比個故仔你睇下到底係啲老師父串，定啲僆仔唔乖？

香港編程學會疑遭駭客入侵　會員聯絡方式等資料外洩

https://www.i-cable.com/%E6%96%B0%E8%81%9E%E8%B3%87%E8%A8%8A/270273/%E9%A6%99%E6%B8%AF%E7%B7%A8%E7%A8%8B%E5%AD%B8%E6%9C%83%E7%96%91%E9%81%AD%E9%A7%AD%E5%AE%A2%E5%85%A5%E4%BE%B5-%E6%9C%83%E5%93%A1%E8%81%AF%E7%B5%A1%E6%96%B9%E5%BC%8F%E7%AD%89%E8%B3%87%E6%96%99

從呢單野，80後阿叔諗起個故仔可以分享下，

其實阿叔開始係做裝修雜工出身，應該係香港最後一代無經建造業的學師學徒，後來的都去晒建造業訓練局，後來先讀CS。

咁比個故仔你睇下到底係啲老師父串，定啲僆仔唔乖？

話說有個學泥水，向建造業出來的學徒計劃，大師父叫佢幫手搬磚搬水泥，佢話佢來係學野，唔係搬磚。

OK fine!

大師父就話：啊～咁呀，咁比你去批好個廚房既牆佢啦～

第二日返來，師父就叫佢自己攞條木方同平水呎去度下點貼磚。

如果你對泥水有認識都知乜後果啦。咁有冇得補救？緊係無啦！你以為真係少少凹凸咁少事咩？

咁點算？師父叫佢自己打返晒層批盪出來，未打完唔好收工～

叫你搬磚，一來係真係要人幫手，比你來學師你以為真係返學咁爽？有氣有力後生仔，緊係要搬多啲先大隻啲。同時係，個過程之中，學下啲野向工場點放，唔會阻住自己做野，阻住其他人做野。呢樣野，點執好個場，幾時都係同做野同樣重要。

引用返篇舊文放個屁先，順便賣個廣告，想睇下30年IT經驗既阿叔有乜屁放，記得follow阿叔的Page同方格子 :D

June 17 ·

見到呢排啲Post，真係行外到嚇死人。啲人個個覺得IT好做學寫Code想入行，好唔好做唔係呢篇主題，我係想講入行呢個問題，入行應該學乜野？

你一定以為學寫算法呀，最好越難的lang越好，又識埋Docker又識埋DB乜都識，搵工實無死，仲唔搵十萬一個月？

阿叔同你講，又嘴藐藐，我唔理得你係真係勁到上天，定係用GPT剪剪埋埋行到就算，呢啲都唔係問題，就好似以前學師學做電工咁，駁三條電線邊個唔識？攞牌考試你上下雞精堂就過到架啦。咁做乜要跟住師父三年做佢契弟？學安全呀，係學安全，見到未？係學下點樣安全咁做野。

點解要讀CS，要讀Engineering科？你以為因為要學數學，學寫Code，最重要果科，叫Code of Ethics，呢個 Code字同寫Code就無直接關係既，我唔係要誇大乜野根正苖紅，你要入行，其實唔入行都要應該要有呢個意識，成班友向度話Open source寫個Bot去搶球場，又話要Filter廣告。電腦軟件層面唔會電死人，但呢啲關乎好多法律協議既野，都遠比點寫Code重要，係咪又要話阿叔官僚？咁你成班犯晒法然後比人攞左搜查令上門咪知囉～

https://www.facebook.com/groups/hongkongprogrammingsociety/posts/1167278274462586/