3. o mapapaliw 互助與換工
[阿美語]
I niyaro' no Pangcah, o tadamaanay a demak ko "mapapaliw" hananay, o masasipadang a matayal sanay ko mapapaliw. Ano mipanay aca, anca misaloma', caay ko mamalaheci no cecay a tamdaw, saka, tayni a maemin ko laloma'an, o salikaka, o widang i niyaro' a mipadang.
"Wata! ka'aloman kita!" saan ko pakarongay. Mahapinang ko nikaolah i kapapaliw, caay pi'palifon to payso, caay pisa'osi to 'aca no roray. Orasaka, o olah saca ko sapalifon, onian a "mapapadangay" a faloco' no finawlan, o sapicoker a parana'an no niyaro'.
Yo kalahokan, ta, malacecay a komaen ko 'alomanay, pateli han i pa'enan kora hakhak ato siraw a taheka. "Komaento kita!" saan ko mato'asay, ta, masaso’araw’araw ko mata no finawlan, maemin a malipahak a matawa. Ano mati:ni ko orip, awaawa aca ko pakoyocay ato ya kaacekan a tamdaw. Saka, o mapapaliw hananay, o sapatoror to ‘icel no karikec no niyaro', o piahowid no mita i malinaay, i tini i nipipadang saan kiyami.
[中文]
在阿美族部落，「換工」是非常重要的事，換工就是互相幫忙工作。無論是收割稻子，還是蓋房子，不是一個人能完成的，所以親戚、兄弟姊妹、部落的朋友，全都會來幫忙。
「哇！我們人好多！」年輕人這樣說。愛心在換工中顯露無遺，不須付錢，不計算勞苦的代價。因此，愛就是報酬，族人們這樣「互相幫忙」的心，是支撐部落的基石。
午餐時，眾人則是聚在一起吃，把那個糯米飯和醃肉的餐食放在地板上（大家席地而坐）。長輩說：「我們吃飯吧！」，然後，族人的眼神彼此交會，全部都開心的笑。如果生活是這樣，就沒有窮人和令人討厭的人。因此，換工，是增強部落團結的力量，我們對親族的感恩，不就是在這份幫助之中嗎。
