精英的小金人變成小路人 從王者 跌到鑽石級別 高盛Goldman為何跌下神臺
當然不是說這間公司垃圾廢物，而係講下為什麼跑輸大市，股價跑輸同行 (摩根士丹利，大摩)
08年金融危機，美國大部分金融機構損手爛腳，被政府整頓，相反地，小金人 係少數全身而退的投行，而且當時大賺特賺，2009 賺了超過 $13B 美金，當時十年來最好紀錄。不過點解過去十年，會被直接競爭對手 Morgan Stanley MS 追過跑上? 原因總結好簡單，MS “轉身” 夠快，目光夠遠，分散風險。
08 金融危機之後，傳統金融投行被追加各種規定紅線 red tape，監管機構加強管理。不過有危就有機，MS 和 Goldman 得到機會可以進行傳統商業銀行業務，雖然預備金成本增加，但同時可以獲得更多低息資金借貸渠道。
傳統投行賺錢除了 股票債券etc 交易食佣金食息食 spread，prop trading 之外，企業服務都係一大收入來源。公司收購合併傾生意做 deal，發行債券，上市股票 ipo，顧問諮詢，都係利潤豐厚。
傳統業務上，Goldman 係行業龍頭大佬，企業 m&a 諮詢，債券股票交易收入，都差不多係全行業市佔率最高。
上述業務當然賺到錢時就肥過肥肥，不過當市道不好的時候，就真係食西北風的。即係極週期性，高波福士 cyclical 的生意模型。
上年 2022 大家都經歷了，美國急速加息，俄烏戰爭，股票債券各種資產市場大跌。傳統投行生意淡薄，客戶公司企業節衣縮食，交投大幅減弱，仲傾乜q deal。小金人裁員，大斬花紅 bonus 新聞都有講。
另一方面，MS 自從金融危機之後，大摩老細意識到世界將會從此改變，更多的生意監管規限，變化無常的高利潤投行生意，就走向更加多元化的發展，分散風險。
早喺2010，MS 已經發展其他業務例如普通零售銀行服務。例如發展 資產財富管理服務 (有錢人 private banking)，收取一個穩定的管理費 ; E*Trade 散戶經紀行 食佣金 ; 開基金收管理費 (另一種資產管理) 等等。
股票投資者 明顯喜歡穩定的收入商業模式。多元化的發展，令到大摩的股價慢慢追上 GS。過去 5年，$MS 股價升了超過 70% ; SPX 48% ; $GS “只有” 38%。 “股價反映一切”。Cagr 就自己計了。
高盛 一樣有做類似的多元發展業務，ceo 同樣希望得到更穩定的收入。例如一樣發展 財富管理服務，2020年 GS 定出目標 2024 管理費收入達到 $10B。現在 2022 已經有 $8.8B，不過問題係 $10B 只係佔總行收入 $47B 的一部分，不是主要穩定收入， “發展比較 (同行業) 慢” 。
大家還記得早前蘋果發佈會上，和高盛合作發展 蘋果信用卡業務嗎?
GS 一樣進駐 普通零售客戶借貸服務 (普通人借錢)。可惜表現不似預期，很多對手甚至初創企業 表現都比他好。
零售借貸服務呆壞帳比例高 (借出去的金錢收不回來)，22年度還是超過 13%的比例，差不多全美銀行比例最高， “毫無經驗的” 初創企業 Affirm 都不過是 7%左右，小金人的一半。
而且，零售服務還是只佔公司的業務小小的一部分，3%的總收入，還不成氣候。
高波幅性的傳統投行業務仍然係佔 Goldman 70% 的收入比例，離穩定收入，分化風險多元化業務還有一段距離。
GS 弱點不在傳統生意上，而是新的業務發展。小金人 喺金融精英世界獨領風騷，反而喺比較 “低端” 的 零售消費者生意上被打敗
去到講 book value，1999年 GS 是 trade緊 4倍PB。去到今天現在，GS 只係 trade緊 1倍PB，投資者估值調低 ; 相反地 MS 1.7倍PB。
GS 不是沒有做新嘗試，不過就做得比較慢，做得沒有其他人好，自然股價就落後。
*高盛 1mdb 華爾街狼人 wolf of wallstreet 係有關係的，自行Google一下吧~
Rikas//
