我把車貸電話變推廣台語-第1集

（某天下午接到車貸推銷電話....）

⁣

推銷：(華語)你好，這裡是裕Ｘ貸款，我們目前有新的貸款方案...⁣

阿東：你好，請問你敢會使講台語？⁣

⁣

推銷：好，我是講...阮...有新的貸款的方案...（切換台語頻道start）⁣

推銷：請問你這馬...敢有咧駛車？⁣

阿東：我目前無車通好駛。⁣

推銷：按呢，你敢有咧騎oo-tóo-bái？⁣

阿東：我有喔，我攏騎oo-tóo-bái去上班。⁣

推銷：是啥物牌子？是買幾冬的？⁣

阿東：我今買三四個月爾。⁣

推銷：ha̋nn，按呢是2021喔？⁣

（接下來問了信用卡使用習慣、是否有車貸房貸等...）⁣

⁣

推銷：請問大哥你是咧做啥物工課的？⁣

阿東：我佇國校仔咧教台語。⁣

推銷：喔！！老師好！歹勢，我的台語無啥好。⁣

阿東：袂啊，你的台語講甲真好啊！⁣

推銷：無啦～我佇高雄出世，這馬蹛嘉義，阮兜攏講台語，只是我台語無啥會曉講。⁣

阿東：你定定講就會進步啊！而且你若是會曉講台語，你會使接觸著閣較濟的人客喔！⁣

⁣

推銷：我知影！毋過我感覺學台語上大的困擾就是無字通寫...⁣

阿東：台語有字會當寫喔！台語課本所寫的就是台文，而且台語嘛有辭典...⁣

推銷：我敢若知影，毋過台語所有的音攏有漢字會當寫？⁣

阿東：無一定，大部分有漢字通寫，毋過，若是外來詞就無一定。⁣

推銷：我知我知！像kha̋ng-páng、loo-lài-bà、sap-bûn....⁣

阿東：無毋著，你真厲害！毋過，sap-bûn一般會使用寫作雪文喔...⁣

推銷：按呢，我想欲問「草莓」台語欲按怎講？⁣

阿東：你會使講tsháu-m̂，抑是刺泡。⁣

推銷：按呢我學起來！⁣

推銷：我咧想我自細漢會講台語，毋過看著我表弟課本的台文，煞看無啥有，感覺真特別。⁣

阿東：是啊！這真正常喔，因為咱較早無特別學過這个工具，所以看無是正常的。⁣

⁣

推銷：按呢，我這馬我會使按怎學台語啊？⁣

阿東：其實網路有誠濟資源、影片，你嘛會使看公視台語台...⁣

推銷：好，按呢我知影矣！多謝你。⁣

推銷：對了，我可以留你的電話，待會傳訊息給你我們的貸款方案嗎?⁣

阿東：我目前無需要，多謝你。⁣

推銷：好，無要緊！今仔日真多謝你～～⁣

阿東：免客氣，你台語講了真好，再會！⁣

⁣

【阿東感想】

　　我們大概台語對話了6-7分鐘，這位推銷女子聲音聽起來大約24-30歲，很開心可以聽到推銷員流利程度還算不錯的台語！過去每通貸款、信用卡、理財、詐騙等電話，我都嘗試用台語發問，但大概只有1成可以用台語回覆兩三句，其他大多都是自我放棄掛掉、勉強擠出一句、或是假裝訊號不穩（這個雖然很扯，但這種真的很多，但都演得不好）。⁣

　　所以請各位如果心有餘力，可以多用母語回覆這些電話，也許有機會引導、鼓勵到這些人們，也許默默發揮你自己的影響力！⁣

　　也請擔任貸款、信用卡、理財、詐騙等推銷客服人員，要開始學著用自己母語/本土語言，也許能拓展更多的客源 (?⁣

【後記】

呃......當天晚上阿東接到今天的第二通！

業務：你好，我們是 X塩生技，我們要寄給你免費的試用產品...

阿東：歹勢，請問你敢會使講台語？

業務：無問題！阮有免費的保健食品欲寄予你，請問先生你這馬敢有超過35歲？

阿東：我這馬25歲。

業務：好，按呢十年後，阿姨...毋是...是阿姐十年後才敲予你！

阿東：好，再會！

＃不是啊25歲就不能吃保健食品嗎

＃今天真是幸運 ＃兩通推銷電話都能講台語