以解決到以色列同周邊阿拉伯國家長久以黎既問題?到而家引火自焚,就開始扮慘,佢哋究竟係咪真係關心加沙平民既生死?自己諗下都應該知。


7. 不過英國左膠當然唔會理,響Youtube新聞片段既留言下面,清一色既都係屌柒果啲block住救援物資既平民,又話見到佢哋就嘔心乜乜春春,其實如果調返轉,係佢哋既屋企人比哈馬斯捉咗咁佢哋又會係點既心情啊?


8. 諗返起當初聽風雲谷既時候,陶生同鮑生佢哋引述一啲報道,講緊話部份加沙既居民響知道哈馬斯屠殺咗唔少以色列平民既時候,佢哋係拎住巴勒斯坦國旗周圍走黎走去歡呼既。其實佢哋當時有冇諗過咁樣做係會有後果呢?左膠見到又會點回應呢?(風雲谷)


9. 去睇下美國總統大選既最新消息,共和黨總統候選人之一既黑利宣佈退出總統競選,換句話講,即係黎緊既美國總統差唔多已經肯定係現任總統拜登同埋共和黨既特朗普之爭。(Skynews, BBC)


10. 英國財政預算案3月6日出爐,唔深入講,因為我都唔識講,哈哈。不過可以就咁譯下BBC上面所講既某啲比較重要既宣佈。首先就係National Insurance國民保險供款率下調2%,由10%減至8%。(BBC)


11. 兒童津貼既年收入門檻,由每年50,000英鎊,增加至60,000鎊。(BBC)


12. 仲有好多,但又係關於乜鬼嘢公司windfall tax延至2029、capital gain tax由28%減到24%乜乜乜,又有non-dom tax break取消,而新移民唔駛交頭四年海外收入稅,我就唔講詳細喇。(BBC)


13. 返黎香港睇下喇,啱啱先完成諮詢既二十三條,繼李家超提早返港香港,立法會議員開turbo加速審議同完咗提問環節之後,政府再響下晝既特別行政會議,宣布二十三條聽日就刊憲,再提交立法會審議。立法會主席梁君彥仲應特首李家超要求,聽朝就會開會首讀同二讀二十三條草案。(獨媒)


14. 實在太慢喇,維護國家安全人人有責,今日一個上晝就應該搞掂喇。 #曲線要講明



#不專業專欄 #亂讀新聞 #英國新聞 #香港新聞 #專欄 #時事 #時事專欄

#skynews #BBC #獨媒 #獨立媒體 #加沙 #巴勒斯坦 #哈馬斯 #特朗普

#川普 #侵侵 #美國大選 #英國財政預算案 #nationalinsurance #廿三條


廣告時間 -


ig: leafopen3

instagram.com/leafopen3

fb: leafopenleafopen

facebook.com/leafopenleafopen

方格子︰ https://vocus.cc/salon/leafopenleafopen


如果有興趣睇下我既其他寫作作品,可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B


如果覺得我寫嘢OK想請我飲杯咖啡支持下我既,可以上 https://www.penana.com/membership_plan?id=52938 或者 https://m.penana.com/stream?id=52938


業餘小說、專欄作家,Penana 特約駐站作家 小說作品包括: 《我和一個o camp女女的故事》 《我和鄰居大姐姐的故事》 專欄: 《不專業專欄》系列 如果欣賞小弟,可以加入訂閱計劃支持下,當用每月HK$8當請我飲杯咖啡,連結在下方,多謝! https://m.penana.com/stream?id=52938
留言0
查看全部
發表第一個留言支持創作者!
亂讀新聞(十六)
閱讀時間約 4 分鐘
亂讀新聞(十七)
閱讀時間約 3 分鐘
亂讀新聞(十八)
閱讀時間約 6 分鐘
亂讀新聞(十九)
閱讀時間約 4 分鐘
亂讀新聞(二十)
閱讀時間約 6 分鐘
亂讀新聞(二十一)
閱讀時間約 4 分鐘