希望此文能為在台港人帶來一點娛樂.....一點昔日香港鄰里間的溫柔.........
話說係7,80年代既香港，有位狗面人身既怪客遊走港島、九龍一帶，專門對付色魔，深受街坊愛戴，成為一時佳話.......
狗男既出現，眾說紛紜，其中一個比較高認受既講法呢就係:
狗男本來就係一個流浪漢，以拾荒為生，有日落雨落到狗屎咁，佢咁啱經過一處暗巷，見到有隻半死既狗仔訓左係到，正所謂香肉滾一滾，神仙都企唔穩，本來個流浪漢就諗住食得唔好徏，嗒鬼左佢，點知正想落手之際，隻狗仔臨死前反咬佢一口，可能係中左瘋狗症都未定，從此個人就變得瘋瘋癲癲，時而亢奮，五感仲變得異常敏銳，身手仲變到好到不得了，勁過華秀隻狗.....
無耐之後，又一次落狗屎，死左隻狗仔既女主人就係D橫街窄巷中好努力咁搵狗，好衰唔衰，唔知係唔係因為濕身誘惑就比附近既色魔睇中左，差D就要被強姦既時候，剛好係附近執緊垃圾既狗男腦中突然閃過狗仔主人既危險信息，不由自主咁狗衝去現場，唔衝由自何，一衝到去見到條女暈左比色魔撳低係地，即刻眼火爆，就大叫：「你老味丫，係我個場搞事」，說是遲那時快，一叫完就即刻撲埋個色魔到，好似天狗下凡咁，三兩下手勢就砌低左個色魔哪。
危機過後，狗男就行埋條女到睇下情況點啦，見佢暈左就整醒佢，就係條女醒返矇矇矓之際，見到眼前披頭散髮之下，有個尖牙利齒，半人半狗樣既人，條女即刻嚇到屎都飆埋，花容失色又暈鬼左哪，從此狗男傳說就不逕而走，每逢有色魔作案，一聽到「你老味」就知道狗男出沒，警惡徵奸，後來輾轉有同狗男傾過偈既街坊傳返出黎就話狗男其實係流浪漢黎既，成日周圍執野食，於是有D街坊自發咁係D街角土地供廟既地方呢就比多D供品，旁邊就留張字條寫住：「狗男大哥請便。」
可能係狗男見D街坊咁支持，知恩圖報啦，所以打色魔又更落力，幾年間足跡遍佈港九新界多處，狗男既大名一時無兩，甚至有時D街坊笠水唔敢出手，就會學狗男口頭襌大叫「你老味」隨後扮狗吠多兩聲，竟然都嚇得走D色魔，久而久之，夜晚一聽到「你老味」，附近D街坊都會吹雞出來對付色魔。全城就係狗男一句「你老味」之下，得享平安，風化案大幅減小。
又過左幾年，一次打完8號風球之後啦，有人係某處山邊發現一具衣衫襤褸，人身狗面，尖牙利爪既男屍，初步就懷疑係瘋狗症病人病發至死，到場既警員都懷疑死者係狗男，據聞當時督察就警戒D下屬先唔好將狗男死訊放出去，之後經過指紋對比，證實死者確係傳說中既狗男，但就連法醫都解釋唔到一個瘋狗症患者點解體質會變得咁特殊，頭腦還能保持清醒一直維持治安，一切都似係奇蹟。後來警方高層商討之後呢，決定低調處理狗男既死訊，向外發報只係一名非法入境者瘋狗症發作而死。從此狗男就真正成為傳說。
狗男雖死，但係萬家燈火之下，每逢有街坊聽到有人大叫「你老味」，心中既狗男之魂就會甦醒，為社會敬惡徵奸。
P.S. 這本是給自己寫小說的初步文案，怎料寫得太詳細，反倒沒有動力寫成小說，所以就稍微改一下變成這種第三方敍事模式，好像還有些閱讀的價值罷，改寫時總覺得，其實用粵語以一種講故佬模式去寫可能更傳神(可能寫多一個版吧)，不知怎地腦中浮現了歐錦棠先生的畫面....可能看得乜乜棠水舖太多了....(謎之星：這不是殖入式廣告!!)
