國際合規新聞報道@規佬筆記 (8)
閱讀時間約 16 分鐘
2020年7月23日
去 iBank 實習本應係開心事，但係受疫情影響，好多員工都要 work from home 。
跟住呢，就出問題喇。你畀唔畀呢啲 summer intern remote access ？畀，可能有 cybersecurity risk ，亦可能教識啲 intern 用 VPN ，更危險嘅係 intern 仔喺屋企冇人看管，攞住個 remote access 嚟做咗啲乜，邊個負責？
於是，有投行就索性叫晒啲 intern 返 office 坐。
隨住中美關係日益緊張，喺大陸 (包括香港啦，當然) 嘅外資企業喺招聘實習生嘅時候固然要更加謹慎，至於系統及通訊設備嘅保安問題，就真係宜緊不宜鬆。
Source:
2020年7月24日
[愛是不保留]
究竟會唔會有一個星期，規佬係唔使提 Wirecard 個名嘅呢？
因為被指造假帳而股價蒸發九成兼且 CEO 涉嫌詐騙被捕，面臨成為史上第一間倒閉嘅 DAX 指數成份股嘅德國 FinTech 企業Wirecard ，簡稱「因卡」，佢哋嘅核數師 EY 喺今次醜聞當中都聲譽掃地。
最新消息指， EY 六月向 Wirecard 提交嘅 audit report 草稿，講明：
“based on the findings of our audit, the attached annual financial statements comply in all material respects with German commercial law applicable to corporations and give a true and fair view of the net assets and financial position of the company.”
讀過少少會計學原理嘅朋友，都知道 true and fair view 係金句， unqualified opinion 係順利過關嘅意思。
即係，當 KPMG 已經對 Wirecard 做緊 special audit ，當 FT 多次揭發 Wirecard 生意同帳目有古怪， EY 仍然好似瞓咗覺咁，覺得 Wirecard 喺菲律賓嘅業務好正常。 (明明後來菲律賓當地嘅銀行就話 Wirecard 提供嘅 bank confirmation 係偽造嘅)
咁 EY 梗係否認啦，話核數工作仲進行緊。
咁 EY 梗係否認啦，話核數工作仲進行緊。
知情人士就話，原本只要 Wirecard 可以喺菲律賓分四筆數，將 4.4 億歐羅資金，由聲稱受信託公司經手嘅 escrow account (你當係啲中轉帳先) 轉返集團德國， EY 就可以出「無保留意見」。
And the rest is history. 隨著 KPMG 發表 special audit report ， Wirecard 王國土崩瓦解。而 EY 家陣最需要諗嘅，應該都係點樣保住自己個招牌。
Source:
[第 n 滴血]
港交所通函話。高銀證券自願停業。公司網站都有講「因種種原因影響而面臨經營困難」。
高銀證券，正正係大陸房地產發展商高銀集團嘅附屬公司。早年好多內房都一窩蜂來港 買牌嘅買牌，申請攞牌嘅攞牌，總之要 1 、 4 、 9 牌照齊晒先叫威。
高銀此前都只係得 1 / 2 牌，公司持牌人數十個左右，呢兩年縮到得返兩個 RO 兩個 LR ，算係無印式經營。唔明？ Minimalism 呀。
家下隨住長實高層馬勵志獲委任為高銀金融副主席兼非執董 (明明早一晚仲係獨董) ，高銀要止血然後翻身，減咁啲無厘拉更無關痛癢嘅支節，其實都算幾合理。
週末鬆一鬆：睇定下星期有咩新產品上市？
原來係兩隻 L&I 產品～賭嘅係滬深 300 指數。其實都唔係啲嗟新嘢， L for Leverage 、 I for Inversed 。
係賭大陸股票指數比較新囉，之前 SFC 畀市場推出 L&I 嘅時候都係圍繞啲香港呀、歐美國家呀，冇包括大陸嘅。
而家證監開綠燈，來自大陸嘅華夏就同美國公司合作出兩隻。
L&I 產品本身要用衍生工具建倉追蹤指數倍大或者反轉嘅表現，有別於 ETF (交易所買賣基金，盈富嗰啲) ， L&I 需要每日埋數轉倉減低追蹤誤差 (tracking error) ，所以坐過夜嘅成本會比較高。
Toppan 末日？
如果有一日，香港新股上市唔使再印招股書，印刷商如 Toppan 肯定係大輸家。
其次？攞鏡頭捕捉老散攞 Prospectus 嘅攝記或者攞啲招股書去回收嘅婆婆啩？
無紙化嘅背後，如果涉及到 IPO 黃白表，我諗除咗老一輩、係都要慳錢同唔識上網嘅股民之外，黃表 paperless 都可能令經紀行後勤少咗個變招方式。畢竟有時 system 截晒數而後續仲有加減，就要手動。。。
如果冇呢支歌仔唱，又睇下業界會唔會推動到 CCASS 畀多少少彈性大家？
Source:
2020年7月27日
幾日冇見，有冇掛住規佬先？傻嘅先掛住個虧㗎啦。
星期一個市出奇地淡靜，大家都著眼喺限聚令上限降至二人，同埋全日都冇堂食呢件咁貼身嘅事。如果 Foodpanda 或者 Deliveroo 係受惠於香港肺炎疫情，咁印度嘅大贏家可能就係 UPI 。
唔係聯邦快遞 UPS 喎，係 Unified Payments Interface ，一個由印度央行成立、由一堆本行銀行擁有，仲吸引到 Google 同 Walmart 入股嘅平台。
需知道印度人口眾多，而且貧富非常之懸殊， 2011 年只得 35% 人口有銀行戶口，幾億人用唔到銀行服務，係真正需要「普惠金融」嘅國家。
UPI 提供即時跨銀行轉帳服務，民眾亦可以用 UPI 喺網上購物或者喺士多買嘢，相當之方便。最緊要係，唔使掂到銀紙，衛生又安全。
嚟緊 UPI 及同系嘅支付卡 RuPay 希望跳出印度，但區域層面嘅合作，就真係要講個信字，其他國家大概都要睇清楚呢個 system 背後嘅架構啦。作為一個曾經畀印度人跣到攤攤腰嘅過來人，我覺得，審慎是美德～
Source:
有讀者提議我講下 bitcoin 。我問，有咩想聽？佢話，美國嗰邊賦予 bitcoin 地位。
咁我真係冇跟開，就拿拿臨摷下喇。
咁我真係冇跟開，就拿拿臨摷下喇。
原來係美國 Washington D.C. 法院喺一單案件裁定 bitcoin 符合 “commonly means a medium of exchange, method of payment, or store of value” 嘅定義，即係 money 嘅一種啦。
於是，法院拒絕被控喺 Darknet 無牌經營匯款業務嘅被動嘅上訴。
由於美國五十個州份各有自己嘅法院同法律，加上聯邦法院嘅律例， bitcoin 嘅地位基本上係日日都演變緊。同時，既然 bitcoin 被視為 money ，咁 AML 嘅框架就更容易套上 bitcoin 度喇。
當然，反洗錢嘅嘢，向來都係為政權服務，正如裁制係國際政治嘅一部份。 Yet again ， #我討厭政治 ，所以都係講到呢度先啦。
Source:
2020年7月28日
FT 報道，行政會議成員陳智思喺一間美資銀行嘅戶口，今年六月尾被銀行方面關閉，佢相信其他高官都面對緊類似嘅情況。
陳智思話，銀行純粹唔想做政治關連人士 (Politically-exposed persons) 生意，無論係高官抑或泛民，都係一樣。
不過陳智思都話，好在佢仲可選擇本地銀行，喎。。。
各位 AML / Sanctions / Compliance 朋友，坐穩未？
Source:
2020年7月29日
覺唔覺規佬好少講保險嘢？ InsurTech 喎，同 FinTech 齊名㗎下嘛？眾安在線喺大陸網上賣保險都賣到上線啦。
講就巴閉，做就閉翳。
保險產品本身，同投資或者銀行儲蓄好唔同，一落疊，好多時就係數以年計嘅 commitment 。買股票睇錯市可以日內沽貨離場，銀行戶口存款可以㩒返出嚟或者匯去第二度。
保險人壽或儲蓄產品？供都供幾年， breakeven 又十幾年，你唔搵個經紀問清問楚就課金買嘢，我都只可以祝你好運。仲未計理賠喎，到保單條件達成要派彩，你唔捽到個 agent 反皮？
所以，網上或者手機 App 買保險，向來都局限於一般保險 (general insurance) ，即係家居保、旅遊保呢啲比較簡單直接而且一炮過或者月月清嘅保障。
咁家下話有四個虛擬保險牌，有啲創新啲嘅例如寵物保險之類嘅產品走出嚟。冇壞嘅，皮費平，又夠 niche ，慳返經紀人工同佣金，咪叫做有得做囉。但如果係咁，即係市場上本身冇呢隻產品，原因係 sales 睬你有味，或者個 pool 唔足以令傳統保險公司覺得做得過。
換句話講， InsurTech 可能適合一啲小眾嘅產品，但說穿了，都只不過係網上或透過手機 App 賣嘢嘅平台，咁，又有幾高科技呢？
Source:
你信唔信係無心之失？
我就麻麻地嘅。上市規則對於出業績前嘅 black-out period 嘅要求絕對唔係新聞， CompSec 理應定時定候出通告畀公司班大粒知道有段時間唔可以做買賣。
然後噚日公司出公告話大股東注資？ CompSec 發撚緊夢嗎？結果就柒到唔敢睇，要隔日申請停賽然後終止注資交易。
客觀效果係，喺出業績之前已經將一啲可能影響股價嘅消息漏出嚟，雖然大股東實質上同公司未有買賣生效，但係投資者已經可以預期大股東好快好快就會擠嘢入間舖度，會影響咗對股價嘅期望。
原理同《嚦咕嚦咕新年財》入面劉華漏咗隻四筒畀劉青雲睇到差唔多，差在今次應該冇粒飯黐住。
咁，有人把關不力，冇辦法㗎喎。檔嘢市值 30 億港銀左右，復牌之後彈起半成。唔知交易所同老證之後會唔會執手尾呢？
Source:
2020年7月30日
FT 啲專欄有時都幾好睇。
就好似呢篇咁 (文末有朋友 link ，快者得) ，回顧返三月份美國大冧市嘅時候，發現其中一個怪現象，係債市 ETF 嚴重錯價，個別 ETF 嘅市價比本身資值淨值 (Net Asset Value, NAV) 折讓半成。
規佬成日都講 ETF (其實都冇成日，講 Wirecare 多啲) ， Exchange-traded fund 一般嚟講，係會指定一隻指數嚟追蹤嘅。盈富基金追蹤恒生指數，美國嗰邊嘅 QQQ (PowerShares QQQ Trust, Series 1) 係追蹤 Nasdaq ，而債券 ETF ，咪追蹤債券指數囉。
咩呀？債券唔可以有指數嘅咩？其實街市豬牛羊價格都可以有指數㗎。債券指數嚟講，其中一個大家最熟悉嘅，應該係「花旗強積金環球政府債券指數」喇。點解？ MPF 嘅「預設投資策略」 (DIS ，懶人基金) 債券嗰邊就有參考到呢個指數。
講追正題。作者話，債券 ETF 喺呢十年八載大行其道，適逢 2008 年金融海嘯之後，銀行要將自己坐嘅盤 (包括作為市場流通量提供者嘅角色) 散返出去，持倉由 2007 年嘅四千幾億美金趺到現時嘅六百億，而 ETF 持有嘅債券市值就突破咗五千億。名副其實嘅此消彼長啦。
由於近年低息環境持續，一直都有資金流入 ETF ， ETF 將錢投入債市，買入一籃子嘅債券，為債市帶來需求。但係當市況逆轉嘅時候，個個都爭住套現。
如果喺冇 ETF 嘅年代，持有債券嘅人要沽貨，就睇當時市價，即係有冇銀行願意接貨，同埋用幾錢接。
但係喺有 ETF 嘅時代，持有債券 ETF 嘅人就會喺市場上面拋售債券 ETF ，雖然 ETF 背後會有 market-maker 提供買盤，但係人踩人嘅客觀效果，就係令債券 ETF 出現錯價，而且 ETF 價格仲領先相關資產，同「追蹤」二字剛好相違背。
同 2008 年唔同嘅係，當年市場上冇人敢接貨而流通量枯竭，今年三月嘅時候 ETF 每日交投就急增咗 2.5 倍。
作者提出一個疑問：如果後來聯儲局冇大手買債，債券 ETF 會唔會爆煲呢？冇人知道。故事嘅教訓係，雖然金融市場嘅風險成功由銀行轉移開去，但係 ETF 呢隻大怪獸要點樣打理，又係一個好問題。
點解係一個好問題？因為，好難答囉。
FT friend link:
WeLab 開檔，成為第三間正式開業嘅 virtual bank 。
同之前嘅 ZA 及天星一樣，規佬都有 download 個 App 嚟玩下，開戶過程有好有壞，好就係佢讀完你張身份證之後 auto-fill 咗啲個人資料，慳返啲時間。
唔好嘅，係佢哋要求你影張身份證嘅時候，中間會有個圓形跟住電話水平移動，掛住搞掂個波喺圈內令佢由紅色變綠色，就唔記得張身份證要對齊個邊框。或者出心係好嘅，但我覺得 ZA 嘅指示比較簡而精。
暫時 WeLab 同天星一樣，都係要經後勤審批先至正式開到戶口，似乎係 ZA 自己有啲位偷雞令客人可以即刻用到戶口。
WeLab 嗰個 GoSave 要大家約埋親朋戚友一齊做定期先至可以享高息，做法比起 ZA 嘅 MGM (member-get-member) 複雜，唔知有啲咩大嘅群組可以湊齊人數喇。畢竟理財嘅嘢好 personal ，叫得郁隔離嗰個開戶口攞兩嚿水已經好難得。
最後，我係會等住攞 WeLab 張 debit card 嘅。 8% 消費回贈嘛，咪又睇下玩到幾耐囉。消費者嘅習慣，有時建立咗係搣唔甩嘅，例如用 iPhone 嘟八達通咁。
21:47 更新
說時遲，那時快， WeLab App 認唔到 biometric (FaceID) login ，然後又 password 都 login 唔到，繼而想 reset password 都收唔到 sms 傳送嘅認證碼。。。
Source:
2020年7月31日
Happy Friday! 先嚟一篇國際 FinTech 消息。
近來如果大家有諗過要開個離岸銀行戶口，或者都有聽過 Monzo 呢個名。今日呢單新聞。正正關 Monzo 事，而且，關乎生死存亡添。
英國虛擬銀行 Monzo 表示，肺炎疫情令用戶大幅減少出外遊埠，嚴重影響用戶透過 Monzo Card 消費所帶來嘅交易費用收益，亦為公司可持續經營 (going concern) 帶來巨大嘅疑問 (significant doubt) 。
截至今年二月底 (即係歐美爆發疫情之前) ， Monzo 有 430 萬客戶，收入達到 36 球英鎊，其中交易費用就佔咗八成有多。
但係 Monzo 仍然係蝕緊錢嘅，全年淨虧損超過 1.1 億英鎊，虧損幅度比上一個財政年度擴大超過一倍，主要係因為 marketing 、 技術開發同員工等成本 (即係冇講過嘢) 。
Monzo 為咗止血，早前已經宣布裁員百幾人 (公司約有千五名員工) 上月亦籌旗籌到 58 球英鎊。雖然估值較上次有四成折讓，但係都係跟返行業估值水退船低。
Monzo 管理層話，今年必須轉型，向商業及 Premium 客戶埋手 (Premium 客戶每月月費五英鎊) ，形容此舉「舉足輕重」。
Monzo 管理層話，今年必須轉型，向商業及 Premium 客戶埋手 (Premium 客戶每月月費五英鎊) ，形容此舉「舉足輕重」。
冇人知 Monzo 能否逃出生天，但如果有意擺錢喺 Monzo 嗰度嘅朋友，最好都係留意返存戶有咩保障，以策萬全～
Source:
即將進入廣告，捲動後可繼續閱讀
為什麼會看到廣告
22會員
31內容數
「若抑揚得所，趣舍無違，值筆廉斷，觸勢峰鬰，揚波折節，中規合矩。」
Compliance ，中譯「合規」。
來自香港，以廣東話/粵語行文，書寫全球金融市場合規、反洗錢及金融科技的趨勢。
男人老狗做 Compliance ，是為「規佬」。 純學術探討。
留言0
查看全部
你可能也想看
Google News 追蹤
這個秋，Chill 嗨嗨！穿搭美美去賞楓，裝備款款去露營⋯⋯你的秋天怎麼過？秋日 To Do List 等你分享！
秋季全站徵文，我們準備了五個創作主題，參賽還有機會獲得「火烤兩用鍋」，一起來看看如何參加吧～
11/20日NVDA即將公布最新一期的財報, 今天Sell Side的分析師, 開始調高目標價, 市場的股價也開始反應, 未來一週NVDA將重新回到美股市場的焦點, 今天我們要分析NVDA Sell Side怎麼看待這次NVDA的財報預測, 以及實際上Buy Side的倉位及操作, 從
Hi 大家好，我是Ethan😊
相近大家都知道保濕是皮膚保養中最基本，也是最重要的一步。無論是在畫室裡長時間對著畫布，還是在旅途中面對各種氣候變化，保持皮膚的水分平衡對我來說至關重要。保濕化妝水不僅能迅速為皮膚補水，還能提升後續保養品的吸收效率。
曾經，我的保養程序簡單到只包括清潔和隨意上乳液
隨著全球化的發展，許多企業開始尋求國際業務機會，擴大其市場範圍。然而，國際業務帶來了許多挑戰，特別是在會計和記帳方面。無論是公司登記、公司設立、工商登記，還是記帳等過程，都需要仔細處理各種應備文件和費用。這些挑戰需要專業的會計師和記帳師來應對，特別是在台北這樣的國際商業中心。本文將探討會計和記帳在國
❝ 心、佛、眾生，三無差別。你、我、他人，一切平等。 ❞
當我們的 Web 應用越來越多地受到國際用戶的歡迎時，提供多語言支援就變得至關重要。在這篇文章中，我們將介紹如何在 Gin 中實現國際化和本地化，讓你的應用能夠輕鬆支援各種語言。
台胞證，對於許多持有者來說，不僅僅是一張身份證明文件，更是開啟國際文化交流和藝術領域之門的鑰匙。在這個充滿多元文化的世界中，台胞證的作用不容小覷。本文將探討台胞證持有人在國際文化交流和藝術領域中的卓越表現，以及台灣在這些領域所取得的成就。
中醫好還是西醫好？中藥就溫和？西藥就傷身？這是杏林常見世俗疑惑的問題，其實中、西醫藥理及目標本就不同，西醫（藥）對解除病症，短期達立竿見影之效，中醫（藥）則是改善體質，長期來獲得具體效果，但閉門造車、單打獨鬥已不符合現況的醫療發展，採取中西合併的方式是另一派專家學者建議的治療及用藥趨勢。
加權上週五收在13684，觸及10/5日向上跳空缺口頂端。今日沒意外開低形成島型反轉，島型缺口13600~13700為下一波壓力區。那斯達克週五週一領先島型反轉，已破底 / 費半也已破底，理應台股會反應，本週可見破底。
【今天是什麼日?】
9月21日
International Day of Peace
【國際和平日】
国際平和デー（こくさいへいわデー）
今天9月21日是「國際和平日」。
該紀念日由聯合國大會設立，旨在呼籲所有國家和人民合作實現全球停火，增強和平理念。
#今天是什麼日?
#9月21日
#國際
美國無可取代的，在於其強大的國際投資位置和消費力。
美國GDP消費佔部分佔全部的將近70%，同時是消費主力及終端。
也就是全球的景氣榮枯，要緊盯美股數據。
美國是消費大國所以要看數據，消費數據是台灣GDP的22倍
「美國GDP（國內生產毛額）年增率」是全球經濟領先指標。
未完待續……請期待
下面我們從間接食品添加劑章節（Part175~178）角度出發，對其新修訂內容進行總結。以下列出的物質均是FDA（美國食品藥品管理局）從現有的授權清單中移除的鄰苯二甲酸酯類物質，也就是說這些物質今後將不再符合美國食品添加劑法規的要求，不能使用在美國的食品接觸材料和製品中。
瑞歐提醒您
自2019年底新冠疫情爆發以來，為了保障美國公民對消毒劑的使用需求，美國EPA（美國環境保護署，Environmental Protection Agency）發布了一系列友好政策來鼓勵企業登記消毒劑產品......
這個秋，Chill 嗨嗨！穿搭美美去賞楓，裝備款款去露營⋯⋯你的秋天怎麼過？秋日 To Do List 等你分享！
秋季全站徵文，我們準備了五個創作主題，參賽還有機會獲得「火烤兩用鍋」，一起來看看如何參加吧～
11/20日NVDA即將公布最新一期的財報, 今天Sell Side的分析師, 開始調高目標價, 市場的股價也開始反應, 未來一週NVDA將重新回到美股市場的焦點, 今天我們要分析NVDA Sell Side怎麼看待這次NVDA的財報預測, 以及實際上Buy Side的倉位及操作, 從
Hi 大家好，我是Ethan😊
相近大家都知道保濕是皮膚保養中最基本，也是最重要的一步。無論是在畫室裡長時間對著畫布，還是在旅途中面對各種氣候變化，保持皮膚的水分平衡對我來說至關重要。保濕化妝水不僅能迅速為皮膚補水，還能提升後續保養品的吸收效率。
曾經，我的保養程序簡單到只包括清潔和隨意上乳液
隨著全球化的發展，許多企業開始尋求國際業務機會，擴大其市場範圍。然而，國際業務帶來了許多挑戰，特別是在會計和記帳方面。無論是公司登記、公司設立、工商登記，還是記帳等過程，都需要仔細處理各種應備文件和費用。這些挑戰需要專業的會計師和記帳師來應對，特別是在台北這樣的國際商業中心。本文將探討會計和記帳在國
❝ 心、佛、眾生，三無差別。你、我、他人，一切平等。 ❞
當我們的 Web 應用越來越多地受到國際用戶的歡迎時，提供多語言支援就變得至關重要。在這篇文章中，我們將介紹如何在 Gin 中實現國際化和本地化，讓你的應用能夠輕鬆支援各種語言。
台胞證，對於許多持有者來說，不僅僅是一張身份證明文件，更是開啟國際文化交流和藝術領域之門的鑰匙。在這個充滿多元文化的世界中，台胞證的作用不容小覷。本文將探討台胞證持有人在國際文化交流和藝術領域中的卓越表現，以及台灣在這些領域所取得的成就。
中醫好還是西醫好？中藥就溫和？西藥就傷身？這是杏林常見世俗疑惑的問題，其實中、西醫藥理及目標本就不同，西醫（藥）對解除病症，短期達立竿見影之效，中醫（藥）則是改善體質，長期來獲得具體效果，但閉門造車、單打獨鬥已不符合現況的醫療發展，採取中西合併的方式是另一派專家學者建議的治療及用藥趨勢。
加權上週五收在13684，觸及10/5日向上跳空缺口頂端。今日沒意外開低形成島型反轉，島型缺口13600~13700為下一波壓力區。那斯達克週五週一領先島型反轉，已破底 / 費半也已破底，理應台股會反應，本週可見破底。
【今天是什麼日?】
9月21日
International Day of Peace
【國際和平日】
国際平和デー（こくさいへいわデー）
今天9月21日是「國際和平日」。
該紀念日由聯合國大會設立，旨在呼籲所有國家和人民合作實現全球停火，增強和平理念。
#今天是什麼日?
#9月21日
#國際
美國無可取代的，在於其強大的國際投資位置和消費力。
美國GDP消費佔部分佔全部的將近70%，同時是消費主力及終端。
也就是全球的景氣榮枯，要緊盯美股數據。
美國是消費大國所以要看數據，消費數據是台灣GDP的22倍
「美國GDP（國內生產毛額）年增率」是全球經濟領先指標。
未完待續……請期待
下面我們從間接食品添加劑章節（Part175~178）角度出發，對其新修訂內容進行總結。以下列出的物質均是FDA（美國食品藥品管理局）從現有的授權清單中移除的鄰苯二甲酸酯類物質，也就是說這些物質今後將不再符合美國食品添加劑法規的要求，不能使用在美國的食品接觸材料和製品中。
瑞歐提醒您
自2019年底新冠疫情爆發以來，為了保障美國公民對消毒劑的使用需求，美國EPA（美國環境保護署，Environmental Protection Agency）發布了一系列友好政策來鼓勵企業登記消毒劑產品......