當首爾仍是叫漢城的那些年（廿捌）
更新於 2024/11/02閱讀時間約 7 分鐘
同日晚上，地鐵 3 號線往一山方向。
我個軀殼坐咗係地鐵車廂入面，個靈魂留低咗喺狎鷗亭洞，個腦就不停咁 loop 住 Chloe 錫我一啖嗰個情景，仲要係日劇式嗰隻慢鏡加 softer 咁。
喺美國生活咗好一段日子嘅我，不斷咁同自己講，呢個只不過係 goodbye kiss，係社交禮儀嘅一種，冇特別嘅意思。某港姐同「朋友」喺車上面 goodbye kiss 啜到反晒脷苔都係咁啦，Chloe 嘅輕輕一吻其實係好正常啫。
但當你要不斷咁說服自己去相信某件事情嗰陣，你個心大慨都傾向相信相反嘅嘢。問題係，我同 Chloe 只不過係見咗兩三次面，我憑乜去認為，一個女仔會喺呢兩三次嘅普通見面中，就對我產生好感？
我唔係嗰種鍾意妄自菲薄、認為自己冇可能吸引異性嘅人，我好清楚我自己嘅位置；但同時我亦好清楚，我唔係嗰啲可以令人一見鍾情嘅人。
究竟 Chloe 諗緊乜呢？我哋呢種算唔算係一種曖昧關係？
然後我發現，我又一次搭過站去咗大化；兩個星期第三次，我不如搬去大化算喇。
星期日，今日應承咗 Chloe 陪佢睇戲，我哋約咗喺鍾路附近嘅 Tower Record 門口等。為咗避免琴日嘅「情侶裝車禍」再次發生，我今日著咗件 UCLA 嘅舊衛衣；斷估 Chloe 唔會咁啱係 UCLA 交換生呀。
Chloe 今日著咗件粉藍色 argyle 冷衫、牛仔裙加 Ferragamo 嘅 loafer；我冇搵拉呎度過，但係我相信我終於見識到乜嘢係四十二吋長腿。
「蠢蛋先生，你今日做咩著校服呀？」Chloe 一見面就燒我數簿。「好掛住你個 Colette 小姐呢？」我開始後悔講咗咁多嘢俾佢聽，亦開始意識到，往後嘅日子我會有咩俾佢玩。我同自己講，唔好將呢個女仔想像得太美好。
「你諗住帶我睇咩戲呢？」我使出 Colette 嘅乾坤大挪移，轉話題。
「呢套。」佢指住一張電影海報。
當時我唔知，後來上網查返，呢套戲喺香港叫《傷心街角戀人》。主演嘅全度妍（全道嬿）係我日後最鍾意嘅韓星，我幾乎睇晒所有佢嘅戲（有冇著衫都睇）。
「唔使擔心喎，」Chloe 見我有啲猶豫。「最多我幫你翻譯吖！」佢嘅眼神有少少懇求嘅神態；老實講，我都俾佢電到三魂唔見七魄啦，仲邊識拒絕。
由於係假期，所以都排咗差唔多成十五分鐘隊先買到飛。買完飛，Chloe 話想買嘢食，於是我哋就去買嘢食。我唔知佢係未食晏定點，熱狗、朱古力、蝦條（買嚟俾我呃？）、一大桶爆谷、糖、汽水；Colette 嘅六個 pancake 早餐終於搵到對手。
佢揀完，我正想俾錢，點知佢話：「你請咗我睇戲，我請你食嘢吖！」
入到場，Chloe 唔等開場就已經開始食嘢，我諗佢真係未食晏。食完熱狗，當佢開始食朱古力嗰陣，電影開始播放。
呢個時候，Chloe 拉起咗我同佢之間嘅椅臂，將個身靠得好埋，喺我耳邊輕聲咁講：「留心聽翻譯喇。」
佢靠得好近，我隻手臂完全感受到佢嘅體溫，佢每次講解劇情嗰陣，我都可以清清楚楚咁感受到佢嘅氣息，就好似有人吹氣入我耳仔咁；當劇情開始緊湊嘅時候，佢將隻手放咗喺我手臂上面，我可以感受到佢情緒嘅起落；到臨近結尾嗰陣，從佢嘅呼吸同聲線，我估計佢係喊緊，於是我遞咗張紙巾俾佢，佢細細聲同我講咗聲「唔該」。
如果以後每次睇戲都係咁的話，我一星期陪你睇五日戲又點話。
睇完戲，我哋隨意咁喺鍾路街頭閒逛。90 年代嘅鍾路係一個幾得意嘅區域，既有最潮最in嘅商店，亦有好草根嘅街邊小販，基本上乜都有得賣，我哋甚至見到有個伯伯喺街頭賣煤。行入一條街嘅清溪川路就好似油麻地新填地街咁（冇馬檻），多數都係賣工具。
我哋一路行、一路睇，同時又一路不著邊際咁閒談；坦白講，真係有啲似啱啱拍拖嘅情侶。有時當佢見到一啲想睇嘅嘢，佢會一手就拉住我手臂咁拉停我；其實韓妹真係冇想像中咁斯文。同其他女仔一樣，Chloe 對啲小飾物同埋得意嘢比較有興趣，尤其係啤啤熊公仔，好幾次停低就係為咗玩公仔。
撇除佢嘅身高，其實 Chloe 都係一個童心未泯嘅女仔。
True love. Is it normal,
is it serious, is it practical?
What does the world get from two people
who exist in a world of their own?
我哋漫無目的咁行咗兩三個鐘，行到天都黑晒。可能係有傾有講，所以唔覺耐之餘，仲唔覺攰。我問佢餓唔餓，佢點一點頭。我再問佢想食啲乜？佢諗一諗，然後話：「不如唔好食韓國嘢吖。」
我環顧四周，見到對面馬路有間 Burger King，於是隨手指一指，同佢講：「咁不如食漢堡飽啦。」
「你思鄉呀？」佢笑一笑，然後點頭。
於是我哋去咗食 Whooper。
食完飯，我正想話送佢返屋企，點知佢話：「不如我哋去 disco 咯！」
「你都幾多花款喎！」其實我介意咩？又唔係呀。
「你應承今日陪我，你唔使指意返屋企。」佢笑住同我講。一聽到「唔使指意返屋企」，我個腦不由自主咁諗到啲嘢。點知 Chloe 嘅反應比我仲快，佢一嘢指住我太陽穴位置，然後同我講：「唔好亂諗嘢！行啦！」
唓！你又知我諗咩！
佢帶我去 disco，去到門口，我抬頭一望，原來係之前我同 Colette 嚟過嗰間。家陣成個漢城得一間 disco 咩？
佢拉住我入咗去，我哋係衣帽間卸低啲身外物，然後入去跳舞。我同我自己講，唔好再亂諗啲過咗去嘅嘢，專心跳舞出身汗當做帶氧運動。
跳咗大約半個鐘左右，DJ 開始播慢歌，慢舞時間到。我正想離開舞池搵個位唞一唞，點知 Chloe 拉住我，同我講：「我仲未跳夠。」
耳伴傳來 Lauren Christy 嘅 The Color Of The Night，我有少少忐忑，因為呢隻係我同 Colette 嘅 love song。我正想借尿遁行開，點知未及開口，Chloe 已經以一個接近攬嘅姿勢靠咗埋我身前，開始隨音樂慢舞。
避無可避，唯有面對。坦白講，當時嘅心情都幾難受，我嘅舞伴係 Chloe，但我腦海裏面，全部都係當晚同 Colette 依偎嘅影像；天使同魔鬼再一次喺我腦內角力。
喺呢個剛陽同陰柔內力正在遊走全身經脈嘅重要時刻，Chloe 突然將佢個頭伏咗喺我膊頭上。我完全唔識俾反應，任由 Chloe 處置。
大約三四隻歌過後，Chloe 終於出聲：「不如去坐吓咯。」仍然唔識俾反應嘅我，跟住 Chloe 行離舞池。坐低之後，我叫咗一個 double 嘅 Jack Daniel’s neat，我需要酒精。
Chloe 都察覺到我有啲異樣，佢問我：「你冇嘢嘛？」我同佢講，我冇事，可能有啲攰啫。大家飲咗杯嘢再坐多陣，Chloe 話：「不如走咯。」都好，我其實真係有啲攰，只不過唔係 physically。
搭的士送到去佢屋企樓下，Chloe 講咗句：「你都好攰喇，返屋企好好休息，我聽日 call 你吖！」之後佢又喺同一位置錫咗我一啖，然後上咗樓。
我喺佢屋企樓下呆企咗五分鐘，先至識得行去搭地鐵返屋企。
（待續）
為什麼會看到廣告
34會員
111內容數
時間係1997年5月中，剛剛完成學業嘅我身在華盛頓，正在考量緊我嘅未來。我可以選擇留喺美國發展，我internship嘅老細（即係美國政府）同我有共識，我畢業後可以留喺政府工作。或者我可以選擇出去闖一闖，見識吓呢個世界。當年仲係年青嘅我選擇咗後者，因為我覺得我仲未需要搵一份工困住自己......
留言0
查看全部
你可能也想看
Google News 追蹤
徵的就是你 🫵 超ㄅㄧㄤˋ 獎品搭配超瞎趴的四大主題，等你踹共啦！還有機會獲得經典的「偉士牌樂高」喔！馬上來參加本次的活動吧！
隨著理財資訊的普及，越來越多台灣人不再將資產侷限於台股，而是將視野拓展到國際市場。特別是美國市場，其豐富的理財選擇，讓不少人開始思考將資金配置於海外市場的可能性。
然而，要參與美國市場並不只是盲目跟隨標的這麼簡單，而是需要策略和方式，尤其對新手而言，除了選股以外還會遇到語言、開戶流程、Ap
因為有親戚住在香港
小時候常把香港當後院（Ｘ
還記得國高中曾在唸書期間去那兒
同學、老師問起我就說去吃烤鴨
但自從反送中事件後
總是心有餘悸、不敢再踏足那裡
而這次，既是為了帶男友去玩、也是為了去看看許久不見的親戚
我又帶著忐忑的心飛往香港
還記得小時候只會搭紅色巴士到金沙嘴
雖然小澈還是不告訴我正確的答案，但我想他們大概是和好了吧！因為小澈又開始頻頻外出、甚至每天都幾乎到了早上才累的趴趴的回家，當然現在我知道原來小澈之所以會玩到這麼晚，不完全只是吃喝玩樂唱歌跳舞而已，而是有更重要的事情要做。
我想關於這點我是可以理解小澈的，因為不要說是他了、就是連我這個女生都對那樣一
坐飛機到日本公幹，赫然發現坐旁邊的女士，居然是十年前的初戀情人，當天被她甩的很慘，寃家路狹，還可以談些甚麼？
她愣愣地走過斑馬線，看著迎面走來抱著孩子的婦人掛著甜笑、成群嘻笑的高中女生、穿著西裝外套配窄裙的上班族和身旁的同事聊著公事、頭頂冒出白髮的老婆婆步履蹣跚、跑跑跳跳的女童…她眼眶泛淚…
我想現在的妳，應該是個十八歲的俏妞，就像我在妳留下來的相簿裡看到的那樣，美得讓人心動……
經過上次，我們在防火巷的做愛之後，也已經一個禮拜過去了，我們幾乎沒有交流互動，在早餐店遇見，也如往常一樣，直到又幾天過去，我提前到了幼兒園旁的小巷子，
她冷冷看了我一眼，讓我感受到的，是關係結束的訊號，這令我有點遺憾，於是在擦肩而過的時候，我就加快了前進的步伐。
「要去哪？」
身後傳來
開始走Camino不久，我多了一個別號，就是《That Hong Kong guy with a Korean girl》。就算沒有見過面的人，一知我是香港來的就會說這句話。和韓國女生同行這件事引來很多誤會，所以我和她只一起走了三天，第四天開始就沒有再一起走了。
終於踏上了香港街頭，幻想著在街頭轉角處，會不會有《甜蜜蜜》裡的黎小軍和李翹一邊騎著單車，一邊哼唱著甜蜜蜜；或是《重慶森林》裡的警察663正在小吃店和阿菲買食物，阿菲將臉朝著巨大的電風扇狂吹，看似愛搭不理的，心裡卻早將663琢磨了百次千次。
徵的就是你 🫵 超ㄅㄧㄤˋ 獎品搭配超瞎趴的四大主題，等你踹共啦！還有機會獲得經典的「偉士牌樂高」喔！馬上來參加本次的活動吧！
隨著理財資訊的普及，越來越多台灣人不再將資產侷限於台股，而是將視野拓展到國際市場。特別是美國市場，其豐富的理財選擇，讓不少人開始思考將資金配置於海外市場的可能性。
然而，要參與美國市場並不只是盲目跟隨標的這麼簡單，而是需要策略和方式，尤其對新手而言，除了選股以外還會遇到語言、開戶流程、Ap
因為有親戚住在香港
小時候常把香港當後院（Ｘ
還記得國高中曾在唸書期間去那兒
同學、老師問起我就說去吃烤鴨
但自從反送中事件後
總是心有餘悸、不敢再踏足那裡
而這次，既是為了帶男友去玩、也是為了去看看許久不見的親戚
我又帶著忐忑的心飛往香港
還記得小時候只會搭紅色巴士到金沙嘴
雖然小澈還是不告訴我正確的答案，但我想他們大概是和好了吧！因為小澈又開始頻頻外出、甚至每天都幾乎到了早上才累的趴趴的回家，當然現在我知道原來小澈之所以會玩到這麼晚，不完全只是吃喝玩樂唱歌跳舞而已，而是有更重要的事情要做。
我想關於這點我是可以理解小澈的，因為不要說是他了、就是連我這個女生都對那樣一
坐飛機到日本公幹，赫然發現坐旁邊的女士，居然是十年前的初戀情人，當天被她甩的很慘，寃家路狹，還可以談些甚麼？
她愣愣地走過斑馬線，看著迎面走來抱著孩子的婦人掛著甜笑、成群嘻笑的高中女生、穿著西裝外套配窄裙的上班族和身旁的同事聊著公事、頭頂冒出白髮的老婆婆步履蹣跚、跑跑跳跳的女童…她眼眶泛淚…
我想現在的妳，應該是個十八歲的俏妞，就像我在妳留下來的相簿裡看到的那樣，美得讓人心動……
經過上次，我們在防火巷的做愛之後，也已經一個禮拜過去了，我們幾乎沒有交流互動，在早餐店遇見，也如往常一樣，直到又幾天過去，我提前到了幼兒園旁的小巷子，
她冷冷看了我一眼，讓我感受到的，是關係結束的訊號，這令我有點遺憾，於是在擦肩而過的時候，我就加快了前進的步伐。
「要去哪？」
身後傳來
開始走Camino不久，我多了一個別號，就是《That Hong Kong guy with a Korean girl》。就算沒有見過面的人，一知我是香港來的就會說這句話。和韓國女生同行這件事引來很多誤會，所以我和她只一起走了三天，第四天開始就沒有再一起走了。
終於踏上了香港街頭，幻想著在街頭轉角處，會不會有《甜蜜蜜》裡的黎小軍和李翹一邊騎著單車，一邊哼唱著甜蜜蜜；或是《重慶森林》裡的警察663正在小吃店和阿菲買食物，阿菲將臉朝著巨大的電風扇狂吹，看似愛搭不理的，心裡卻早將663琢磨了百次千次。