唔知你有冇見過有啲IT人，電腦一出事打去help desk，佢來到乜都無做啲機就聽聽話話正常返晒，咁呢條友屬水可能性會較大，天生做呢行會做得好。
最黑果一日無啦啦比老細鬧（入左來呢度大半年第一次），連公司Notebook Server 一齊出事都唔止，遲左收工返到狗屋連冷氣都壞埋，其實住多個零月都搬，咁都唔比我抖下。咁你問我間狗屋有其他冷氣機，係無既，因為太細，本來就係住住先，點知都玩左成年，咪話左遲下就搬囉。
整唔整到係另一回事，發現問題的能力係半天生既。
好，一樣樣來，插蘇，無燒FUSE。無計，太熱，一係返上水訓，一係拆開睇下救唔救到。直覺話我知，壓縮機係無壞既，因為完全無電咁款。
唔駛問，緊係拆左先講啦。220V有入，大電容外觀完好。
不過件野大陸機好流，塊Control板，有個線圈降壓，個電容疑似爆左，希望係咁。頂，唔係卦 ７８０５？！ 學生習作來架？
度一度電子開關掣，2.5V?? 無理由?有古怪。
咁先Check個線圈有冇降壓輸出，咁唯有先Isolate 晒所有Loading，用𠝹刀向板上𠝹斷線路。度到有，即未壞。
咁再收細範圍，電容後面，無，唔知出乜，跳跳下。
突然醒悟，ＦＸＸＫ，半波整流！唔係咁慳水呀？！
70u 電容，無向手，100u左右都無，要返上水先有。唔得，太熱，要解決。理論上搵個5V輸入係得。
USB充，開關電源，又好似唔太好，而且都無線駁。
無計，搵個12V 入返7805前面，搵晒全屋都無火牛，都唔係，上網Router果個就係，上網同冷氣，你會點揀？緊係剪左佢先算啦！
仲要飛多條線。好在有卷線。搞掂再度下，有5V輸出啦!
砌返佢開機，開到機呀！好感動，果晚可以訓到。
咁部冷氣從此就要有兩個插插蘇。唔埋啦，已經用左個幾Week，捱埋呢個零月新屋買過部新既。
～完～
