方格精選

當首爾仍是叫漢城的那些年(廿陸)

更新於 發佈於 閱讀時間約 8 分鐘
raw-image

秋夕,即係中秋節,係韓國嘅第二大節日;第一大就係農曆新年。由於節日嘅重要性,所以秋夕喺韓國有三日公眾假期(很想要吧?)。假期嘅首日,好多漢城居民,都會攜同家眷,一齊返到鄉下,同長輩團圓。漢城嘅交通樞紐喺秋夕假期都係重災區;相反,平日熙來攘往嘅旺區,喺秋夕假期都會比較清閒。

每逢大時大節,韓國人都喜歡穿著傳統韓服回鄉省親,漢城周街古裝人。女仔著韓服我冇乜意見,因為套衫真係幾靚,類 Empire Silhouette 嘅 cutting 乜都唔好講,起碼收埋咗條粗腰同個胃腩;但男裝韓服呢?好抱歉,點著都係似仵作或者壽衣。每次見到韓服男,我都不其然諗起「破地獄」。

呢啲傳統節日,對喺韓國工作嘅外國人嚟講,都係一場惡夢。因為孤兒仔冇人理之餘,分分鐘連食開三餐嘅飯堂都關門大吉,假期嘅三餐唔係老麥就男人 KFC,再唔係就便利店;份外凄涼。

一年容易又中秋,今年我又戇鳩鳩。


秋夕假期前夕,星期六。

長假,頭搭尾有五日,宿舍照例水盡鵝飛,又係得返我一個。上次暑假都仲話有 Colette 嘅 surprise,今次 Cinderella 彈盡糧絕,變返量緊地嘅灰姑娘,我唯有一個人喺屋企食自己。

點解我啲同事個個都咁多節目,而我就得返一個人食自己呢?我真係要好好反省吓,點解有啲人冇女都咁精彩,點解我有女都咁冷冷清清淒淒慘慘戚戚。

跑完步,去 Lawson 食完個棟篤企早餐,買咗份報紙同一杯巨型咖啡返宿舍,然後我已經唔知做乜好。望吓個鐘,八點九,唉……

與其冇嘢做又瞓返咁磋跎歲月,我決定寫信俾 Colette。係,我哋仲有保持寫信呢個既古老又浪漫嘅習慣,大約兩星期一封,而家寫時間啱啱好。其實當年 Cyrano de Bergerac 啲文筆,究竟係咪寫情信練返嚟嘅呢?(大誤)

寫情信對我嚟講,其實係好大鑊嘅事。因為情信要寫得好,需要用上巨量嘅形容詞、形容句、俳句、甚至詩;偏偏我多年嘅訓練,係要用 plain English 寫嘢,兩句講得完嘅嘢,千其唔好用第三句。

再加上我文學根基甚淺,拜倫、雪萊、濟慈,佢哋識我多過我識佢哋。連莎翁嗰堆十四行詩,我都唔知背唔背到兩首;既唔識吟又唔識偷,點算?

Only my plague thus far I count my gain,
That she that makes me sin awards me pain.

正當我幻想緊自己係大鼻子情聖、努力咁用墨水筆將我啲醫生級鬼畫符英文盡量寫得靚啲之際,電話響起。除咗 Colette 仲有邊個會咁早吖!

Bonjour, mademoiselle!」 我以略帶性感嘅磁性聲線接電話。

Bonjour, monsieur 蠢蛋!」手機傳來嘅,係 Chloe 亢奮嘅聲音,估唔到佢都識兩句法文。「做咩講法文呀?悶到傻咗呀?孤獨老人喺屋企悶到生晒蜘蛛網同蘑菇未呢?」佢嘅想像力喺咪 over 咗少少?

「你好叻咩?你有人約就唔使晨早九點搵我啦!」唔知點解,我串佢嗰陣好舒適自在,其實佢可能真係會嬲都未定。

「咁好啦,我去約其他人喇!Au revoir!」Chloe 聲似發晦氣。

「咪咪咪咪咪住!」我玩 show hand 的話一定會輸死。「講吓笑啫,你冇咁易嬲㗎?」

「哈!睇你表現啦!」Chloe 哈得好高 key。「咁孤獨老人今日想唔想出街呀?」

「想!想!」家陣有個超模級數嘅靚女約我去街,唔買都埋嚟睇吓啦下話!

「咁兩個鐘頭後漢城驛(即係今日嘅首爾驛서울역隔離嗰座舊車站)見啦!Bye!」Chloe 冇等我俾反應就收咗線。佢知我住喺南澳以南汕尾以南,兩個鐘應該係為咗就我。

成就解鎖!Chloe 約我去街,我願望達成喇!

raw-image

雖然,係呢個 moment 我真係仲興奮過扯旗,但係僅餘嘅理智同我講,唔好俾勝利沖昏頭腦,我有更重要嘅嘢去做。

我要撚吓個樣(係「撚吓個樣」,唔係「撚樣」)、執吓個 look。

我喺衣櫃搵返件 Polo 白色牛津紡恤衫,搵返條年幾年前買咗成六舊水美金、俾 Colette 哦咗幾日、如假包換嘅古著 Big E 501XX,然後極速開燙斗燙衫。再襯埋對 Red Wings 8875、Gucci 方 G 皮帶、加副 Yohji Yamamoto 嘅太陽眼鏡;唔,就係咁喇。

Selvedge 古著、Red Wings、古董表,呢啲先至係男人的浪漫;女人唔會明㗎喇。

我望住全身鏡裏面嘅長髮型男(妖你哋由我啦!),我非常滿意自己嘅選擇。


去到漢城站,大堂雖然多人,但以 Chloe 嘅高度,我好快就搵到佢。當我哋行到距離對方約十呎嘅時候,大家都不約而同笑咗出嚟。

我眼前嘅 Chloe 仍然係淡掃蛾眉,著住白色牛津紡恤衫、藍色牛仔褲、Gucci 皮帶、Timberland 狗牙底帆船鞋。我哋係冇約定嘅情況下,著埋一式一樣嘅衫褲。

呢種 look,學名叫「情侶裝」。

Chloe 行埋嚟,有少少撒嬌咁問我:「你做乜跟我著衫呀?你偷睇我揀衫呀?」

「唔俾係你跟我著衫㗎?我住得遠,早換衫過你。」我夠瞓夠咖啡因嗰陣,其實都可以幾快反應。

Chloe 冇答我,凈係做咗個鬼臉。

「行啦,帶你去仁川。」Chloe 示意起程,於是我哋一齊行落月台搭去仁川嘅1號線。可能係我哋兩個嘅高度,再加上「情侶裝」嘅關係,我哋嘅「吸睛」指數,唔會少得過我拖住 Colette 招搖過市。

由見面嘅一刻,到行到落月台呢幾分鐘,我對 Chloe 嘅初步觀感係:第一,佢真係好高,我好似從來未試過同個咁高嘅女仔出街;好處係,我唔使再頭耷耷咁講嘢。

第二,佢有個小習慣,就係行嗰陣,會用手指拈住我近手臂位衫袖,只係拈住少少,好似驚會盪失路咁。

第三樣嘢就係 Chanel №19。其實唔係第一次,每次見到 Chloe,包括俾佢撞到黐肺嗰次,我都聞到淡淡嘅 Chanel №19 味道。

我對女人香水嘅認知,係來自我個「好朋友」、Colette 個宿敵 Erika 嘅訓練。Erika 認為,一個男仔要對女性有適當嘅敏感度先夠 charm,首先就要從女性嘅衣飾同香水入手;而 Chanel №19 就係當年 Erika 最愛嘅香水。經 Erika 嘅訓練,我應該係地球上少數識得分 Eau de toilette, Eau de Cologne, Parfum, top note, heart note, base note 嘅直男之一。

當然,Erika 嘅訓練同時亦都包括點樣單手解前後 bra 扣、french kiss、愛撫同 G 點之類嘅「慾女心經」,如果唔係 Colette 點會見佢前面憎佢後面……

點解我又會無啦啦魂遊四方、諗起 Erika?因為我每逢遇上女人問題嗰陣,Erika 就係我嘅大英百科。而家,我好需要 Erika 即刻出現喺我面前。

因為我唔係好識點樣去 handle 我身邊嘅 Chloe;應該係話,我唔係好識 handle 任何 Colette 以外嘅女性。

原來,除咗 Erika 同 Colette,我係未 date 過任何其他女性㗎!

(待續)

留言
avatar-img
留言分享你的想法!
avatar-img
IF的沙龍
35會員
111內容數
時間係1997年5月中,剛剛完成學業嘅我身在華盛頓,正在考量緊我嘅未來。我可以選擇留喺美國發展,我internship嘅老細(即係美國政府)同我有共識,我畢業後可以留喺政府工作。或者我可以選擇出去闖一闖,見識吓呢個世界。當年仲係年青嘅我選擇咗後者,因為我覺得我仲未需要搵一份工困住自己......
IF的沙龍的其他內容
2021/04/20
親愛嘅小美、내 아내: 呢封信雖然係寫俾你嘅,但同時地,亦都係一封公開信 — 喺㗎,而家好多人識你㗎喇!所以,麻煩你著返件靚衫、化好個妝、然後乖乖哋坐定、聽我訓話。
Thumbnail
2021/04/20
親愛嘅小美、내 아내: 呢封信雖然係寫俾你嘅,但同時地,亦都係一封公開信 — 喺㗎,而家好多人識你㗎喇!所以,麻煩你著返件靚衫、化好個妝、然後乖乖哋坐定、聽我訓話。
Thumbnail
2021/04/16
(今日,你同我天各一方,你有你嘅生活,我繼續我嘅忙碌。但假如有一日,我哋真係喺路上面偶然咁撞到;我哋會點下頭,問候一下,然後已經唔知講乜嘢好。因為你會發現,我已經改變;正如我可能唔再認識你。但係,咁其實又有乜嘢關係呢?我只係知道,喺呢一剎那,我係想念你。)
Thumbnail
2021/04/16
(今日,你同我天各一方,你有你嘅生活,我繼續我嘅忙碌。但假如有一日,我哋真係喺路上面偶然咁撞到;我哋會點下頭,問候一下,然後已經唔知講乜嘢好。因為你會發現,我已經改變;正如我可能唔再認識你。但係,咁其實又有乜嘢關係呢?我只係知道,喺呢一剎那,我係想念你。)
Thumbnail
2021/04/13
1997 年 6 月中,華盛頓 K 街某 greasy spoon 餐廳。 Greasy spoon,泛指一啲老式、專賣煎炸肥膩食物、如巨型 corned beef 三文治、漢堡飽之類嘅餐廳;亦係我同 Colette 繼 pizza 以外嘅最愛。
Thumbnail
2021/04/13
1997 年 6 月中,華盛頓 K 街某 greasy spoon 餐廳。 Greasy spoon,泛指一啲老式、專賣煎炸肥膩食物、如巨型 corned beef 三文治、漢堡飽之類嘅餐廳;亦係我同 Colette 繼 pizza 以外嘅最愛。
Thumbnail
看更多
你可能也想看
Thumbnail
家中修繕或裝潢想要找各種小零件時,直接上網採買可以省去不少煩惱~看看Sylvia這回為了工地買了些什麼吧~
Thumbnail
家中修繕或裝潢想要找各種小零件時,直接上網採買可以省去不少煩惱~看看Sylvia這回為了工地買了些什麼吧~
Thumbnail
👜簡單生活,從整理包包開始!我的三款愛用包+隨身小物清單開箱,一起來看看我每天都帶些什麼吧🌿✨
Thumbnail
👜簡單生活,從整理包包開始!我的三款愛用包+隨身小物清單開箱,一起來看看我每天都帶些什麼吧🌿✨
Thumbnail
創作者營運專員/經理(Operations Specialist/Manager)將負責對平台成長及收入至關重要的 Partnership 夥伴創作者開發及營運。你將發揮對知識與內容變現、影響力變現的精準判斷力,找到你心中的潛力新星或有聲量的中大型創作者加入 vocus。
Thumbnail
創作者營運專員/經理(Operations Specialist/Manager)將負責對平台成長及收入至關重要的 Partnership 夥伴創作者開發及營運。你將發揮對知識與內容變現、影響力變現的精準判斷力,找到你心中的潛力新星或有聲量的中大型創作者加入 vocus。
Thumbnail
Chloe 의 童夢 이루어집니다 喺一段正常嘅感情生活入面,理論上,我哋每日無時無刻,都係愛緊同一個人。所以理論上,應該日日都係情人節。
Thumbnail
Chloe 의 童夢 이루어집니다 喺一段正常嘅感情生活入面,理論上,我哋每日無時無刻,都係愛緊同一個人。所以理論上,應該日日都係情人節。
Thumbnail
人生,係一段充滿未知之數嘅歷程;正因為呢種「未可預期」嘅特性,令到人生充滿趣味。 幾個月前,我仲係同 Colette 如膠似漆咁喺漢城遊歷;如今,伴隨喺我身邊嘅已經變為 Chloe。地方冇變,變嘅係人。
Thumbnail
人生,係一段充滿未知之數嘅歷程;正因為呢種「未可預期」嘅特性,令到人生充滿趣味。 幾個月前,我仲係同 Colette 如膠似漆咁喺漢城遊歷;如今,伴隨喺我身邊嘅已經變為 Chloe。地方冇變,變嘅係人。
Thumbnail
究竟一對情侶,點樣先算正式喺埋一齊呢?拍拖唔同結婚,冇一個官方儀式俾你去公佈戀情。但呢點都唔係問題,因為拍拖點講都好,都係你兩個人之間嘅事;你公佈與否,其實對戀情無重大影響。
Thumbnail
究竟一對情侶,點樣先算正式喺埋一齊呢?拍拖唔同結婚,冇一個官方儀式俾你去公佈戀情。但呢點都唔係問題,因為拍拖點講都好,都係你兩個人之間嘅事;你公佈與否,其實對戀情無重大影響。
Thumbnail
上世紀九十年代嘅南韓,對香港人嚟講,係個半神祕國度。香港人對日本嘅喜愛程度毋庸置疑,但係對與日本一海之隔嘅南韓,則仍然處於「新相識」、「唔係好熟」嘅階段。
Thumbnail
上世紀九十年代嘅南韓,對香港人嚟講,係個半神祕國度。香港人對日本嘅喜愛程度毋庸置疑,但係對與日本一海之隔嘅南韓,則仍然處於「新相識」、「唔係好熟」嘅階段。
Thumbnail
喺知道自己有機會嚟韓國教書嗰陣,我已經喺腦海中預演過所有會發生嘅情境;只不過,預演還預演,無論我點預演都好,我點都估計唔到,我眼前即將發生嘅事。 呢個故事,又名《Chloe 廿四小時》。
Thumbnail
喺知道自己有機會嚟韓國教書嗰陣,我已經喺腦海中預演過所有會發生嘅情境;只不過,預演還預演,無論我點預演都好,我點都估計唔到,我眼前即將發生嘅事。 呢個故事,又名《Chloe 廿四小時》。
Thumbnail
生活係公平嘅。我唔係話每個人嘅生活都一樣,所以公平。我係話,無論你嘅生活係風流快活、寫意非常,定係好似我呢幾日咁如坐針氈,生活都一樣繼續如常,唔會因為你嘅任何情緒狀態而稍作停留。
Thumbnail
生活係公平嘅。我唔係話每個人嘅生活都一樣,所以公平。我係話,無論你嘅生活係風流快活、寫意非常,定係好似我呢幾日咁如坐針氈,生活都一樣繼續如常,唔會因為你嘅任何情緒狀態而稍作停留。
Thumbnail
同日晚上,地鐵 3 號線往一山方向。 我個軀殼坐咗係地鐵車廂入面,個靈魂留低咗喺狎鷗亭洞,個腦就不停咁 loop 住 Chloe 錫我一啖嗰個情景,仲要係日劇式嗰隻慢鏡加 softer 咁。
Thumbnail
同日晚上,地鐵 3 號線往一山方向。 我個軀殼坐咗係地鐵車廂入面,個靈魂留低咗喺狎鷗亭洞,個腦就不停咁 loop 住 Chloe 錫我一啖嗰個情景,仲要係日劇式嗰隻慢鏡加 softer 咁。
Thumbnail
秋夕,即係中秋節,係韓國嘅第二大節日;第一大就係農曆新年。由於節日嘅重要性,所以秋夕喺韓國有三日公眾假期(很想要吧?)。假期嘅首日,好多漢城居民,都會攜同家眷,一齊返到鄉下,同長輩團圓。漢城嘅交通樞紐喺秋夕假期都係重災區;相反,平日熙來攘往嘅旺區,喺秋夕假期都會比較清閒。
Thumbnail
秋夕,即係中秋節,係韓國嘅第二大節日;第一大就係農曆新年。由於節日嘅重要性,所以秋夕喺韓國有三日公眾假期(很想要吧?)。假期嘅首日,好多漢城居民,都會攜同家眷,一齊返到鄉下,同長輩團圓。漢城嘅交通樞紐喺秋夕假期都係重災區;相反,平日熙來攘往嘅旺區,喺秋夕假期都會比較清閒。
Thumbnail
漢城係一個東京級數嘅大城市,喺呢種過千萬人口嘅城市生活,每日都有無數嘅陌生人同你擦肩而過、來去匆匆。久而久之,你會對身邊嘅陌路人麻木晒,除非佢有某種特質去吸引你嘅視線,否則你係唔會多投一個目光。
Thumbnail
漢城係一個東京級數嘅大城市,喺呢種過千萬人口嘅城市生活,每日都有無數嘅陌生人同你擦肩而過、來去匆匆。久而久之,你會對身邊嘅陌路人麻木晒,除非佢有某種特質去吸引你嘅視線,否則你係唔會多投一個目光。
追蹤感興趣的內容從 Google News 追蹤更多 vocus 的最新精選內容追蹤 Google News