一人創業者請停一停：你唔係唔夠叻、唔夠努力，生意做唔掂，可能係你日日靠打天才波！
能夠跳出舒適區，選擇一人創業，總會有一兩樣耍家嘅招式。好多創業者就係靠呢一兩招打出一片天。事實上，根據統計，一人創業失敗率高達90%以上！點解會咁？好難一概而論。但從我接觸過嘅一人創業者之中，大部分都係靠「打天才波」，包括從前嘅我！當我面對生意危機嗰陣，先發覺到靠天才、靠即興嘅做事方式，生意真係好難做得好！要將一人公司做到大型企業嘅水準，其實係有方法㗎！
你有冇試過以下情況？- 客戶 WhatsApp 嚟問進度，你心諗：「佢係邊個？我做到邊？」
- IG 出咗幾十篇 post，但成日覺得自己「冇內容出」？
- 每日做到好攰，但總係覺得啲時間唔知用咗去邊？
- 想推一個新 idea，但忙到飛起都唔知點樣開始？
📌 你唔係懶，唔係唔夠 discipline，你只係冇一套 Operation System，你根本冇系統！
🚨 一人創業最危險嘅迷思：
「呢樣嘢我好熟」、「咁樣做會方便啲」、「我記得就得啦」、「我習慣咁樣做開㗎」、「我啱啱做完呀，仲記得」、「有時間梗係出去搵多啲客啦」
記性唔係系統。
情緒唔係計劃。
識做唔代表做得 smart。
做到嘢／做得快唔代表真係做得掂。
做得熟做得叻唔代表有生意。
一人創業最危險就係——你唔知自己係靠咩生存。
💥 無系統會點？
- 靠意志力硬撐 → 衰在撞牆式崩潰
- 靠零碎工具補救 → 衰在散亂無法 scale up
- 靠自己腦記晒 → 衰在答錯客、交錯貨、甩轆漏招、唔專業
你唔係唔夠叻，只係你根本唔知道「叻」唔等於「做得長」。
✅ 有系統會點？
你每日打開電腦，Notion 主控板一睇就知：
- 今日要做邊啲、邊啲最緊急、邊啲可以排後
- 客戶進度一目了然、收款情況清清楚楚
- 所有內容都有紀錄、有日期、有再用價值
- 報價單即搵即有、資源隨手可得、流程全部有案可循
🔁 系統唔係要你變機械化，而係令你喺自由落體時都唔會粉身碎骨。
🧱 行動指南：建立屬於你嘅一人營運系統（Operation System）
3 步打好底：
🟢 1. 建立一個 Notion 主控板
打開一頁就睇晒今日任務、客戶交付、內容排程、重要連結
- 用 database 整理任務，filter 今日同今週嘅優先項目
- 設立 Toggle 區收納常用工具（Zoom、付款連結、linktree）
- 加一句「每日自我提示」，保持最佳狀態
🟡 2. 為每個流程做個 Mini SOP
唔使寫好長，寫得出「你點做」就夠。
- 例子：Client onboarding
- 收 form → 2. Book call → 3. 發報價單 → 4. 收款 → 5. 預約 kick-off
- 每次交付流程都一致，唔再臨時估估下
🔴 3. 內容要有系統記錄
今日出咗咩？舊 post 可唔可以重用？受眾回應邊句最強？
- 建立一個 Content Table，分欄：標題／平台／類型／狀態／反應
- 每月做一次內容回顧，保留精華、刪走冇用嘅
🧠 一句真心話：
冇系統，就係你最大嘅創業對手。
做 content 唔難，持續做先難。
搵客唔難，穩定交到貨畀客先難。
做 project 唔難，記得做過啲乜先難。
🚀 如果你真係想變得穩陣、有序、有 scale up 可能
🔹 建立你第一個 Operation System
🔹 唔使好靚，只要你會開、會用、日日會打開就得
🔹 唔使貪多，每日改善一格，你下星期已經同而家唔同晒
👋 想要我幫你設計一套 一人創業 Notion 操作板模板？
或者開個線上 Zoom 小班，一齊即場搭建？
留言「我要系統」，我 send 番比你。
—
我係 Kevin，一人創業者，呢個係我嘅《👽創業星人》系列📝。每日我會分享我嘅創業心得同埋挑戰，希望可以同大家一齊行，一齊玩，一齊成長。
