Jared thê-chhut chu-goân chiah-sī Au-chiu lâng ū-haot-tō͘ khòng-chè chit-má tē-kiû ê goan-in. Tī tē-jī pō͘-hūn, tē-sì chiuⁿ, ōe chhut-lâi hî-kut tô͘, chhut-hoat tiám sī, siā-hōe beh chìn-pō͘ ài ū tsiah-ê. Put-chí ài ū si̍t-bu̍t, koh ài ū chhun. Tē-gō͘ kàu tē-cha̍p chiuⁿ, leh kái-soat ūi-siáⁿ-mi̍h （1）tang-sai tn̂g ê tē-lí （2）hong-hù ê bu̍t-chiòng ē hō͘ tòa leh hia ê lâng ē-sái ū chhiong-chiok ê jîn-kháu kap si̍t-bu̍t.
Jîn-lūi siā-hōe nā-beh piàn tōa, thâu-chi̍t-ê ài ū lông-gia̍p. Eng-kai kóng-sī nā-ū lông-gia̍p, khah kan-tan ū tōa ê siā-hōe.
Lán tī-leh ha̍k-hāu o̍h-tio̍h siā-hōe ê piàn-hòa - iû-bo̍k siā-hōe chiām-chiām 「ē」piàn-sêng lông-gia̍p siā-hōe. Sū-si̍t-siōng, beh ùi iû-bo̍k seng-oa̍h piàn-sêng lông-gia̍p seng-oa̍h, m̄-sī só͘-ū ê só͘-chai lóng-ú khó-lêng.
Jared ê chheh siūⁿ-beh kóng ê tiōng-tiám ： Au-chiu lâng （put-koán siáⁿ-mih lâng）ū-haot-tō͘ khì Inca tè-kok lia̍k in ê hông-tè, bô-it-tēng sī Au-chiu lâng khah-gâu, tian-tò sī Au-chiu lâng khah hó-ūn - seng tī-leh Au-a tāi-lio̍k - pí-khí-lâi khah kan-tan ē-sái hoat-tián lông-gia̍p.
Jared mā-ū kóng, nā-sī khoân-kéng bô sek-ha̍p, lông-gia̍p siā-hōe ê lâng, m̄-sī ài thòe-hòa tńg-khì iû-bo̍k siā-hōe.（bîn-chú siā-hōe kám mā-sī kâng-khoán？）
Jared ēng chin-chōe phiⁿ ê lāi-iông lâi soat-bêng chu-goân ê tiōng-iàu
- Tang-sai tn̂g ê hó-chhù：thiⁿ-khì khah siâng, kò͘-hiong ē-sái chèng ê, tī sin-ê só͘-chai ē chèng ê khó-lêng khah-tōa
- Au-a tāi-lio̍k ū gû, ū bé, put-chí ē-sái chèng chhân, bé-á koh ē-sái the̍h-lâi chiàn-cheng. Bí-chiu pèng-bô gû kap bé
- Au-a tāi-lio̍k ū bí, ū be̍h-á, ū má-lêng-chû, ū ō͘-á, téng-téng. Pí-khí-lâi, bí-chiu bô chiah-nih hong-hù.
- Múi-chi̍t-ê tāi-lio̍k m̄-sī pêng-téng ê. Lán ê chó͘-sian nā-sī chhut-sì tī-leh Bí-chiu iá-sī Ò-chiu, bô-it-tēng ē-sái hoat-tián kàu lông-gia̍p siā-hōe lâi
Lông-gia̍p siā-hōe thiaⁿ-khí-lâi kan-tan, kî-si̍t pí siūⁿ ê koh-khah khùn-lân.
白話字轉漢字, https://suisiann.ithuan.tw/
#POJ, #白話字, #chiàn-cheng, #chiàn-lia̍k, #GunsGermsandSteel
