陳仔一家難得坐在家中飯廳一起吃飯。
老陳放下碗筷，說：「宜家屋企果盒口罩就來見底，你地要慳啲洗，宜家叫你地出街果啲，都唔知係咪靠害。」
陳仔不以為意，「唔好理我啦，好心你顧下自己，你做飲食，先係最危險㗎。」
老陳低下頭，「我都就來冇嘢做咯，仲驚咩。」
全家人放下筷子，望向老陳。
老陳也不好意思一時羞憤不已，便指向電視，說：「要怪，就怪啲黑衣人，如果唔係佢哋，香港就唔會變成咁。」
陳仔一時無語，他完全不知電視上播了什麼，會令父母覺得「黑衣人」有如此大的威力，上天入地，能控制武漢病毒，也能控制他的工作。
陳仔：「宜家講咩黑衣人吖？宜家政府先有問題吖，佢一早封關就冇事啦。」
老陳：「封關封關，宜家講封關仲有咩意思，如果真係有用，政府一早就封左啦。」
陳仔：「所以，你冇嘢做，唔關政府事，關黑衣人事？」
老陳：「係㗎，由上年開始，搞到香港咁，我間公司可以捱到宜家，都算好嘢㗎啦。」
陳仔忍住火氣，問：「咁你買唔到口罩，又怪邊個？」
陳媽在旁搭話，「仲唔係幫黑衣人，之前蒙面，買曬啲口罩。」
陳仔再也吃不下了，他也不知道，父母失業，他是該開心，還是該不開心。
