Hong Kong Life coach in the UK

2019年至今呢兩年半入面，喺香港發生大大小小匪夷所思嘅事情，而家「香港」只係一個名，已經唔係以前嘅香港。我原本係一位中學教師，而家嚟到英國繼續開展喺香港一路做開嘅工作：人生教練。

雖然大家過咗嚟英國，但係，情感上大家可能仍然活喺2019年呢一年......移民嚟到一個陌生嘅地方本來一啲都唔容易，面對著新環境，新改變，好容易對以前或者而家會產生後悔、混亂、憤恨、受傷、畏懼、哀傷等等嘅心情。我希望可以運用我嘅專業，幫到香港人「亂而不莽」、「憤而不恨」、「傷而不害」、「畏而不懼」、「哀而不傷」。

輔導員係向過往搵出人嘅問題，人生教練係向將來搵出人嘅幸福。我嘅人生教練計劃策略結合哲學、倫理學、心靈教育、價值教育、德育同埋公民教育，係身、心、情、理、靈，五方面落墨，主題包括：自我認識、洞悉盲點、強化思維、學習聆聽、學會欣賞、珍惜時間、樂於奉獻、遠離藉口、打開心靈、信守誠實、彼此尊重、對人禮貌、樂於勤奮、肩負責任、信守公義、實踐關愛等60多個主題。每課堂為1.5小時，會先以智慧故事開始帶出課題，再用理論深化主題，繼而引入個人生活實例，最後同你一齊從理性同埋默觀之中，一同尋求具體嘅出路。課程會按個別嘅特質而調整主題先後同埋深度。所以此，課程必須要一對一，唔會有兩個相同嘅課程。

我以往除咗幫個成人，亦為中學生做過人生教練。如果你或者你嘅仔女有需要，可以參考這個👉網頁👈

香港人加油！