脫髮類型拆解｜Netsgrow
2022/06/21閱讀時間約 7 分鐘
脫髮分為兩種基本嘅類型：
毛囊短期受損造成嘅暫時性脫髮，都可以叫做急性脫髮，不過呢個係相對容易康復嘅脫髮問題
暫時性脫髮普遍係由發高燒引起，不過精神壓力、內分泌失調、照X光、營養不良、同使用毒品等都會造成暫時性脫髮
毛囊受損而造成嘅永久性脫髮，稱為慢性脫髮，脫髮時間持續至少一年以上
永久性脫髮（雄性禿/雄性脫髮）嘅脫髮過程係逐漸而長久嘅。開始時前額髮線向後移，頭頂頭髮逐漸脫落而變得稀疏，發展到嚴重脫髮階段普遍只剩下頭後部、兩側嘅頭髮
脫髮成因有以下幾個:
1) 遺傳因素，男性激素過多
2) 過度肥胖
3) 用腦過度
4) 皮膚病或皮膚受傷留下嘅疤痕，天生頭髮發育不良，以及化學物品或物理原因對毛囊造成的嚴重傷害，都會引起永久性脫髮
脫髮種類可以劃分至:
脂溢性脫髮：普遍出現係25-35歲男性身上，頭皮上有較厚嘅油性分泌，頭髮光亮，稀疏纖細，或者頭髮乾燥，多頭皮屑同外表無光澤
化學性脫髮：化學物質對頭皮組織同毛囊細胞嘅損害而導致脫髮
物理性脫髮：空氣污染物堵塞毛囊、有害輻射等導致嘅脫髮
營養性脫髮：消化吸收機能障礙導致營養不良而脫髮
肥胖性脫髮：大量嘅飽和脂肪酸係體內代謝後產生廢物，堵塞了毛囊而導致脫髮
遺傳性脫髮：大部分男性脫髮主因都係因為遺傳因子，女性呈隱性遺傳。過往認為男性脫髮主要係父親嘅基因遺傳，但目前研究表明，係母親獲得脫髮遺傳基因嘅概率同父親嘅相差無幾
壓力性脫髮：屬精神因素引起嘅脫髮，係大腦受了刺激導致中樞功能紊亂，令毛髮部位嘅毛細血管持久性收縮，毛根供血不足而造成頭髮營養不良，時間長就會出現脫髮
雄性禿 / 雄性脫髮
雄性脫髮主要同遺傳有關，頭髮受雄激素嘅影響好大，遺傳因素又令毛囊對雄激素嘅敏感性增加，人體毛囊係對雄激素敏感嘅靶器官，其生長具有週期性，通常經歷生長期、退行期同休止期三個階段。人體分泌嘅雄激素主要係睾酮，睾酮係5α-還原酶嘅作用下轉變為雙氫睾酮，再同頭皮部毛囊靶細胞內嘅雄激素受體結合，抑制毛乳頭嘅生長發育，干擾毛囊細胞嘅生長代謝，令頭髮提前進入休止期，從而引起雄性脫髮或雄性禿。
脂溢性脫髮
常常出現係25-35歲男性身上，頭皮上有較厚嘅油性分泌，頭髮光亮頭且頭屑多，稀疏而又纖細。脂溢性脫髮係一種常見嘅皮膚問題，可分為雄性激素源性脫髮，亦可稱為雄性禿、脂溢性脫髮 (又稱脂禿)，普遍症狀係髮線後移、M字額、地中海等。
脂溢性脫髮表現
脂溢性脫髮係皮脂溢出過多嘅基礎上發生嘅一種脫髮，脫髮者頭皮脂肪過量溢出，普遍伴有頭屑增多，頭皮油膩，瘙癢明顯，通常發生係啲皮脂腺分泌旺盛的青壯男性，又或腦力勞動者多於體力勞動者嘅身上，但近年女性患者人數都有明顯增加嘅趨勢
經研究證實，脂溢性脫髮同人體嘅內雄性激素分泌、精神狀態、遺傳等因素相關。脫髮者頭皮脂肪過量溢出，導致頭皮油膩潮濕，細菌繁生感染引起皮炎。脫髮通常係由兩邊額角、前額或者頭頂中間開始，慢慢侵蝕成個頭頂。情況嚴重嘅脫髮區會變得油光發亮，剩餘嘅頭髮變得又細又軟。脫髮者通常由二十幾歲就開始就出現持續性嘅脫髮，嚴重嘅去到三、四十多歲就甩曬頭髮，很大程度地影響儀容。
脫髮嘅發展進程係會越黎越嚴重，每天可以見到大量頭髮落係枕頭同髮梳上，頭髮油膩發亮，頭皮屑增多，頭皮經常出現奇癢，甚至只要輕輕一拔就可以拔下一大把，洗頭時成手都係脫髮，睇到心嗡嗡又無能為力
脂溢性脫髮的分類
急性脂溢性脫髮 / 慢性脂溢性脫髮
急性脂溢性脫髮
頭皮油質增多、癢，有頭屑或丘疹，毛髮係短時間內成撮脫落甚至全部脫光，頭皮有小丘疹，普遍發生係青春期，男性較常見，容易間斷復發
慢性脂溢性脫髮
頭皮油膩發亮，呈塗油狀，充斥住灰白色糠嘅皮狀頭屑，頭髮乾燥，缺乏光澤，瘙癢較重，係前額兩側同頭頂部慢慢脫落，幾年或十幾年後會形成禿頂，通常出現係青壯年男女身上，男性比較常見，女性症狀為頭髮稀少乾枯，毛髮同樣會慢慢脫落，露出頭皮，但形成禿頂的可能則較小
脂溢性脫髮的原因
脂溢性脫髮嘅真正原因到目前為止都未有明確定論，不過不少研究指出脂溢性脫髮同人體雄性激素水準過高相關。過往有實驗證明，當人體雄性激素濃度達到某個水平後就會抑制毛囊細胞嘅生長，濃度越高，抑制作用越強。
另一方面，都有研究表明脂溢性脫髮的嘅清雄性激素濃度同正常人比較冇明顯增加。有研究認為導致脂溢性脫髮最直接嘅關鍵原因係因為皮脂分泌過旺，皮膚中有油酸、角鯊烯、亞油酸等過量對毛囊有毒性作用嘅成分時，會導致毛皮中毒、枯萎、脫落。實驗表明，將含有呢啲成分嘅油脂塗到動物皮毛上就會引起皮毛嘅大量脫落
而中醫角度會認為脫髮是係腎血虧虛、肝鬱氣滯、陰虛內熱引起，但呢睇法對唔同類型嘅脫髮欠缺明確嘅推理同分析。因為唔同類型脫髮嘅原因都係唔一樣，全部歸因於腎虛嘅可信性較低，尤其係脂溢性脫髮，難以同腎血虧虛扯上關係
脂溢性脫髮與下列四種因素有關：
脂溢性脫髮者嘅雄性激素較多，因為睾丸分泌嘅雄性激素進入血液循環後，到達頭皮後轉化爲毒性物質刺激毛囊，會令毛囊能量代謝同蛋白質代謝發生障礙，最後促致使頭髮脫落
脂溢性脫髮嘅遺傳基因係男性呈顯性遺傳，由上一代遺傳比下一代，所以男性脂溢性脫髮情況較為常見，男性只要有一個脫髮基因就會造成脫髮。而女性嘅脫髮基因屬於隱性，唔會有脫髮嘅問題，除非同時擁有兩個脫髮基因。而即使有兩個脫髮基因，對女性來說一般也都只會令頭髮稀疏，唔會大量脫髮或者出現禿頂嘅情況
隨住年齡增長，脂溢性脫髮嘅發生比率亦都逐漸增加，普遍出現係17-20歲嘅男青年身上，30歲左右為高峰，隨住隨年齡的增加，情況普遍會加重，最後惡化至禿頭
從事腦力勞動、精神壓力大且大腦消耗能量極大，刺激機體自主同激素適應性作出調整以維持正常嘅體溫同免疫功能等的生理平衡，過程中會分泌較多嘅雄性激素，皮脂腺分泌旺盛，提高分析力同判斷力，同時性情容易變得急躁，而頭皮上嘅皮脂腺同其它部位相比最發達，係呢種情況下分泌就會更多，為頭皮上嗜脂性嘅真菌提供左大量繁殖條件。如得唔到及時處理，細菌繁殖會產生一種溶解酶，會將發根溶解至殘缺不全，毛囊逐漸萎縮，生髮功能開始減退
脂溢性脫髮的危害
頭髮係人類儀容到佔左好大嘅地位，年紀輕輕就脫髮禿頭，對儀容有著災難性的損害，給人的第一印象也會受影響，對自信心更係極大嘅打擊，仲會影響到婚姻甚至前程。脂禿雖然冇肉體上嘅痛苦，但心理上嘅壓力就山咁大…
護髮方法
細心呵護頭髮可以預防脫髮，頭髮處於濕潤狀態時十分脆弱，唔可以太用力梳理，最好揀圓形梳頭，可以避免刮傷頭皮。而染髮、電髮及卷髮都會損害頭皮和頭髮，應盡量避免
合理嘅飲食
缺乏維他命或者蛋白質係脫髮成因之一，營養不足會妨礙頭髮健康生長，頭髮變得越來越稀疏，均衡嘅飲食習慣有助頭髮生長，亦有益身體健康
減輕壓力
過量嘅壓力會引發各種健康問題，包括脫髮，令頭髮係幾個月內都處於休眠期，應該避免承受過重壓力，加上平時多鍛煉體魄，培養良好嘅生活習慣
避免長時間使用電腦
電子產品的輻射都係導致脫髮嘅原因之一，長時間使用電腦，電腦顯示屏幕都有唔同程度嘅輻射，導致身體抵抗力減弱，進一步影響皮膚同頭髮，嚴重嘅會導致脫髮
留言0
查看全部