F1 滄海遺珠:摩納哥

更新於 發佈於 閱讀時間約 11 分鐘

首先,當大家講一個地理嘅問題先,今日要講嘅係位於歐洲南部、法國以南嘅一個微小國家:摩納高,而唔係位於非洲北部嘅摩洛哥,即使到了今日,唔止係一般人,連媒體都仍然可以將兩個地方搞錯,所以希望大家分清楚,今日要講嘅目的地係位於歐洲而唔係非洲。

睇返地圖,其實都唔係好遠,搭錯飛機去錯地方?唔緊要,只需要步行2341公里就可以抵達正確目的地(X

睇返地圖,其實都唔係好遠,搭錯飛機去錯地方?唔緊要,只需要步行2341公里就可以抵達正確目的地(X

摩納哥大獎賽(Grand Prix de Monaco)是一級方程式賽車每年在靠地中海的南部海岸線的摩納哥蒙地卡羅賽道舉行的比賽。從1929年開跑以來,與美國印第安納州的印第安納波利斯賽車場舉行的印第安納波利斯500英里大獎賽(Indy 500)和法國巴黎西南200公里的小城利曼舉行的原型賽車與房車耐力賽:勒芒24小時耐力賽(24 Heures du Mans)(部分地區會稱為:利曼24小時耐力賽),三項賽事均被大眾認為是最重要及最負盛名的汽車賽事(三冠王)。截至今時今日,即使賽車運動已經有超過七十年嘅發展歷史,但係當中能夠成功成為三冠王嘅只有一人,就係 Norman Graham Hill。而目前現役車手當中,只有Fernando Alonso 是最接近能夠完成的人(目前為止,Alonso 仍未奪得 Indy 500 冠軍)。時至今日,每一年係傳統歐式建築物陪伴同大量遊艇圍觀之下,呢一條穿梭於市區中、既要上山也要落山、既有隧道亦都有180度彎位嘅超有特式嘅城市賽道,成為了一條F1極其獨特嘅賽道。相比起其他分站,每一個車手嘅目標都係在這一個分站勝出比賽。雖然每一個賽站都好重要,但係能夠在這一個獨一無二的地方留下香檳嘅痕跡,絕對係一種至高無上嘅榮耀。

賽道其實自從 1929年第一屆舉辦至今,都沒有大規模嘅改動,與當年唔同嘅改變只有增加部份彎位和增加賽道緩衝區,提高賽道嘅安全性。雖然踏入 2010年代之後一直有呼聲認為需要延長賽道,但是因為牽涉大量建築物遷移和龐大工程開支,所以一直都只聞樓梯響。呢一條背山面海,完全可以將地中海嘅美景收入眼底嘅賽道,一直以來都係咁狹窄,相比起其他街道賽,完全可以用曇花一現形容呢一條富有歷史氣息嘅賽道。既沒有巴富接近2公里長嘅大直路,也沒有沙特阿拉伯的安全隱憂;而且相比起澳洲墨爾本容易超車嘅特性,呢一度彷彿排位賽已經決定好一切。而且摩納哥蒙地卡羅賽道因為屬於一般道路,在沒有賽事的日子,基本上你係可以駕駛私家車甚至乎步行,親身體驗整條賽道高低起伏嘅精髓。不過如果係駕駛人士,就可能要多少少耐性,因為如果係日間遊覽,賽道兩旁是摩洛哥主要的商業中心和賭場,唔單止交通繁忙,而且名店林立,交通擠塞絕對是家常便飯,如果依照F1賽道的形式揸車走一圈,最少也要一小時才可以走完。

每年F1摩納哥站舉行前夕,大約兩星期前,就會舉辦傳統嘅 F1賽車賽事(Historic Grand Prix of Monaco),顧名思義就係將上世紀唔同年代 F1比賽用的賽車再一次在摩納哥街頭上比拼一番。而且相比起兩個禮拜舉行之F1摩納哥大獎賽,這一場傳統車的對決更加精彩,因為始終都係屬於一條街道規劃出來的臨時賽道,對於舊時的賽車來講仍然係一種考驗(需要知道,對於以前賽車來講,街道賽絕對係惡夢,因為相比起一般賽道,面對嘅問題會更多),除了穩定性之外,更加可以再一次欣賞到唔同年代賽車的不同設計,而且當中更不乏精彩爬頭對決嘅畫面。相比起現今F1,舊時賽車沒有現今賽車一樣過分着重空氣動力學,而且車身闊度比現今F1窄,絕對係可觀性更好。

相信近幾年大家對於摩納哥分站,除了悶之外就係悶。往往排位賽嘅名次就係隔天正賽的最終名次,就算有所更改,最多也是起步時的意外混亂場面或者 Pit Stop 時交換位置,其餘時間我們根本難以看到埋身肉搏的場面出現。近幾年大家最有印象嘅絕對唔係比賽過程,以係去年法拉利 Charles Leclerc 於排位賽成功搶奪頭位之後撞車收場,而且因為疏忽檢查導致隔天未能出賽,間接拱手相讓冠軍給Max Verstappen(摩納哥分站的主埸魔咒:每年摩納哥主場出賽車手一定會在比賽中花式自爆。輕則跌出頌獎台;重則大撞車,未能完賽);而另一個大家最有印象嘅亦都發生係舊年,就係一直以來都有如瑞士鐘錶準確嘅平治車隊,竟然在摩納哥分站創下了F1歷史上最長的 Pit Stop 時間:43小時15分鐘。但係我相信除了這些之外,大家對於比賽嘅回憶應該少之又少。即使今年比賽之前有落暴雨,令到整場比賽有變數,而且法拉利的策略計算部門又回到去年的表現,但是整場比賽在賽道上爬頭的畫面仍然少之又少,彷彿在進入維修站的一刻已經決定了名次。

其實一場比賽係唔係沉悶,有無意外發生固然重要。但是相比起任何意外,賽車在賽道上埋身肉搏爬頭嘅畫面先至係最重要。因為近幾年因為安全問題加上空氣動力學發展,一年嘅賽車比一年越黎越闊。在這一條超狹窄嘅賽道上面,車手往往為了安全起見,肯定唔會輕易作出爬頭的決定,畢竟如果成功爬頭,固然有機會能夠有分數的進帳,或者能夠接受萬人祝賀;但是如果失敗,一子錯滿盤皆落索。唔單止有機會失控撞牆,輕則進 Pit Stop 更換零件,重則賽車因為嚴重受損而退出比賽。而且係窄嘅賽道上強行爬頭,如果稍有差池,好大機會會被賽會認為是有心造成意外,往往需要在下一站接受相關懲罰,所以導致到大部份車手都唔願意冒險爬頭。加上近年嘅預算上限開支影響,每一對車隊對能夠進行維修嘅費用逐漸減少,所以車手必須比其他賽道更小心駕駛,以避免產生額外的維修費用,繼而影響來年的開發。(不過又咁講,今年至今為止嘅比賽,因為意外導致到戰車受損需要馬上退賽嘅賽事相對上比去年少,當然除了 Williams Racing 的 Latifi。不過,因為機件故障而引起嘅退賽比例卻異常地高,主要係因為今年對於賽車嘅大修改,先至導致好多時賽事期間賽車因為機件問題而退出比賽嘅情況出現)係摩納哥狹窄嘅街道上面,其實大部份車手都唔會主動願意爬頭,因為正如我之前咁講,摩納哥始終係一條街道賽道,道路闊度有限,而且相比起上一個世紀的賽車,現在的賽車彷彿肥了好多。如果從車載攝影鏡頭觀看賽道,你可能會發現最近十年賽道兩旁的圍牆彷彿不斷在收窄,但事實卻是因為配合更安全的環境和空氣動力學,導致到賽車不停加長和變闊,今年更加因為大改例,成為有史以來最闊嘅賽車。雖然現今F1戰車絕對係汽車科技嘅頂尖,但面對這種龐然怪獸,在咁狹窄嘅街道上比賽絕對顯得有些笨重,而且亦都極度難以操控。根據唔少賽車手講述,平均一次摩納哥分站需要轉波最少四千次,係呀你無睇錯係四千次,相比起其他分站為高,所以真係不得不佩服每一個車手係呢一個賽道上面比賽時候所使用嘅”腦”力。

不過除了賽車變闊,難以爬頭之外,另一個為人垢病嘅問題就係摩納哥大獎賽是 F1 唯一一個特殊待遇嘅問題。相比起舉辦其他賽事嘅分站,摩納哥雖然現今開始也需要繳交舉辦費(以前是不用繳交的,直至近年才開始繳交,但也是各個分站中繳交費用最低的分站)但是基於歷史因素問題,摩納哥絕對算係 F1 中的超級最不平等待遇的一站。每年 F1平均 20-22 場比賽當中,除了摩納哥分站之外,全部也是由 F1 親自管理,唯獨是摩納哥分站是由摩納哥汽車俱樂部(Automobile Club de Monaco (ACM))負責,當中包括場邊廣告收入、門票收入、全球電視轉播等等也是由摩納哥賽會負責,所有收入並不會上繳 F1 主辦。所以對此,其實 F1 主辦一直也有些微言,畢竟新加入賽程的舉辦費不單止是天價(好像是50,000,000美元),而且所有收入也是直接撥入 F1 擁有人一Liberty Media 中,而且轉播也是由他們負責,所以問題不大。但今年剛剛過去的摩納哥分站,雖然賽事中有唔少精彩嘅爬頭畫面,但係我們甚麼也看唔到。而且連 Mick Schumacher 如何撞車導致車輛一分為二、Kevin Magnussen 因什麼原因退賽,電視直播上也沒有重播給觀眾知道,可見相比起其他賽站的轉播,摩納哥的轉播略為遜色,畢竟他們也是外判給予法國一間電視台負責。

2021年精彩的爬頭片段當然也是被導演剪走了(已經變成了F1 其中一個 meme)

2021年精彩的爬頭片段當然也是被導演剪走了(已經變成了F1 其中一個 meme)

摩納哥分站的合約今年便會完結,但是至今仍然未有消息傳出明年會否續辦,當中傳出的原因主要是因為 F1 想取消摩納哥分站這個超特殊地位,希望奪回更多控制權;但是另一方面,ACM 彷彿擺出一副態度傲慢的感情,不單沒有打算更改賽道製作更多精彩爬頭的畫面機會,而且目前為止傳出的消息也指 ACM 沒有打算下放更多控制權給 F1主辦。其實好多人都講過,F1需要摩納哥,而唔係摩納哥需要 F1。其實我都算係好認同,畢竟相比起世界各地願意付出天價承辦費也要爭相舉辦F1賽事提升國際形象,摩納哥彷彿不用做什麼也可以吸引到世界各地車迷的目光。雖然呢一個分站係一個充滿歷史嘅分站,當然如果要係賽程表上面消失絕對係一件遺憾嘅事,但係我地見到嘅係 F1 不斷係美國同埋中東國家新增唔同嘅街道賽事,彷彿就係想同世人講就算失去了摩納哥呢一個分站,仍然有好多可觀性甚佳嘅街道賽道可以取代摩納哥蒙地卡羅賽道(不過是不是每一條新增嘅街道賽事都有好好嘅可觀性呢一點呢,就真係見仁見智)雖然事實的而且確係咁,但係調返轉咁講,雖然成日都有人話:舊嘅唔去,新嘅唔黎,但係畢竟好多車手由細到大都係睇住自己嘅偶像如何在這一條賽道上面風馳電掣,甚至乎長大後竟然有機會同自己嘅偶像一樣,係同一條賽道上留低腳毛,所以就算連車手都覺得唔應該取消呢一個分站,畢竟就算攞唔到世界冠軍都好,都希望可以係摩納哥分站勝出一次,光宗耀祖。當然,街道賽變數大,相比係在賽車場入邊比賽,絕對係比較好吸引,而且觀眾亦都比較容易參與其中,但係如果雙方都唔作出任何讓步,其實都可以幾肯定F1 一定會取消摩納哥分站,但係根據目前嘅報道,雙方仍然就權力分配問題而未能簽下新一份比賽合約,所以如果真係要取消,雖然對於大部份車迷或者車手都係可惜,但係始終時代嘅巨輪不停在轉動,咁闊嘅賽車係咁窄嘅賽道上面風馳電掣的確係好有型,但係即使比賽幾精彩都好,缺乏埋身肉搏精彩爬頭嘅畫面,彷彿都只係一場兩小時嘅大型F1巡遊表演。

留言
avatar-img
留言分享你的想法!
avatar-img
潮乜春的沙龍
1會員
11內容數
潮乜春的沙龍的其他內容
2022/11/10
今日就係11/11,又名雙十一,大量商店做折扣優惠。但係在衝動購物之前,不如花少少時間,了解下呢個汰弱留強的網購戰埸是如何淘汰弱者~
2022/11/10
今日就係11/11,又名雙十一,大量商店做折扣優惠。但係在衝動購物之前,不如花少少時間,了解下呢個汰弱留強的網購戰埸是如何淘汰弱者~
2022/10/31
如果說近期我有興趣進電影院看的電影,除了上次介紹的映画 五等分の花嫁之外,便是今天要介紹的映画 ゆるキャン△。
Thumbnail
2022/10/31
如果說近期我有興趣進電影院看的電影,除了上次介紹的映画 五等分の花嫁之外,便是今天要介紹的映画 ゆるキャン△。
Thumbnail
2022/10/25
近幾年以後宮戀愛作為主題的漫畫多不勝數,但係如果要細數當中最具人氣的作品,五等份の花嫁一定係其中一套榜上有名的作品。不過同其他作品不同的是,男主角不用冒着失敗的風險花大量時間攻略每一個角色,而是一早便要在五姊妹中選一人作為將來的新娘~
Thumbnail
2022/10/25
近幾年以後宮戀愛作為主題的漫畫多不勝數,但係如果要細數當中最具人氣的作品,五等份の花嫁一定係其中一套榜上有名的作品。不過同其他作品不同的是,男主角不用冒着失敗的風險花大量時間攻略每一個角色,而是一早便要在五姊妹中選一人作為將來的新娘~
Thumbnail
看更多
你可能也想看
Thumbnail
「欸!這是在哪裡買的?求連結 🥺」 誰叫你太有品味,一發就讓大家跟著剁手手? 讓你回購再回購的生活好物,是時候該介紹出場了吧! 「開箱你的美好生活」現正召喚各路好物的開箱使者 🤩
Thumbnail
「欸!這是在哪裡買的?求連結 🥺」 誰叫你太有品味,一發就讓大家跟著剁手手? 讓你回購再回購的生活好物,是時候該介紹出場了吧! 「開箱你的美好生活」現正召喚各路好物的開箱使者 🤩
Thumbnail
世界上最富有-富蒙帝那拉.摩納哥是世界上最小的國家之一,僅次於梵蒂岡城。而蒙帝那羅拉是公國的地區之一。這是摩納哥和蒙帝那羅拉之間的主要區別。這裡居住著約 38,000 名居民,他們享受奢華的生活方式、優惠的稅收制度和世界一流的設施...
Thumbnail
世界上最富有-富蒙帝那拉.摩納哥是世界上最小的國家之一,僅次於梵蒂岡城。而蒙帝那羅拉是公國的地區之一。這是摩納哥和蒙帝那羅拉之間的主要區別。這裡居住著約 38,000 名居民,他們享受奢華的生活方式、優惠的稅收制度和世界一流的設施...
Thumbnail
車庫娛樂邀約搶先看首映場 #法拉利 劇情:1957年,前職業車手恩佐法拉利(亞當崔佛 飾)處在二戰之後的歐洲經濟危機,他的賽車和工廠正面臨困境;親生兒子的過世,使得和妻子蘿拉(潘妮洛普克魯茲 飾)關係緊張;恩佐法拉利賭上一切在賽程長達一千英里的「Mille Miglia千里賽」。 費時二十幾年時
Thumbnail
車庫娛樂邀約搶先看首映場 #法拉利 劇情:1957年,前職業車手恩佐法拉利(亞當崔佛 飾)處在二戰之後的歐洲經濟危機,他的賽車和工廠正面臨困境;親生兒子的過世,使得和妻子蘿拉(潘妮洛普克魯茲 飾)關係緊張;恩佐法拉利賭上一切在賽程長達一千英里的「Mille Miglia千里賽」。 費時二十幾年時
Thumbnail
播出時數最長、涉足範圍最廣的景點導覽節目(誤)-2023年環法國自由車賽(簡稱環法)於7月1日熱鬧展開!共計22支車隊,176位車手,難以計數的工作人員,將一同完成這項世界最盛大的自行車賽事!
Thumbnail
播出時數最長、涉足範圍最廣的景點導覽節目(誤)-2023年環法國自由車賽(簡稱環法)於7月1日熱鬧展開!共計22支車隊,176位車手,難以計數的工作人員,將一同完成這項世界最盛大的自行車賽事!
Thumbnail
你好,我是股市鴿~ F1自由練習:雨勢成為左右排位賽成績因子 F1本週在加拿大的吉爾·維倫紐夫賽道(Circuit Gilles-Villeneuve)舉行了第七站的賽事,這條賽道以1976年世界冠軍吉爾·維倫紐夫(Gilles Villeneuve)的名字命名,是一條充滿挑戰和變化的賽道。本週的自
Thumbnail
你好,我是股市鴿~ F1自由練習:雨勢成為左右排位賽成績因子 F1本週在加拿大的吉爾·維倫紐夫賽道(Circuit Gilles-Villeneuve)舉行了第七站的賽事,這條賽道以1976年世界冠軍吉爾·維倫紐夫(Gilles Villeneuve)的名字命名,是一條充滿挑戰和變化的賽道。本週的自
Thumbnail
文 / 尤虹文 幸運搭上紐約飛尼斯的首航班機,航空公司準備了軟糖和別針,連下飛機都有特別的水柱噴水歡迎儀式。短髮法國空姐很開心,說飛行多年首次獲得這樣的待遇。 延伸閱讀 英女王歡慶白金禧〉疫情後的新倫敦再次綻放 打造摩納哥成為環保的度假勝地 本文章反映作者意見,不代表《遠見》立場 (作者為音樂人)
Thumbnail
文 / 尤虹文 幸運搭上紐約飛尼斯的首航班機,航空公司準備了軟糖和別針,連下飛機都有特別的水柱噴水歡迎儀式。短髮法國空姐很開心,說飛行多年首次獲得這樣的待遇。 延伸閱讀 英女王歡慶白金禧〉疫情後的新倫敦再次綻放 打造摩納哥成為環保的度假勝地 本文章反映作者意見,不代表《遠見》立場 (作者為音樂人)
Thumbnail
有F1 皇冠之上的明珠(The Jewel of the Formula One Crown)稱號嘅摩納哥大獎賽,點解近幾年觀眾要求退出F1賽程嘅聲音越來越大?優美嘅風景背後,到底係一個點樣嘅問題?不如就等我同大家講講呢一個令人感到超級沉悶嘅賽站。
Thumbnail
有F1 皇冠之上的明珠(The Jewel of the Formula One Crown)稱號嘅摩納哥大獎賽,點解近幾年觀眾要求退出F1賽程嘅聲音越來越大?優美嘅風景背後,到底係一個點樣嘅問題?不如就等我同大家講講呢一個令人感到超級沉悶嘅賽站。
Thumbnail
關於米其林輪胎,在闈場裡充斥著謠言跟陰謀論,讓我們來一探究竟。
Thumbnail
關於米其林輪胎,在闈場裡充斥著謠言跟陰謀論,讓我們來一探究竟。
追蹤感興趣的內容從 Google News 追蹤更多 vocus 的最新精選內容追蹤 Google News