《#性別傳紙仔》 - 最好的前戲？

撰文// 馬天娜

而家以情、性、愛為題的渠道越來越多，情慾自主呢個議題好似越嚟越普遍。大家睇咗咁多posts、聽左咁多之後，會唔會仲係有一個疑問：到底我要點實行呢？

每個人都有自己嘅偏好，有人喜歡緩慢鋪墊，有人追求火辣猛攻；有人鍾意香氛輔助，有人鍾意言語刺激。「前戲好重要」大家都聽唔少，因為一開始準備充足，對於接住落嚟嘅活動，以及整體觀感都有決定性的作用。

但係重要還重要，大家記住要有前戲嘅時候，可能會忽略咗雙方表達情感嘅方法可能唔同。當你希望可以為對方帶來新鮮感，係咁上網搵有啲乜嘢新攪作嘅時候，前戲就有可能為存在而存在。無論你哋有幾多共同興趣、生活方式幾夾，每一個人都係唔同，而表達情感嘅方法，說話同肢體語言好難好似寫履歷咁present出嚟。

所以要將你哋嘅情感語言表達出嚟，最直接嘅方法，就係融入係前戲裏面。

加里·查普曼（Gary Chapman）推出左一套叫做「愛的語言」嘅框架，當中有五大類型，可以比大家參考吓，研究出一套最適合你哋互動嘅前戲模式。

呢類朋友喜歡直接打字或者將讚賞嘅說話講出嚟。既然而家有咁多通訊軟件，相信難唔到大家啦。

對於呢類人黎講，基本上隨時都可以開始turn on前戲。你可以試吓一步步send message，形容你點喜歡佢嘅打扮，從基本一級「你有幾喜歡佢的香水味」、二級「你眼中的佢有幾性感」，以致第三級「你有幾想食佢」（3級以上歡迎腦補XD）。如果擔心影響到佢工作，可以係佢比較得閒嘅時候先同佢講。

簡單啲來講就係自動波幫手獻殷勤。呢一類人其實唔會主動請你去幫忙，但係只要你觀察得到佢平時嘅習慣，從中幫下手，就肯定會加分。例如你知道佢今日出咗一日街返到嚟好攰，就已經做好晒家務、準備好之後食嘅嘢，甚至直接帶佢去staycation、做佢90分鐘私人按摩師，呢啲就已經係鋪陳前戲，或者係建立良好親密互動嘅方法。

唔係要你下下都送個名牌、新性玩具或情趣內衣先叫「送禮物」，而係透過一啲小物件，去令到對方知道你哋成日記掛着對方。留意吓對方平時日常會用到嘅物件會唔會有一啲就嚟爛或者用晒，主動送上佢哋用得着嘅嘢，裏面放張咭仔，點都會令佢對你加多幾個❤️❤️！

簡單啲來講，就係真正陪伴嘅時間。如果你知道對方嘅行程係點嘅話，睇下可唔可以喺佢嘅工作以外嘅時間，搵出一個可以百分百陪伴，不受任何message、notification干擾嘅時間。可能係攤係張床度互相擁抱，或者係靜靜行下一啲你哋好耐冇行過嘅地方，總之就係將你嘅心神放喺你哋嘅互動上面，令到佢知道雖然各自可能有自己嘅作息時間，但係都會有一齊親密嘅一刻。

呢一種嘅接觸唔係話即刻除晒衫就埋牙上陣，而係從生活上一啲不經意嘅皮膚接觸，慢慢增加雙方嘅情感交流。例如嘗試維持一個錫下佢嘴唇以外位置嘅習慣，或者幫佢整理下頭髮、衣領、手袖之類，總之多啲肌膚嘅撫摸，都可以令到佢嘅安全感大增，鋪墊你哋日後嘅前戲。

如果臨到啪啪先叫對方形容自己「愛的語言」係點樣，成件事會變得勁off同尷尬。

與其有任何嘅假設、睇曬D 教學post之後仲要估估下，倒不如多觀察對方的喜怒、想像從對方嘅角度自己係點樣表達，可能幫到你推斷到你哋之間最舒服、最享受嘅性愛give and take。

以上內容概念來自Ada Ciuca的文章（https://swell.damewellness.co/the-best-foreplay-to-match-your-love-language/），並按照篇幅作改動。@dameproducts （網站）

書籍：《愛之語(兩性溝通的雙贏策略)》（The Five Love Languages: How to Express Heartfelt Commitment to Your Mate）

「找到自己的愛之語」測驗：https://www.stepfam.org.hk/zh-hant/page6/sub/1/