香城回憶錄001：2047年那個晚上我在新居寫信

「The time now is 9 pm PDT. You have 1 unread email.」
「依個時間有新電郵？應該係junk mail吧。」我心想，但依然用簡單的手勢打開電郵信箱。
「亂碼？等等，收件人係老豆？依個電郵alias，老豆講過，只係俾佢響香城最後一個學期嘅學生…」一邊看電郵，一邊打開桌子旁邊的抽屜櫃。
「1989號硬碟，應該放左響好底…」我一邊回想起父親臨終前的囑咐，一邊在抽屜櫃裡找尋著外置硬碟。
「搵到喇！嘩！好多塵！」當然了，上次拿出來定期檢查和備份，已經是三年前的事。
「好彩部電腦仲有USB port啫。」在2047年，有USB的電腦，就如2020年有3.5吋軟碟機的電腦一樣，並不常見。
「64號資料夾…入面個解密程式…」我回想起父親自我懂得用電腦起，每年都會複習一次如何解密。

「Okay，解密成功。睇吓入面講乜先…」

「Dr. Wong您好，

突然電郵給您，實在有點冒昧，希望您在北美合眾國生活美滿。

上一次見您，已經是27年前了。您離開前曾經講過，如果日後有任何需要，可以用您說的亂碼方式，寄電郵給您。最近發現身體不適，做檢查後才知道已經有第三期的子宮頸癌，雖然可以做手術，但不知道身體能否承受得住。

我並不需要金錢援助，只是想，如果能夠再見Dr. Wong一面，傾談一下27年來的人生浮沉，那我就沒有甚麼遺憾了。現在我住在泰馬柬聯邦的北部，地址是XXX，北美合眾國應該沒有直達航班到這裡，要在快谷機場轉機，才能到達。

敬請　道安
學生
Mandy」

「諗住響SAND停薪留職，去讀PhD可以走得甩，真係『唯有業隨身』啊。一日都係老豆，改我個名做光時，仲要姓黃，唔通連個天都唔鍾意…呀唔係，係要我繼續記錄二十幾年前，響香城發生過嘅事…」我一邊找往泰馬柬聯邦的機票，一邊想起與父親臨終前的對話：
「記住，如果收到依個電郵alias寄黎嘅郵件，只要係能力所及，就盡量幫佢地，老豆當年太軟弱，揼低咗班學生走咗黎北美合眾國…」
「得啦，老豆，阿媽成日都話，你已經盡哂人事幫班學生，剩低嘅就生死有命啦。」
「點都好啦，如果你有機會見到佢地其中一個，記得要幫我同佢地親口講聲『對唔住』。」

「第三期的子宮頸癌做電療或者化療之後，存活率都幾高，點解講到好似交代遺言咁呢？不過老豆交帶落，回復佢之後就準備出發啦，反正響SAND做咗兩年嘢後就直接去讀PhD，都未有時間散吓心。」我心想。

「Mandy您好，
我是Dr. Wong的兒子黃光時，很不幸，父親於三年前已經因癌症逝世。

他離去前曾千叮萬囑，收到寄往這個電郵地址的郵件，只要在能力之內，都要盡力幫助寄信人。

如果你不介意的話，我會代替父親到泰馬柬聯邦一趟，與你傾談。

敬祝　早痊
光時」

Mandy第二天回信說，很歡迎我探望她，而且說聽到我的名字她很高興，因為知道我的父親並沒有忘記香城。

一個星期後，我登上從羅省出發，飛往快谷的客機，上飛機一小時後，不知不覺就睡著了。
「老公，你唔好咁激動啦。」
「佢地…佢地點可以咁對啲香城人？！只要間屋入面有細過25歲嘅女仔，就會安排一位人民黨黨員入住？咁同當年圍疆有乜分別？」
從小時候記憶的夢中驚醒，飛機已經接近降落。這時候的我還不知道，今次旅程對我的人生觀有多大的衝擊…