台文日記
含有「台文日記」共 115 篇內容
全部內容
發佈日期由新至舊
「若是寫台文敢 ē 有人來我遮探訪看影片」翁問。
「我 buē 曉算命，不而過這件代誌是會使得確定，參加參加台灣人 ê 社群社團，包穩你 ê 部落格 buē 飼蠓」我講。
德國醫學衛教節目這幾冬 mā 推廣 Blue Zone 健康藍區食食，其中 kā 豆仔做飯食 hōo 我又閣成做貓，想 bueh 知影進前跟綴 das Tapas 出 ê 番薑仔花豆有啥營養，隨請教有所不知先生 Google，原來花豆交糙米仝款，只要落鼎煮熟熱量齊降低掠外，花豆有糙米無 ê 鎂佮鉀。
金蘋果 hōo gún 兜 ê 豬牢轉型做有機農場。豆仔、番薑仔、大同仔、菜擴、糙米、魚厚甲若蠓 ê 喙白齊出現 tī gún 翁 ê 碗盤，我 ê 食食色緻 mā 按無啥有虹 ê 色緻勻勻仔行向 PMS(Pantone Matching System)百色百彩 ê 色色樂鑠。
今仔日是減肥收冬第三冬，自頂冬磅仔看我 buē 慼，我看伊煞愈看愈慼 uī-tio̍h 解決這个問題，自瑞典挪威車日子轉來 uī-tio̍h 理解 ABS 趕有效應徛去磅仔看數字就 m̄ 捌閣交磅仔相借問過，起因莫看較 buē 傷心斷腦筋交 tuì 家己點磺火。
我 tuì 臺灣 ê 夜市無生份，總是這是我第一斗 kā 膽紮 tī 魂舒交媠某做陣食夜市，到今我猶原無啥慣勢夜市烏 lù-lù ê 塗跤交隨時有可能是遮一搭水，遐一搭油 ê 環境，總是這斗 ê 經驗 hōo 我後日願意認真踅夜市挵險。
別人兜 ê 離婚代交我無底代，跳過。總是 YouTube 敢若驚我想 buē 開又閣捒這支影短片 --- 愛上一個人是天災 ....#關於離婚這件事，片頭縛毛尾仔 ê 女士「時間不會療癒人，就是你的覺醒才會療癒自己」kā 我按別人兜 ê 離婚代交我一屑仔攏無底代轉做 Meow 斡頭揣離婚了...
行到門跤口假做雄雄䀐著櫃檯附近 ê 廣告單，越頭笑微微 tuì 店員閣 tìm 一下仔頭，隨行向準備 hōo 客戶 ê 食譜區，遮挈一張有機料理課程單，遐挈一張基金會緣金單，提到規个手滿滿，越頭 tuì 無閒整理貨架仔 ê 店員講再見。一出門斡一个彎，猶未行到 BW 銀行，手頭賰...
囡仔時耍「抾沙包」抑是「抾矸仔蓋」逐个 m̄ 是使正手就是使倒手，我是兩手齊使 hōo 人笑講「正港是使雙手，一屑攏無討債」 ê 記持。語言正經愛捷使用，無使用伊交關節𫝛款 ē 退化。感謝公視台語台 ê 出現 hōo 記持愈來愈退化 ê 我，按𪜶 ê 節目沓沓仔 kā Omeg-3 補轉來。
人生有 tsuē-tsuē 路標，正港 hōo 家己永遠 m̄ 知愛向佗一條路行，準做清楚知影按佗一个方向行，猶是 ē 搪著揣路雞 ê 雺霧散煙，按呢就面對伊，解決伊 hōo 伊成做𤺪 ê 柴木 hōo 家己行向閣較好 ê 家己。
Yes, I don't understand Japanese, but Japanese Han-Jī not 100% still 30% ~ 50% without a problem.
And yes, my new hobby is learning Japanese. Maybe?
