當首爾仍是叫漢城的那些年（陸拾貳）
更新於 發佈於 閱讀時間約 8 分鐘
婚姻，人生繼生老病死之後最大嘅一件事。無論係咩國籍同喺咩文化背景長大都好，我相信，每個人都會希望，有一個溫馨甜蜜、值得回憶嘅婚禮。
我喺一個唔係太多姿多彩嘅年代長大，童年回憶中嘅婚禮，不外乎就係大會堂婚姻註冊處簽字，然後落低座花園影相，跟住夜晚就喺酒樓擺酒。新郎一套禮服（全日）一套西裝（送客）著到尾，新娘婚紗（簽字）裙褂（晚宴）晚裝（送客）各一套；就係咁。
畢竟，婚姻嘅「主菜」，係一對新人往後幾十年嘅相處；婚禮實在毋庸太過喧賓奪主。
九十年代之後，由於物質嘅豐盛，婚禮亦都開始多咗好多「花臣」。會場由酒樓移師五星級酒店，婚宴有片睇，有時會有新郎甚至一對新人唱歌，新娘換衫換裝仲密過 fashion show。睇嘅固然開心，但係有份搞呢場大龍鳳嘅感受，就唔係咁簡單。
（點都忍唔住口講句：唔好再玩 marching in 囉唔該！媽，好柒呀！細個拎住支雞毛掃扮港姐繞場一周仲玩唔夠咩？！）
五月尾六月頭某週末，清晨六點，我屋企門外。
一如以往嘅晨跑，每日 5km 係我嘅 morning ritual，一切照舊。Well，又唔係太照舊，因為今日多咗兩個跑友 — 美恩同 Chloe。
如果話 Chloe 陪我跑步係奇蹟的話，點都唔夠美恩陪我跑步呢個奇蹟咁奇。事關年幾兩年嘅日子，Chloe 其實都陪我跑過三幾次；但係我呢個姐姐呢，就出晒名五體不勤；就算打波，佢都係一場起半場止。
今日佢之所以肯跑，全因為佢終於醒起，三個月後就係佢大婚嘅日子；想著婚紗同晚裝好睇啲性感啲，佢就要郁吓佢嘅貴體、「係咁倚」減返三幾磅。
話分兩頭，美恩喺我心目中，一直都係「豐滿」、「好肉哋」嘅女人，我從來都唔覺得佢肥。不過女人嘅嘢，永遠都係「差兩磅」，然後為咗唔存在嘅呢兩磅嚟自虐。
「弟弟呀，唔跑山得唔得呀？」美恩望住遠遠嘅南山塔，皺一皺眉。
「跑山快啲瘦喎。」我用醫生講「打針快啲好」嘅語氣同佢講。
「唔驚喎，姐姐，我支持你！노력해요 ！」Chloe 鼓勵佢。
「多謝妹妹！我要好似你咁瘦！我要著細一個碼嘅婚紗！」你想好似我個「奀美」（銀美諧音）咁瘦？咁睇怕你要投過胎先搞得掂喎……
「我要好似姐姐咁大波！」Chloe 作勢埋去揸美恩，美恩尖叫走開。
好，總算起咗步喇。
到底跑南山有幾難呢？問心嗰句，其實唔難嘅。大約就好似，你喺纜車總站起步，跟住纜車軌，經堅尼地道，上到麥當勞道車站咁上下啦；總之點都唔會高過梅道車站。然後跑入南山公園嗰段，基本都係平路或者暗斜；冇咁金。
咁你話有幾難吖？係上素月路（南山嘅「山頂道」）嗰段辛苦啲囉，條斜路某段都幾斜吓，又冇梯級；但除此之外，難度唔算高。
由於跑慣跑熟，所以我比佢哋兩個快；好快我就帶開咗幾個身位。我冇刻意咁向後望，睇吓佢哋跟唔跟得上；只係憑感覺，知道佢哋兩個跟得到，我就保持住喺佢哋前面幾個身位嘅距離。
我哋一直咁跑，跑到斜路嘅中段，突然聽到身後 Chloe 嘅叫聲。我停低擰轉身一望，喺我身後嘅美恩都停低咗準備轉身。
Chloe 停咗喺我身後約十多米外嘅一間麵包鋪cafe，大聲嗌：「哥哥、姐姐，你哋努力跑吖！我唔拖慢你哋嘅速度喇。我去飲咖啡，幫你哋叫定兩杯 Latte 吖！노력해요 ！노력해요 ！」佢好似啦啦隊咁跳咗兩吓，講完轉身就入咗 cafe，冇俾時間我哋做反應。
「死女包吖！」呢句唔係對白，係我同美恩交換眼神嘅內容。
我同美恩繼續跑，其實上完大斜路、到咗素月路之後，路程開始易跑，美恩嘅步速亦都快返啲；超出我估計嘅係，佢竟然捱到呢個位都仲未放棄。
經過一番「노력 」（努力 / No-Lyeok），我哋終於跑到南山公園。一停低，美恩就好似條上咗水嘅金魚咁，攤咗喺張長櫈到係咁扯氣。
「弟弟呀，」上氣唔接下氣嘅美恩，竟然仲講到嘢。「你日日……日日都係咁跑㗎？」
「係呀，係咪好健康呢？」我答佢。
「好……好健康……」佢仍然扯緊蝦。「索氣索到有腹肌𠻹呀……」
良久，扯完蝦嘅美恩彈返起身，企咗喺張長櫈上面，向天大嗌咗兩句「노력해요 ！」
然後佢低聲講：「我都係決定，著大一個碼嘅婚紗算喇……」我聽完，忍唔住kit一聲笑咗出嚟，然後佢都大笑。
「但係，呢個可惡嘅妹妹，我係唔會放過佢㗎！」美恩講完，拎個電話出嚟，應該係打俾 Chloe。
非常平靜嘅美恩，係電話接通後，突然戲劇性咁變出一把哭腔，同 Chloe 講：「妹妹呀！我跑得好辛苦呀！咁跑法要跑到幾時先會瘦喎！我唔跑喇！我唔嫁喇！」
電話對話繼續，美恩對住電話索一索鼻，然後話：「咁你快啲嚟啦……嗚嗚！」
收線後，佢回復平靜，同我講：「搞掂！到佢跑上嚟喇，嘻嘻！」
原來，我呢個經常一本正經嘅護士姐姐，都可以幾百厭。
冇幾耐，Chloe 跑到上嚟，都算佢跑得快，起碼快過美恩。亦都可能因為快，所以佢好索氣，喺我哋面前彎低身回緊氣。
「姐姐，你冇嘢吖嘛？有事慢慢講呀！」睇嚟佢中晒美恩嘅伏。
「我冇嘢呀！諗諗吓，我都係決定繼續嫁喇！嘻嘻！」美恩見奸計得逞，非常開心。
Chloe 好快察覺自己中咗伏，行埋嚟我前面，摸一摸我塊面，然後奸笑住同我講：「我嘅蠢蛋哥哥，做乜你今日尋死意欲咁強呀？想瞓廳一個月呀？」
「冤有頭債有主，呢次唔關我事㗎，係姐姐玩你咋！」瞓成個月廳呀！我梗係選擇篤灰啦！
「弟弟你冇義氣！」美恩抗議。Well，義氣嘅嘢，好虛無嘅。
「姐姐呀，」Chloe 奸笑住行埋去美恩前面。「聽聞搣脂減肥好有效㗎，等我幫你吖！」
美恩一聲尖叫，彈咗起身；兩個女仔喺南山公園你追我逐。
姐姐又好，女朋友都好，佢兩個其實都幾 cute。
同日早上較後時間，我屋企。
跑完、搣完脂、抖完、梳洗完、食埋早餐、Ricky 都嚟埋；今日第一個節目，就係：試韓服。
話說美恩決定咗，婚禮當日會著傳統韓服嚟行禮，Ricky 就著西裝。咁啱 Chloe 有套好靚嘅韓服，美恩決定參考吓；如果款式滿意，就會租或者買套咁上下款嘅。
Chloe 呢套韓服，我聽咗好耐，但都係琴晚先第一次見。呢套韓服聽聞係出自韓國最有名嘅韓服裁縫之手，全度身訂造，搵多件都難；係 Chloe 十九歲行笄禮嗰陣，佢媽媽送俾佢嘅禮物。
由於呢套係訂製嘅傳統韓服，唔係坊間乜都車埋一齊嘅廉價韓服，所以要一層一層咁著。兩個女仔喺房忙緊試衫，我同 Ricky 喺廳傾偈。
「咁我哋幾時去揀西裝呀？」Ricky 問我。
「唔使咁急嘅，搞掂晒你未來老婆嗰筆先。」我提議。「試衫一日應該乜都試得掂，改衫一個星期到十日；計減數，我哋八月先開始揀，都有足夠時間。」
「價錢真係要咁貴？」我之前同佢講過，budget 大約三百萬圜一套（港幣兩皮零）。
「結婚喎，呢啲錢要使嘅！姐姐都同意啦！放心喎，我嗰套我自己俾，唔會割咗你一忽肉嘅。」我自己知自己事，咁鬼貪靚，無謂要個老友幫我包底吖！我自己俾，買都買得爽啲。
「咁點好意思呀，話晒你都係伴郎……」佢個樣真係有啲唔好意思。
「冇所謂啦！你求其封返封利是俾我啦！」利是呢個 concept，我教佢嘅。
喺呢個時候，房門開，兩個女人出返嚟；我俾眼前嘅影像攝走咗我個魂魄。
Chloe 盤起咗個髻，著起呢套「傳說中」嘅韓服，好優雅咁行出嚟。我一直都知我女朋友靚，但係我從來冇諗過，佢可以靚到咁。拍咗拖年幾，雖然朝見口晚見面，但我仍然俾眼前嘅影像迷倒。
就好似當日，喺東大門嘅回眸一笑；我個心跳得好厲害。唔同嘅係，呢一刻我腦海中見到嘅，係佢著住呢套禮服嫁俾我嘅情景。
Chloe 知道我呆望緊佢，輕輕低頭，有啲怕醜。
「唔……廳裏面呢兩個男人嘅表情話我聽，我應該揀套咁上下樣嘅韓服嚟行禮……」美恩唔知係講俾自己聽，定係講俾我哋聽。
「嘻嘻！哥哥，我靚唔靚呀？」Chloe 行到我面前，輕輕問我。
「靚……靚…….好靚……」我有啲好似當喺東大門偶遇佢嗰陣咁，神不守舍。
「妹妹呀，佢對眼就跌出嚟咁滯喇，你話你靚唔靚？」美恩笑住講。
Chloe 冇答，繼續低頭甜笑。
「Ricky 你覺得點呀？」美恩問佢。
「好靚，如果你鍾意的話，我哋又訂造一套啦！」Ricky 從來唔會逆佢意。
「唔知夠唔夠時間呢？」美恩回頭問 Chloe。
「我媽媽同個裁縫好熟，應該冇問題嘅；星期一幫你問吓再覆你吖！」Chloe 答佢。
我冇好留心聽佢哋嘅對話，因為我個心仍然俾眼前嘅 Chloe 迷住。
因為呢一刻，我嘅腦海中，只有佢著住呢套韓服同步入教堂嘅影像。
（待續）
為什麼會看到廣告
34會員
111內容數
時間係1997年5月中，剛剛完成學業嘅我身在華盛頓，正在考量緊我嘅未來。我可以選擇留喺美國發展，我internship嘅老細（即係美國政府）同我有共識，我畢業後可以留喺政府工作。或者我可以選擇出去闖一闖，見識吓呢個世界。當年仲係年青嘅我選擇咗後者，因為我覺得我仲未需要搵一份工困住自己......
留言0
查看全部
你可能也想看
Google News 追蹤
最近國泰世華CUBE App推出的「美股定期定額」功能，讓使用者可以方便地進行跨境理財（但讀者仍需根據自身需求審慎考量），除了享有美股定期定額的新功能，也同時享有台股定期定額的功能，可以一站滿足我們理財的需求！
透過國泰世華CUBE App線上開台股證券戶+複委託戶，流程最快僅需要5分鐘。
嘿，大家新年快樂~ 新年大家都在做什麼呢？
跨年夜的我趕工製作某個外包設計案，在工作告一段落時趕上倒數。
然後和兩個小孩過了一個忙亂的元旦。在深夜時刻，看到朋友傳來的解籤網站，興致勃勃熬夜體驗了一下，覺得非常好玩，或許有人玩過了，但還是想寫上來分享紀錄一下~
兩個人結婚之後的日子就像是跑馬拉松，由開始到結束係好漫長的一個過程，兩人的步伐一定會不同，過程中兩人的距離會時遠時近，並不會一直也能夠並肩而行，有時候其中一方有可能會跌倒，順利一起高興的拖著手跑到終點的少之又少。
根據我自身的經驗，兩個相愛的人一起參加馬拉松，其中一個人快些到達終點是沒有意思的
今天中午我參加了一個好朋友的基督教婚禮，這朋友在我心中，算是一家人。今天我的乾妹妹是伴娘，早上她有空的時間，跟我說要是她結婚，她怎樣，我也說了。
如果我年青時結婚，我覺得我跟一般人一樣，希望有一個盛大的婚禮。如今，我不再年青，人生的閱歷豐富了，想法跟年青時很不一樣。
這次參加渣打臺北馬拉松，帶著夫人一起來參加。龍年後的第一場，是一個很好的驗證賽事，也是訓練的一部分。今年所報的半程馬拉松，成功以122完成。而此次主線任務，則是看老婆的”臺灣首馬“是否能夠取得一個好成績，而結果也很令人期待。想知道更多精彩內容，讓我們一起去影片紀錄中看看吧。
這次以一起報名全馬的方式慶祝哥哥60歲生日。比賽前一天選手之夜歡樂又緊張。比賽當天主辦單位給的時間很長，大家晚一點起跑。雖然沒跑完，但是享受放棄的感覺也算一種挑戰。
一位姊妹分享咗佢嘅揀偶經歷啦：
🌹呢一段日子，我經歷咗好多事，其中一個最特別嘅就係揀擇伴侶嘅經歷。係其中一次偶然嘅機會，我遇上咗我老公，佢除咗有穩定嘅收入之外，仲有幾個令我心動嘅特質，我都係因為呢啲特質而決定同佢一齊。
🌹首先，係一次去燒烤店嘅時候，佢主動幫我燒好咗食物，唔使我動手。當時嘅預
最近國泰世華CUBE App推出的「美股定期定額」功能，讓使用者可以方便地進行跨境理財（但讀者仍需根據自身需求審慎考量），除了享有美股定期定額的新功能，也同時享有台股定期定額的功能，可以一站滿足我們理財的需求！
透過國泰世華CUBE App線上開台股證券戶+複委託戶，流程最快僅需要5分鐘。
嘿，大家新年快樂~ 新年大家都在做什麼呢？
跨年夜的我趕工製作某個外包設計案，在工作告一段落時趕上倒數。
然後和兩個小孩過了一個忙亂的元旦。在深夜時刻，看到朋友傳來的解籤網站，興致勃勃熬夜體驗了一下，覺得非常好玩，或許有人玩過了，但還是想寫上來分享紀錄一下~
兩個人結婚之後的日子就像是跑馬拉松，由開始到結束係好漫長的一個過程，兩人的步伐一定會不同，過程中兩人的距離會時遠時近，並不會一直也能夠並肩而行，有時候其中一方有可能會跌倒，順利一起高興的拖著手跑到終點的少之又少。
根據我自身的經驗，兩個相愛的人一起參加馬拉松，其中一個人快些到達終點是沒有意思的
今天中午我參加了一個好朋友的基督教婚禮，這朋友在我心中，算是一家人。今天我的乾妹妹是伴娘，早上她有空的時間，跟我說要是她結婚，她怎樣，我也說了。
如果我年青時結婚，我覺得我跟一般人一樣，希望有一個盛大的婚禮。如今，我不再年青，人生的閱歷豐富了，想法跟年青時很不一樣。
這次參加渣打臺北馬拉松，帶著夫人一起來參加。龍年後的第一場，是一個很好的驗證賽事，也是訓練的一部分。今年所報的半程馬拉松，成功以122完成。而此次主線任務，則是看老婆的”臺灣首馬“是否能夠取得一個好成績，而結果也很令人期待。想知道更多精彩內容，讓我們一起去影片紀錄中看看吧。
這次以一起報名全馬的方式慶祝哥哥60歲生日。比賽前一天選手之夜歡樂又緊張。比賽當天主辦單位給的時間很長，大家晚一點起跑。雖然沒跑完，但是享受放棄的感覺也算一種挑戰。
一位姊妹分享咗佢嘅揀偶經歷啦：
🌹呢一段日子，我經歷咗好多事，其中一個最特別嘅就係揀擇伴侶嘅經歷。係其中一次偶然嘅機會，我遇上咗我老公，佢除咗有穩定嘅收入之外，仲有幾個令我心動嘅特質，我都係因為呢啲特質而決定同佢一齊。
🌹首先，係一次去燒烤店嘅時候，佢主動幫我燒好咗食物，唔使我動手。當時嘅預