me time

獨自在cafe齋坐，我壓力已經無咗一半。

通關之後，長長短短原來我已經去咗10次旅行，但無一次自己去，今次同埋我老母嚟，壓力山大。

佢行2個字已經問去緊邊，答咗佢行緊去餐廳，之後每10秒問你，邊度/邊間/食咩/要唔要問人/係唔係好好食，但其實前後只要行15分鐘左右，但佢已經唔想行。

東京地鐵唔係個個出口有電梯，一見到要行樓梯又西面，去排隊食出名餐廳，一見到要等又西面。仲有，成日同日本人講廣東話，人哋唔明又話人好L蠢。入任何商店，一定問人有無discount，好想講價。

佢以為自己係英女王，但其實係元朗一個師奶。