笑傲香江-第四回- 說謊派對

〈註:本故事為保留懷舊香港風格所以對話多以香港話為主，日後有機會再譯華語版本。〉

說謊派對-五八年的聖誕

不經不覺，已經是一九五八的的平安夜，覃珚亭收到香江時報的面試機會，對於佢來講係最好嘅聖誕禮物，但內心又怕係最差嘅新年禮物， 若果面試失敗，表現不好就會白白浪費這個大好機會。

十二月二十八日星期日上午，就是正式面試的日子，覃珚亭都好期待又緊張，但今日是二十四日平安夜。 劉記割玉廠全體員工一齊係公司開聖誕聚餐，劉師傅竟然開恩提早十二點鐘下班，覃珚亭下班後當然照常約咗遊子風在碼頭等，在海旁舉行聖誕小型演唱會，今晚主要都係唱聖誕歌為主。之後就打算和遊子風一齊返屋企同食華姐準備的聖誕大餐。

不過覃珚亭仍然留在劉記開聖誕派對，每個員工都要各自在家準備一樣小食帶回公司。

而華姐就為覃珚亭準備了鹵水雞翼帶返公司，娜姐就準備鹵水蛋，花姐和陳家豪母子就準備腿蛋三文治, 其他兼職員工又準備咗糖水和香蕉水果。至於劉師傅本人都有準備食物，但因為有個鐵蓋遮住，就唔清楚劉師傅整了什麼食物。今日因為是節慶日子，所以公司氣氛都唔錯， 現在正是劉師傅送員工禮物的環節， 人人有份永不落空，花姐和娜姐 各自收到看起來非常廉價的髮夾和頭箍。娜姐質疑: 點解呢個髮夾咁似樓下報紙檔，見到個堆一仙三個嘅款式嘅?

花姐苦笑:算啦，有禮物好過無禮物。

幾個兼職男仔就收到每人一支原子筆，而陳家豪就收到一個聖誕襪裏面裝了些士的薑糖，陳家豪好滿意:嘩，我嗰份禮物係最好最精美㗎!亭仔， 你收到咩禮物呀?

覃珚亭內心：我嗰份咁細盒都唔方係咩好嘢嚟… 真係唔想喺佢面前打開等佢攞彩！

覃珚亭打開包裝紙發現係一個火柴盒，上面印著一些日文和漢字"伊豆修善寺"的字句和一個日式章文，覃珚亭心想: 唉，肯定係去旅行嘅時候係酒店順手攞嘅垃圾就轉手送畀我啦…

但係覃珚亭再想一想心內又覺得不妥:咪住先，修善寺好似好熟，係咪寺廟? 唔通劉師傅去過日本旅行?真係唔似佢嘅作風呀！平時又話最憎蘿蔔頭（日本人），但又有個來自日本嘅火柴盒 。

覃珚亭對著火柴盒一再沉思: 真係好奇怪...好奇怪... 呢個花紋點解覺得好懷念好熟咁嘅…我見過？ 唔通係喺屋企嗰啲古董度見過？

正當覃珚亭入神的看著火柴盒的時候，突然陳家豪嬉皮笑臉大叫:嘩，垃圾呀！劉師傅送俾你係垃圾火柴盒呀!即係代表咩呀？即係代表你好似火柴一樣，用完即棄呀！

覃珚亭立即回神反駁:咁劉師傅送你士的姜糖，即係代表咩呀？即係代表你可以趙完鬆嘅貨色呀!而且士的糖咁難食，你咁鍾意咪食飽佢囉!

"啪"劉師傅不滿順手大力打了陳家豪的頭一下，然後嚴肅講: 你兩個細路唔好嘈啦，依家開始係食嘢時間 ，開餐喇!

陳家豪摸著自己嘅頭: 我講笑咋嘛，使唔使咁認真呀?淨係打我，應該打埋亭仔至係!

覃珚亭恥笑的眼神盯著陳家豪自言自語:真係煩死人... 聖誕要同你哋過係知好似上年咁缺席啦…

開始食公司聖誕餐，娜姐自豪地向大家介紹: 鹵水蛋係我醃咗一個禮拜㗎啦，呢個係我嘅撚手小菜，我煮嘢係出名好好味㗎，個個人都讚口不絕， 因為我鍾意食嘢，所以我對煮嘢都好有要求㗎!

覃珚亭一試，面有難色:嘩，啲鹵水蛋又鹹又腥，仲話係撚手小菜... 果然廚藝同人品係成正比㗎!

覃珚亭只咬了一小口，就不想將鹵水蛋吞落肚， 靜靜雞將佢揼落垃圾桶。

之後見到花姐兩母子的腿蛋三文治，都沒有期望，心想:唉… 見到就無胃口，都係食返華姐嘅鹵水雞翼好過啦！

正當他正想逃避食花姐整的腿蛋三文治，陳家豪就把三文治放入覃珚亭碟中，陳家豪突然殷勤: 試下我同阿媽一齊整嘅腿蛋三文治啦，包你話正呀!

覃珚亭為難:吓，乜咁客氣呀， 要你幫我攞三文治。

陳家豪笑著: 應該嘅，你始終係我前輩呀嘛! 聽講今年係第一年開聖誕派對呀。亭仔，你有口福啦食到我兩母仔嘅手勢。

覃珚亭疑問:吓，乜今年先係第一年開派對咩?舊年無開㗎?

覃珚亭禮貌上嚐了一口三文治，覺得味道不過不失。

娜姐搭嘴: 梗係無啦，舊年聖誕節不知幾忙呀，我哋仲要加班呀，邊有今年開聚餐，仲可以早收工咁幸福呀!

花姐: 亭仔你梗係唔知啦， 舊年聖誕你仲學人抗工兩星期，係劉師傅先咁包容你呀！

這時候劉師傅把自己帶來的食物剛剛從廚房加熱出來，香味洋溢整個工廠，充滿羅勒葉和芝士的香味，一打開原來是焗肉醬意粉，眾員工都喜出望外。人人急不及待嘗試劉師傅的焗肉醬意粉，覃珚亭充滿期待嚐了一口， 露出幸福的表情，心想: 真的太美味， 呢種味道，係我童年嘗試過的味道，我一次過可以食兩碟。原來劉師傅廚藝了得，都算係有啲建樹。

但覃珚亭現在有觸感傷情，心想:我童年，究竟係邊個?喺邊度過?係香港定台灣定仲有其他走難嘅地方呢？

這個時候就聽到幾個兼職講八卦:喂，乜事頭又話最鍾意食廣東菜嘅，點解會識整呢啲西洋嘢㗎?

另外一個兼職: 好食咪得囉，理咁多做咩啫!

"今年聖誕事頭風騷咗好多， 舊年明明咩都無發生過重要加班，今年就開聖誕派對仲學人煮意粉， 事頭轉性，世界變!"

" 哦，我明喇!事頭一定係識咗一個煮餸好叻嘅女仔。 你地試下，呢碟肉醬意粉，係高級餐廳嘅質素，有咩可能係事頭整㗎，無可能。"

" 但係事頭唔係一向都係木獨寡佬咩? 無聽過佢有老婆喎。"

"哦，事頭古惑啦!金屋藏嬌，藏咗一個廚藝好好嘅女人係屋企。"

覃珚亭一邊聽兼職們大談劉師傅的八卦，不知不覺已經食咗三碟肉醬意粉，劉師傅笑着:亭仔， 睇嚟你都好捧場我嘅醬意粉喎，多謝曬呀!

覃珚亭: 真係味道一流，而且仲係一個令人懷念嘅味道，我食咗三碟，真係好好味!

劉師傅笑着: 係咩，多謝喎!我覺得你華姐整嘅鹵水雞翼仲好味，有機會想拜訪下。係呢，放咗工你會去邊度玩呀?

覃珚亭心想: 果然劉師傅係想打華姐主意，明明自己都收埋咗個女人,真係花心。

覃珚亭見到掛鐘已經指著十二點十三分:呀， 我約咗朋友起碼頭練歌呀，我就先啦!拜拜...

覃珚亭急不及待離開劉記，趕去尖沙咀碼頭與遊子風會面， 一齊練聖誕歌。為三點開場的小型演唱會作準備。

覃珚亭早到，就坐在碼頭看著劉師傅送給他的火柴盒，顧影自憐自言自語:劉師傅一直包容我一直挽留我喺劉記，都只係搵我過橋想追求華姐喳。仲咁孤寒㗎淨係送火柴盒畀我，不過呢個火柴盒真係好熟面口， 我好似唔知邊度見過。

覃珚亭好奇就將一條火柴拆一拆火柴盒起火， 一個人坐在碼頭看著火光發呆，此時，遊子風就隨火出現了，遊子風戴了一個聖誕帽，穿了紅衣上衣加牛仔外套和紅色喇叭褲， 非常搶眼，覃珚亭不禁:嘩，你今日咁樣著真係好似傻佬呀！

遊子風一手把另一頂聖誕帽放著覃珚亭頭上笑着: 你識咩呀?今日係平安夜梗係要著到最紅最興，咁先搶眼啦!

覃珚亭神情有點恍惚: 咁都唔使著到成隻火雞咁㗎!

遊子風:亭弟，今日係平安夜，點解你心情好似麻麻地，有咩唔開心呀？

覃珚亭把火柴盒給遊子風看: 我老闆送咗一樣全公司最差嘅禮物畀我， 佢係唔係好討厭我?

遊子風: 唔係呀！我覺得火柴盒都幾靚呀，好似係外國嘢，起碼香港搵唔到，都幾特別呀!

覃珚亭: 都係嘅，我唔應該咁上心! 係喇，你食咗晏晝未呀?如果肚餓得滯去練歌會好辛苦㗎，因為今晚七點鐘先至開聖誕大餐喇!

遊子風: 放心啦，包租婆煲咗粥畀我食，我食咗嘢先出嚟㗎。

遊子風順手把 手上捧著的大箱遞到覃珚亭胸前，接著說：今日係平安夜我哋整靚啲個舞台！

覃珚亭: 咁犀利咁揼本？

遊子風：我夜晚打工嗰間餐廳琴晚攞定㗎！都係上年㗎喇～都唔要咁～我咪話抌出去順便攞返屋企囉！

覃珚亭: 真係物盡其用！

遊子風又在口袋裡掏出一疊聖誕花圖案書籤:嗱，亭弟!一陣等氣氛抄興果陣，就派書籤俾觀眾啦！

覃珚亭疑問：你又係喺打工嘅地方拎㗎？

遊子風:係我打工嘅書店攞返來㗎! 嗰本書都賣唔出賣得出先送書籤，搞到一疊留喺度，咁我咪拎出嚟畀大家分享囉！

覃珚亭笑着:咁即係偷返來啦？

遊子風笑着:係明正言順攞返來。 都係物盡其用，唔緊要啦，反正佢哋都係想送畀人！

覃珚亭內心:咁都得…如果係我公司，都唔知被劉師傅發現左會有咩下場…

然後他們一起商量陣間要唱的歌，一齊花心思佈置小舞台，商量企位出場效果他們都比平時認真，一齊為演唱會作好準備。

迷女現真身

終於到了下午三點，小型聖誕演唱會正式開始，已經有一堆在台下擁躉等候。 但氣氛都偏靜侷，暫時沒有太激昂，始終香港人特性是比較慢熱內斂。 遊子風的女擁躉包括之前送結他給他的女白領也準備等候他們出場。雙子首先以合唱為主，打頭陣的歌曲是white Christmas,遊子風先奏結他前段，覃珚亭負責用手鼓打拍子。兩人各自唱一段，遊子風先唱:

I'm dreaming of a white Christmas

Just like the ones I used to know

Where the treetops glisten, and

Children listen to hear

Sleigh bells in the snow

覃珚亭接著唱:

I'm dreaming of a white Christmas

With every Christmas card I write

May your days be merry and bright

And may all your Christmases be white

Oh, I'm…

觀看人流愈來愈多氣氛也越來越好，覃珚亭也開始更有信心唱了， 接著他們要唱的是Santa baby。兩人開始手打拍子合唱:ba….ba….ba….ba….ba

Santa baby, just slip a sable under the tree for me

Been an awful good girl

Santa baby, so hurry down the chimney tonight

Santa baby, a '54 convertible too, light blue

I'll wait up for you, dear

Santa baby, so hurry down the chimney tonight

Think of all the fun I've missed

Think of all the fellas that I haven't kissed

Next year, I could be just as good

If you check off my Christmas list…

之後合唱了幾首 jingle bell，god bless you merry gentlemen等等等等。 氣氛開始抄熱了，台下的觀眾都看得如痴如醉，遊子風也開始興觀眾互動，遊子風大笑說: 各位觀眾大家好呀， 我祝大家有個開心嘅聖誕節，暫時咩都唔開好諗，完全同我遊子同亭仔一齊歡樂愉快嘅氣氛當中啦!

眾人和應歡呼，遊子風又問觀眾: 你哋有咩歌想聽?可以點歌喎!

觀眾內斂未有回應，遊子風又點向其中的觀眾說: 呢位靚女係你啦， 你想唱咩歌呀?

女觀眾大聲說: 我要聽平安夜聖善夜，我唔識雞腸我要聽廣東話。

遊子風和覃珚亭都有求必應唱廣東話版的平安夜滿足這位女觀眾。唱完覃珚亭也向觀眾互動:仲有邊個想聽歌呀可以隨便點歌呀?

有位婆婆大叫說: 就來新年啦!我要聽"恭喜恭喜"，我最鍾意啲首歌啦!

遊子風笑著: 尼位靚女品味獨特。好，就"恭喜恭喜"!

遊子風開始認真唱這首國語歌曲: 每條大街小巷，每個人的嘴裏，見面第一句話，就是恭喜恭喜。~~

覃珚亭内心： 唔係啩唱呢首歌會唔會影響佢啲擁躉對佢嘅形象呢？但係遊子風真係好神奇， 呢首手充滿賀年色彩一點都唔新朝嘅歌，係佢嘅情心和唱之下竟然變到非常有魅力！ 佢就好似一支萬用雞尾酒，任何嘢畀佢溝落去都突然間會變到非常之時髦！

眾位聽眾等都聽得如癡如醉～

有位女聽眾大叫：我要成為朵迎春花！！

覃珚亭内心感嘆：嘩！遊子風真係化腐朽為神奇呀… 唱恭喜恭喜都可以唱得感情深！

唱完迎春花後觀眾都開始很主動 ，觀眾開始已經任意點歌了" 我要聽賀新年"

" 我要聽恭喜發財"

"想聽歡樂年年，之後係拜年"

遊子風笑著: 好， 逐個嚟， 首先"賀新年"...

遊子風認真情深唱:賀新年　祝新年　新年哪　年連年爆竹聲聲催的響又遠

賀新年　祝新年　新年哪　年連年

歲月悠悠光陰如箭

回首往事如煙　痛苦辛酸

寄望從今　萬事如願。~

然後突然停止了，遊子風尷尬地說: 哎呀，我唔記得歌詞。

"吓……唔係掛"觀眾聽得有點掃興。

然後他向覃珚亭打眼色，覃珚亭醒目地接著維持氣氛: 唔緊要， 我哋精彩節目陸續有嚟！接下來係我哋嘅壓軸環節，我哋會選出一位幸運兒，可以上台同我哋嘅主音遊子風合唱一曲，有邊位想上嚟唱歌呢? 然後有一堆女觀眾開始舉手，覃珚亭看見有一位中長攣頭髮梳著孖辮，皮膚白皙，長相清純可愛，穿著校服和加一個紅色娃娃毛毛斗篷的中學生，舉手最快。

覃珚亭笑着: 就係呢位紅色斗篷嘅妹妹啦! 今次可以合唱嘅幸運兒就係你啦!有請！

那位紅色毛毛斗篷的女學生，急不及待衝上台上, 覃珚亭用著歡迎手勢示意站到遊子風身旁邀請她介紹自己，但那女學生卻有意無意大力推開覃珚亭，用厭惡的眼神盯他一眼。覃珚亭被整個推開失去重心跌倒了！

"哈哈哈……"整個台下都爆笑，覃珚亭內心不是味兒，只好尷尬慢慢站起來，心裏想: 呢個學生妹明明有書讀，但係無修養又無禮貌，點解好似好唔鍾意我咁嘅?

那位女學生理所當然的無視了覃珚亭，還一手翹著遊子風的手臂，遊子風都一臉錯愕的，只尷尬地說:Helen，你今日唔使返學咩?

Helen搶著麥克風向觀眾說:大家好！我叫Helen,我係伊利沙伯中學嘅學生，今日係平安夜所以學校早放，我專登過嚟捧我情人遊子風場。

"吓… 遊子風情人係學生妹?" 眾人都一臉錯愕，台下議論紛紛...

Helen肆無忌憚還向大家宣洩主權還強調: 無錯，我就係遊子風嘅女朋友!

遊子風急忙否認: 呢位小妹妹，你真係風趣幽默， 你太識開玩笑啦! 現在我都係寡佬一名,我係無女朋友亦都無任何情人㗎。

Helen失望扁嘴說:吓，你竟然唔承認我? 我哋明明係一齊住㗎喎!

眾人又再哇言"吓，呢個不羈浪子真係夠風流啦"

" 咁都得嘅,好唔負責任呀?"

"私生活太唔檢點啦！"

Helen瓜田李下的言論，就算平時處之泰然的遊子風， 現在都覺得一額汗，立即冷靜反駁:helen ，你只係我房東個女，我哋一齊住係唔出奇嘅!你係同你媽媽一個單位，不過我都有自己一個小單位住㗎，小妹妹講嘢一舊舊，大家唔好諗太多呀~

"哦，原來係咁"眾人恍然大悟，立即緩和尷尬的氣氛。覃珚亭直覺也認為只是helen一廂情願的單戀，也沒有相信helen和遊子風是有一腿的。覃珚亭內心雖然對helen沒有什麼好感，只覺得遊子風都有慌張尷尬的時候，覺得有趣。但為了維持歡樂的聖誕氣氛，也大方上前問helen:妹妹，你打算同遊子唱咩歌呢?

HELEN仍然是捉實遊子風的手臂不放，她嬌俏中帶神氣地說: 我就一早諗好啦，我要同遊子哥哥一齊唱only you。

覃珚亭就繼續擔當司儀角色:好，遊子同尼位來自伊利沙伯中學嘅小妹妹，合唱only you。

遊子風勉為其難地也一定要配合開始結他前奏和Helen在台上合唱"only you"。

結他聲" 登登登……登登……登登……"

Only you can make all this world seem right

Only you can make the darkness bright

Only you and you alone can thrill me like you do~~

Helen合唱時情深款款的看著遊子風，遊子風卻故意閃開這種眼神，反而望向眾位觀眾！

終於合唱完 only you後，Helen依依不捨離開舞台，遊子風就問覃珚亭:亭弟，你要唔要自己solo表演下呢？

覃珚亭搖頭: 我唱歌普通，又唔識搞氣氛，依家應該可以喺台下派書籤同埋收小費，不如你繼續solo維持個好嘅氣氛好過啦!

遊子風:又好。

覃珚亭去台下派書籤紀念品給觀眾，遊子風的女擁躉們已經急不及待放下矜持上台和遊子風交流合唱聖誕歌，台上非常歡樂。覃珚亭搖頭嘆息自言自語: 大家都係為圍住傻佬轉，我點睇都似個小配角呀！覃珚亭一邊拿著鐵盤一邊派書籤，都有觀眾給零碎的幾仙錢，突然有一隻修長的玉手，放了三蚊入鐵盤。覃珚亭心想:又有豪客？

覃珚亭都未有時間留意是誰，就立即向這位豪客遞上書籤，感激說:多謝你支持，祝你有個美好嘅平安夜呀!

豪客接受書籤又說:你頭先有無戥親個屁股呀？我見到都戥你覺得痛。

原來是把颯爽中帶温婉的女聲，覃珚亭内心尷尬：自尊同屁股都痛啊～ 咦？呢一種香水味…覃珚亭內心一喜: 一千零一夜？唔通係神秘感？

然後才敢打量這個豪客，終於看清楚一千零一夜女郎的廬山真面目，女郎仍然是奧米茄的中長髮型，帶著白色粗頭箍，一雙白色大耳環，身穿淺藍色的長褸，白色樽領線衫，紅色灰色交錯的格仔短裙，白色鬆糕長靴，露出些小修長的大腿，女郎身形適中比覃珚亭高些少，她有一對不大不小的內雙眼皮，眼神清晰柔和。皮色不黑不白。面型偏圓嘴唇略厚。衣著時尚，氣質強勢，還化了煙燻妝，啞橙色唇膏，提著做工精細小巧的金色不銹鋼零錢袋 。看似成熟的女郎仔細看是長着一臉稚氣的娃娃臉，應該和覃珚亭年紀相若，相貌漂亮中不失可愛。

覃珚亭有禮感恩說: 多謝小姐關心，我已經無事啦!

女郎: 上星期我都有聽你地唱歌，嗰日好似係落大雨。我仲畀咗五蚊你哋，我依家身上淨返三蚊，希望唔好介意。

覃珚亭感恩說: 點會介意呢，最重要都係心意，多得你嘅支持我哋先可以繼續唱落去！

女郎: 其實你都唱得幾好呀，點解淨係唱咗幾首就唔唱嘅？

覃珚亭微笑道: 我都係呢個月先學人買唱，唔算唱得好好，不如畀我個經驗老到的拍檔唱返啦。而且好明顯我拍檔畀我受歡迎太多啦！我都係從旁協助佢比較好。

女郎認真正視覃珚亭雙眼說到: 睇你嘅眼神，都有啲心高氣傲，你都肯屈就協助你拍檔，你哋關係一定好好啦!

覃珚亭好奇問: 點解小姐你咁講嘅？

女郎:我有時去睇歷史展覽，見到古今中外嘅大帝畫像同雕像，只係覺得你嘅眼神有啲似佢哋，當然都有啲係例外㗎，唔係一概而論。

覃珚亭面露笑容: 小姐，你咁樣算唔算讚我？

女郎:嗯… 我都唔知算唔算讚你，我都係講返我嘅感覺出嚟啫。 因為有啲人都唔鍾意話佢似雕像，而我都只係覺得你眼神有啲似， 唔係話你個樣似雕像。所以直覺覺得你內心一定係有啲高傲，一定唔係貶義 ，就係咁。

覃珚亭:小姐，一睇就知你係一個有見識嘅人，你嘅直覺應該都唔會太錯，我的確唔鍾意屈服嗰啲蠻不講理嘅人。不過我拍檔係我香港唯一嘅好朋友， 就算佢風頭蓋過我，我都戥佢高興。

女郎遠觀遊子風:嗯… 咁你朋友應該都對你幾好， 咁你先會對佢好，我都希望你哋友誼永固。不過，我自己就一個朋友都無啦。

覃珚亭好奇問:小姐，你咁亮麗，有咩可能無朋友呀？ 應該有好多人想同你做朋友先係。

女郎: 我有酒肉朋友，但我無一個可以傾到計嘅知心朋友，去邊都係得管家同我，好悶。

覃珚亭: 小姐，如果你唔介意我同拍檔都可以做你朋友。 我覺得我拍檔都唔會介意，佢份人好闊達瀟灑。

女郎:嗯… 我都希望可以同你哋做到朋友，不過通常我同朋友嘅限期都唔長， 如果我哋可以玩到一年或以上， 我都好滿足。 如果中途鬧翻反面嘅，我都無辦法，都係意料之內。

覃珚亭見這位女郎表情木納，雖然沒有笑容但態度友善，覺得很有趣應該內心是受了什麼創傷: 邊有人一交朋友，就諗緊之後會鬧翻反面㗎，小姐，你太唔相信人啦！

女郎: 事實上我對交朋友係唔樂觀㗎， 不過唔緊要暫時我哋都仲係朋友，我姓黑，黑色嘅黑。你可以叫我Tiffany。

覃珚亭笑說:我姓覃，唔係陳李張黃何嘅陳，係譚姓唔要言字邊嗰個覃，覃珚亭， 你可以叫我做亭仔。

Tiffany伸出一隻手: 真係好特別嘅姓，你好，亭仔。

覃珚亭也伸出一隻手:你好，Tiffany。 你姓黑，都好特別呀 我都好高興認識你。

兩人禮貌握手，兩人都覺得對方的手非常冰冷， 都想快速縮開雙手，保持友好的距離。

Tiffany就在手袋中掏出兩張請柬，就說: 聽日我要出席個聖誕舞會，本來我唔想去，但係既然今日都識到兩個新朋友，不如你哋都陪我出席舞會啦！

覃珚亭一接收請柬，就嚇呆了:七國飯店內仙掌夜總會？呢個係新開嘅高級酒店嚟㗎喎？ 我...我都無靚衫可以出席呢個舞會，啲職員會唔會唔畀我入去㗎？而且我朋友聽日一定會著到好怪咁過去舞會，到時一定會失禮你嘅黑小姐。

Tiffany:唔緊要，有請柬就一定入到去，衣著就隨意啦。你哋兩個都係我朋友，無人夠膽唔畀你入去。

覃珚亭雖然有點緊張但都期待:多謝你呀，Tiffany黑小姐。

Tiffany: 多謝你哋賞面就真，明天準時見。唔阻你哋搵食，我走先。

覃珚亭遠望Tiffany身影離開了，在碼頭的另一角，有一個身形高大身穿深藍色水手服的年青男子，鬼鬼祟祟地監視覃珚亭和遊子風的互動。

他們的節目繼續最後都是遊子風的solo作結，眾多位觀眾都聽得如癡如醉 ，他們那天的平安夜晚餐， 雖然有很多女聽眾邀請他們一起吃飯 ，但他們都一一拒絕，因為今天的平安夜晚餐是在覃珚亭家中舉行， 打開大門就已經見到華姐預備了的豐富的西餐精緻的擺放在木造大枱上面 ，覃珚亭和遊子風心情極好好興奮！

覃珚亭：嘩！華姐，今年你特別豐富嘅！

咁就梗係啦今年多咗個朋友來！華姐笑瞇瞇說道～

真係有勞華姐！我哋仲帶咗聽眾送的火雞和小食紅酒！遊子風舉起兩邊手的紙袋得意洋洋的說到！

點起蠟燭，播著收音機的聖誕音樂節目，過了一個好愉快的聖誕晚餐！

覃珚亭覺得今年過得特別愉快因為之前的聖誕節很多時候都只有他跟華姐渡過～

餐席上覃珚亭得意洋洋地向遊子風講述了剛剛認識那個一千零一夜小姐的經過～

遊子風：能夠識到有趣嘅新朋友我都好期待！

覃珚亭：咁所以聽日我哋真係一齊去嗰個派對？ 如果你唔去我都唔去啦！

遊子風： 當然去啦！ 認識好朋友參加新奇嘅派對咁先至係生活嚟㗎嘛！

遊子風當然欣然接受。

覃珚亭望一望華姐，不知台灣的家人會不會不喜歡～

華姐心知少爺想法說道： 今次連華姐我都支持少爺你參加！ 呢間酒店好有派頭！ 去見識下當然好啦！ 等我幫你睇下有無啱嘅衫！

說完就衝到去了衣帽間～

覃珚亭和遊子風的互望雙雙微笑～ 期待著明天也享受著今天的晚餐！

其實對於遊子風來說，這快樂的聖誕晚餐也是他久違了的溫暖…

東洋雪姬

時間回到今日下午十二點十五分，劉記割玉厰正在舉行聖誕派對～

劉師傅笑着對覃珚亭說: 係咩，多謝喎!我覺得你華姐整嘅鹵水雞翼仲好味，有機會想拜訪下。係呢，放咗工你會去邊度玩呀?

覃珚亭心不在此，見到掛鐘已經指著十二點十三分就立即說道 :呀！我約咗朋友起碼頭練歌呀，我就先啦!拜拜...

放低餐具，匆忙的喝了一兩啖水，一邊拿起了外套和斜孭袋一支箭的打開工廠大門快步離開了～

劉師傅：喂！ 唔食多幾啖先走？

覃珚亭聽不到劉師傅這句大門就已經關上了～

劉師傅神色凝重雙眼好像在計劃什麼似的望著掛鐘。

"嘩，咁就走咗去，都唔捧場嘅，又唔留底做清潔，咁過份嘅。"陳家豪大聲不滿地說。

花姐就話:咪就係囉，淨係識食，食完唔做嘢做嘢打爛嘢，完咗就拍拍籮柚走。又唔留低一齊清潔。

陳家豪就話:係囉， 明明係佢負責做清潔，又咁快走咗去。

劉師傅不滿: 佢唔係淨係負責做清潔。豪仔， 你係劉記資歷最淺嘅後輩，由你入職嗰一刻起，你就係負責做清潔。本來諗住今日係平安夜大家可以放寬下唔需要咁急做清潔，但既然你都咁想清潔公司，今日就由花姐兩母子留低做清潔，我而家有嘢做要走先。

說完劉師傅也急腳下班，離開割玉廠，他即使下班都保持警覺性，無時無刻都留意四周和人流，他步行去到廣東道的小巷的一家不起眼的冰室，這冰室名叫菊花冰室， 無論裝橫和格調都非常普通，劉師傅鬼祟入了冰室，冰室裏面也是普普通通沒有什麼特別，有一位擔著口煙的夥計上前問:食咩呀？

劉師傅盯著夥計說:阿陽係唔係度？我有事搵佢。

夥計: 佢就係廚房。

劉師傅:太好，我去搵我老友先。

劉師傅就入了冰室的廚房，然後再由普通又凌亂的廚房通向小巷，廚房的夥記都對他視若無睹～ 廚房頭的小巷有三對門，一幢寫嘅廁所另外一幢寫著後門，再有一幢門寫著雜物房，劉師傅推開雜物房的，唔通劉師傅金屋藏嬌嘅位置就係呢度？究竟雜物房裏面係咩景象呢？原來雜物房裏面真係堆滿雜物同埋塵蟎，劉師傅還要搬開幾箱放滿玻璃樽的膠箱，吃力非常。推開膠箱之後發現 一扇窄小的小門，小門的大小是剛好夠一個人通過的。劉師傅進入小口，裡面有一道向下的樓梯通道， 走到通道盡頭， 又有一道門，打開這道門之後，是間暗室，裡面有一位穿著西裝戴著墨鏡的男子向他點頭，暗室裏面有一個趟門。墨鏡男子替他堆開趟門，發現裏面原來真的暗藏玄機，裏面竟然是一個的骨緻的和室，還有一個溫室的日式的庭園，雖然面積不大但真的非常雅緻，植物、橋樑、岩石、踏腳石、有耙紋的砂礫地以及石燈籠都一應俱全，非常有禪意的感覺。庭園露台還座了一個和風美人，美人身型嬌小纖瘦，長相典雅溫柔，皮膚白皙，擁有一雙知性如貓銳利的眼睛和一個高挺畢直的鼻樑，盤起頭髮是一位典型的和風美女。她身穿淡雅櫻花色的色無地高級質材和服，美人轉身柔聲: お帰りなさい，玉さん。你今日好早喎，お茶はいかがですか？

美人中日夾雜的言語，說話聲音悅耳動聽。她和劉師傅溝通，劉師傅居然可以聽得明，還說出一口流利的日語:唔洗啦！陽子さ，天星碼頭のセーラー服を準備してください。

那和風美人名叫陽子，陽子點頭柔聲:はい、ここに行ってください。

劉師傅跟著陽子來到另外一個室子， 裏面有各式各樣的服裝和配件道具，還有一堆有用的偽造證件，陽子姿態動作雖然優雅，但也很有效率地已經為劉師傅準備一件天星碼頭的水手服給他。陽子:何ができますか，玉さん。

劉師傅:もうない,感謝しません

陽子:では,お先に失礼します

劉師傅點頭示意，陽子就鞠躬退下離開。面對這樣善解人意又機靈出眾的日本美女，劉師傅都應對自然，究竟劉師傅是何許人呢？

現在變裝室只有劉師傳，他開始除低他頭上的假髮，又把臉上的假鬚根剝下，然後開始洗面，立即洗走面上的皺紋。原本看起來像成熟中年人的容顏，一下子回春， 皮膚變回彈性又有光澤，很簡單地變回廿歲出頭的年輕人。年輕人暫時不再是劉師傅，年青人一邊洗面一邊自言自語:唉，劉昇霖呢個角色真係好難做好辛苦呀，而且割玉真係好難好考功夫㗎，點解要設定我係割玉大師個仔呢？仲要日日都喺劉記對住花姐同娜姐個兩個麻煩嘅おばあさん，うるさいね!華人嘅女人全部都好粗魯又野蠻呀，國家嘅任務真係冗談です！

年輕人把割玉廠的工作服脫下，然後換上陽子為他準備的水手服和帽子。然後故意在臉上和身體塗抹比自己膚色更深色的粉底，營造一種經常日曬雨淋導致皮膚黑實的長期處於暴曬工作環境的感覺。現在年輕人喬裝成是一個皮膚黑實的普通水手，年輕人喬裝完畢就隨手拿起報紙。急速離開了菊花冰室，趕到天星碼頭，去監視他的目標人物。

…...過了幾小時，監視目標人物的任務暫時已經終止，水手裝年輕人又進入菊花冰室，夥記示意: 男厠無人可以入去...

水手裝年輕人又經過剛剛的路徑去到秘密和室和陽子會合，陽子問:玉さん,ぼちゃん今日有咩新動靜?

水手裝年輕人回憶剛剛的片段: 唉，一如既往， 都係同佢嘅結他君繼續喺海旁賣唱，據我觀察街頭賣唱暫時都無咩不利，都唔需要太過阻止，不過ぼちゃん，今日好似識到一個家境唔錯嘅女仔，呢個女仔好快就約咗佢聽日去聖誕派對，結他君都好似有份去。

陽子微笑:え~咁快就識到個女仔，あの様々びっくりですね。

水手裝年輕人皺著眉頭說: 我就覺得一啲都唔似，あの様々高雅、認真、努力太多啦！

陽子微笑: 玉さん, 我仲以為你一直都希望ぼちゃん就係你想搵嘅人添。

水手裝年輕人皺著眉頭說:じゃない， 我只係覺得佢係最大機會，唔代表我確定佢就係我哋想要搵嘅人。不過...個個女仔咁快就想約ぼちゃん，實在太可疑，聽日我一定要潛入聖誕派對，查清楚嗰女仔係咩身份，都唔知係咪邊度派嚟嘅刺客，想博取ぼちゃん信任，再對佢不利。

陽子: 咁你盡快查清楚呢個女仔嘅底世啦， 仲有你覺得結他君有無可疑?

水手裝年輕人: 據我初步調查，結他君時都無咩可疑。唉，ぼちゃん呢幾日成日都同佢形影不離， 我都無咩機會深入調查結他君。不過，今個星期六，ぼちゃん 要去報館面試，我趁嗰個時候就可以跟蹤結他君。雖然結他君唔似有咩威脅性，點睇都似係一個"馬鹿バガ"，不過都唔可以對佢掉以輕心。

陽子: 明白，以防萬一都好嘅,気をつけてください

水手裝年輕人: はい，わかりました!

陽子點頭鞠躬退下，水手裝年輕人到變裝室，他又再次卸妝，脫下水手服，換上送外賣的服裝,他拿着菊花冰室的外賣飯盒離開冰室。今晚是平安夜，年青人完成了今天的工作終於有私人時間，都差不多晚上七時了，這刻才是真正的下班。年青人心想今年的平安夜也要獨自過了。 年青人透過送外賣回到自己的住宅。年輕人由廣東道行去棉登徑，原來年輕人的住宅是位於棉登徑的一所高級住宅大廈，大廈一共有八層， 大廈管理人向他點頭，年輕人入了升降機，按了七字，原來年青人住七樓。他進入自己的單位，目測是千尺單位，單位裡的風格是走三四十年代的美式復古風，這種美帝西化的設計風格，在六十年代的香港都算很有格調又不會覺得過時。

年青人脫下送外賣服裝，又換上西裝，系上領呔，還有吊帶西褲，棕色西裝長褸。穿上英國訂做的高級黑色皮鞋，再戴上紳士禮帽。 由於他身材高大，頗有氣場。由不起眼的送外賣年青人，氣質又轉變了， 成為一個貴氣的復古紳士，他這種四十年代曾經是最時髦最時尚的打扮。在現在一九六十年這種打扮已經是非常復古， 和他家居的設計風格非常合襯。他一直偽裝自己是劉昇霖這個地道香港老粗大叔的身份，原來私底下的品味是如此古典和講究的。

年輕人順手沖了一杯americano給自己，打開外賣飯盒，表面上是冰室的港式飯盒，但一打開就發現是一盒用日式包裝的精美便當， 裏面是陽子寫給他的便條:"メリークリスマス、これは私の作って法日料理です。御ゆっくり使ってください"

年輕人期待的微笑，享用陽子為他準備的法日料理，年輕人嘗了一口法國鱸魚但加了一些日式的味醂，味道都算融合，年青人一邊喝咖啡一邊享用他的晚餐，但年青人好原來好奄尖嘴刁， 吃完便當就自言自語: 味道太淡了，陽子小姐的手勢有待改進...

吃完晚餐,年青人就執拾餐具,隨意地執拾家居，打算外出走一走感受香港的聖誕氣氛，他步行去到半島酒店底下的歌廳消遣，獨自慶祝平安夜。未到歌廳，已經傳出一陣陣老外所唱的爵士樂曲，年輕人進入歌廳，就有酒保接待:原先生，你嚟咗喇!

陽子一直都稱呼他玉さん,玉さん只是他的代號並不是真名。所以年輕人在外就化名為原玉。原玉沒有作聲，只禮貌微笑，酒保已經為他準備了一杯X.O。原玉並沒有和其他人交流，只是坐在吧檯閉上眼睛聽音樂，感受聖誕節氣氛，享受下班的私人時間。

原玉在心口摸著自己的陀錶，打開陀錶發現有一張小型的黑白色合照，原玉摸著這張小合照，自言自語: 究竟幾時先可以回復原狀呀？

就這樣，原玉在享受又帶點寂寞的氣氛下過他的平安夜。原來這就是劉師傅的下班生活。

到了聖誕節當天,七國飯店那個聖誕派對是晚上七時才開席，覃珚亭約了遊子風晚上六點在天星馬頭等。覃珚亭正在苦惱如何穿搭赴約呢? 因為家中一件像樣的禮服西裝都沒有，華姐都替他想辦法， 但都毫無頭緒，覃珚亭問: 我係台灣過嚟嘅時候真係一件西裝都無?

華姐:有，但係你經一早唔啱著啦，少爺!

覃珚亭:我好似連一對皮鞋都無喎，我好驚去到畀人笑呀點算好?華姐。

華姐:嗯，其實呢啲聚會斯斯文文就得啦，少爺你只要著條長褲就可以遮住對鞋。我可以攞你以前套校服上身，再加件冷衫扮西裝，咁咪得囉!

覃珚亭: 咁咪好寒酸囉？

華姐:唔會…你唔好除冷衫咁咪得囉，加上少爺你個樣成個中學生咁，唔會有人咁在意你嘅衣著㗎。

覃珚亭: 唯有係咁啦！

最後覃珚亭穿上以前的校服襯衣，加一件棗紅色的冷衫，一件長長的灰色西褲遮蔽裏面穿著工作鞋。 再提了一個手提皮包。真像一個中學生，華姐認為這樣是最合適的打扮，但覃珚亭都有點不自在，心怕自己會在大場合失禮。但在沒有選擇的情況之下唯有是這樣。到了下午五點五十分，覃珚亭就步行到天星碼頭會合遊子風。遊子風今天沒有穿大紅大綠的古怪衣服，也沒有特別新潮。反而是他當教書先生時穿的正統卡奇色的西裝，加一副金絲眼鏡。今天看起來特別穩重可靠。這種打扮去高級酒店的派對應該是很穩妥的。遊子風見到覃珚亭像中學生的打扮，就打趣笑說:嘩，你今日好似我嘅學生, 不如我今日做住你一日老師啦，你叫我遊先生啦！

覃珚亭苦笑: 唔好啦，你又唔係大我好多! 係呢，我屋企都係無一件似樣嘅衫，我咁樣著會唔會失禮黑小姐呢？

遊子風: 唔怕啦！老實講，你個樣似十三四歲，就算著錯衫,啲人都會原諒你。

覃珚亭:唉，我都係有啲緊張呀。

遊子風笑說: 有咩好緊張啫，到時飲醉咗就唔知自己做緊乜，就算做咗失禮嘢，之後又唔使見返佢哋，驚咩呀？要驚都係黑小姐驚，佢都唔驚仲邀請我哋，我哋又使乜驚呢？

覃珚亭: 你真係好厚面皮，你都唔好失禮黑小姐呀，不過我台灣daddy係禁止我飲酒!

遊子風: 放心啦，今晚飲完都無可能會傳到去台灣嘅！而我去到一定係淡定又得體，唔會失禮任何人。

七國飯店位於灣仔告士打道，他們預早了時間，以免迷路遲到，一起乘渡輪去灣仔，那時維多利亞港還是好闊坐船大概二十分鐘，遊子風一邊哼歌仔 ，一邊看風景好愉快懷著興奮嘅心情。相返覃珚亭看看風景突然低下頭，看到自己舊舊的工作鞋， 在看看已經幾年沒有穿的校服， 突然間不好的回憶在腦中響起： 學生甲：嘩你係台灣嚟㗎？我老豆話台灣仔好落後㗎！

學生乙：嘩～唔係啩呢個咁簡單嘅英文都唔識嘅！

學生丙：佢話識日文㗎真係好得人驚㗎，一定喺漢奸啊！又話自己係台灣高官個仔喎我睇過喇佢個飯盒好普通都唔似有錢人嘅！ 講大話嘅，佢一定係台灣呢嗰啲鄉下仔只係漁民個仔呀！

沉醉在悲傷的回憶突然間，遊子風：亭弟～ 你無事吖嘛！咁好嘅風景你都唔欣賞下？今日嘅日落好靚喎？

幸好身旁有遊子把他從悲傷中拉出來～

覃珚亭：無… 即係諗返起啲童年往事…

遊子：哦…！

遊子好淡然對沒有追問嘅意思，覃珚亭：我呢…都未同 其他人講過㗎包括daddy囉同埋華姐…我…十二歲那年來香港生活，就只有華姐同我，那時讀中學呢同學對我都....

七國飯店離灣仔碼頭很近，差不多六點四十五分就到仙掌夜總會。

另一邊廂原玉因為沒有請柬，但他一定要潛入七國飯店的派對。所以他正在菊花冰室的秘密基地和陽子一起想辦法，現在是下午四點正。原玉已經物色了合適的衣著潛入今晚的派對，他穿了土黃色的貼身衫和土黃色的貼身窄腳西褲，一身土黃色的緊身衣造型，穿了黑色的鬆糕皮鞋。還用噴了大量髮膠梳了現在最新潮的飛機頭髮型。陽子嚇呆了:玉さん, 你肯定呢種醃蘿蔔嘅顏色打扮真係可以胡混到入去?

原玉自信: 我呢個造型和髮型，係現時美帝最新潮，最前衛嘅造型。この服はとても洒落です，照我估計，佢哋呢種派對應該係屬於不三不四嘅飛仔派對， 唔似係我地貴族嗰種正式舞會，所以， 我應該要著得最洒落，就應該無錯。

陽子反駁:ても,洒落過ぎる。玉さん, 聽問你好喜歡美帝嘅流行文化，你知唔知你嘅身份係唔可以咁喜歡美帝嘅，我哋都好擔心你，我諗我要同上頭講聲。

原玉有點緊張的說:やめろください, 我只係要掩飾我嘅身份，咁做係分散其他人嘅注意力。並唔係真係喜歡美帝嘅流行文化， 我最喜歡都係傳統嘅大和文化。陽子小姐，請你唔好誤會。

陽子也用她的纖手順便整理一下原玉的前衛新造型，搖頭柔聲說: 希望你今日任務成功，気をつけてください 。

陽子離開了，原玉打算早啲過去七國酒店，見到目標人物，才一起混入舞會。原玉非常早到，大概六點半就到了， 他躲藏站在一旁監視目標人物是否先到，到了六點四十五分， 就看見了兩個目標人物都雙雙到場，由於他沒有請柬，他打算若無其事，大搖大擺入到會場。可是，酒店職員就欄截他，職員: 先生，你無請柬係唔可以入去。

原玉淡定回答: 我漏咗請柬喺屋企，唔記得帶!

職員正在猶豫的時候， 另外一位年資比較高的酒店經理，出來喝止住他: 先生，呢個晚會係唔歡迎閒雜人等㗎， 請你快速離開!

原玉無奈心想:唉，行動失敗，先撤退。

原玉打算離開的時候，還聽到酒店職員對他說三道四: 死飛仔，著到鬼五馬六綠喺度呃飲呃食，品味又差。

另一個酒店職員又說: 咪就喺，鄉下仔喺度充闊佬。

原玉聽完，十分氣憤,但他也不能暴露身份心想: 你哋知唔知我係邊個呀，我身份分分鐘高貴過你哋係場內每一個。

然後又見到兩位目標人物都出示請柬可以成功入場，原玉內心焦急，因為進度拖慢了，他就快速地在附近的西裝店用組織的公款買一件得體的西裝，再梳一個正統的髮型，繼續潛入去，還自言自語:美帝真係無好野，早知聽陽子小姐講，著普通嘅西裝入去就得。

他眼見脫下來那醃蘿白色的所謂美帝最新潮的緊身衣服都覺得眼冤，一手把緊身衣撕毀，掉去垃圾桶。最後他加緊速度，趕到去會場，斯文有禮地向職員揮一揮胸前的徽章，還說：我是黑小姐朋友。

酒店職員竟然認不到他，就算沒有出示請柬，不知為何都給他入場，原玉暗喜：原來唔需要美帝嘅偽裝，原本嘅自己就係最好嘅入場券。

終於可以順利成章地監視他兩個目標人物。

覃珚亭和遊子風，順利進入會場，時尚的音樂已經在場內伴奏, 場內都是五光十色的燈光比較昏暗。Tiffany已經一早到場等候他們，Tiffany今天是不再是奧米加髮型，而是微曲的中長髮，戴上了淺藍色的髮帶圍着額頭，穿上白色碎花喱士短裙，袖口位長袖喇叭型的，還有黑色的中長皮靴。畫了一對貓眼線和塗上裸色唇膏。今天的香水味和平日有點不同，是橙花味的香調。看起來狂野俏麗中又不會太過張揚，很符合她時髦亮麗的形象，Tiffany友善: 你哋今日肯嚟，實在太好喇!

覃珚亭: 多謝你邀請我哋就真，呢位就係我嘅好朋友遊子風呀!

遊子風風騷打招呼:hello,黑小姐。

Tiffany:hello, 我叫tiffany, 你哋有無洋名? 陣間我會同朋友介紹你哋，洋名會比較方便。

遊子風:我有，我洋名叫 Henry。

覃珚亭猶豫說:我叫 Louis。

Tiffany:好名 !Louis Henry，你哋一陣咩都唔使講,配合我就得㗎喇!

雙子雖然不知道是什麼情況, 但都點頭配合。

不一會兒，有一把男聲:tiffany，你兩個朋友到咗喇?

他們一轉身發現有兩男一女，是兩個身形高大略胖的男子和一個身型適中眼睛大大穿黑色禮服長裙的女子。Tiffany回答: 係呀，佢哋已經到咗喇!

有一位男子伸出手說問: 我係來自朝鮮權氏子爵嘅大仔，我叫權赫。

另一位男子說: 我係二仔，權彬。

權氏兄弟友好友好地與覃珚亭和遊子風握手，另外一個女子自我介紹:我係汶萊蘇丹公主嘅後人呀，我叫吳曼提，好高興認識你哋呀。

吳曼提的語調比較有悠漫，看起來都比較有友好沒有攻擊性的。

權赫問: 請問兩位係邊度嚟㗎?可以介紹下嗎？

Tiffany的朋友看來都是大有來頭，不是爵士就是公主後人。遊子風和覃珚亭一臉惘然，只好尷尬地硬笑，覃珚亭心想:其實我台灣daddy都係國民黨嘅高官，曾經都好風光㗎，我係咪應該同佢哋介紹我係台灣人呢?

正當覃珚亭正在疑惑的時候，tiffany已經幫他們回答了: 呢位係louis，佢都係日本男爵嘅後人。另外戴眼鏡呢位係Henry，佢係泰國皇室嘅人。

聽完Tiffany為他們杜贊的身份，覃珚亭非常緊張心想: 點可以話我係日本人㗎? 依家好多香港人都唔鍾意日本人，竟然話我係日本人，咁都得?

而遊子風非常疑惑,為什麼突然變成泰國皇室的人? tiffany叫他們配合也只好配合，吳曼提也很好奇看著遊子風:泰國皇室? 咁咪同汶萊好近囉? 點解你咁生臉口，我好似係無見過你嘅?

tiffany又再狡辯: 見過啦，泰國皇室咁多人，你有乜可能會記得曬喎?

吳曼提仍然是很疑惑，但tiffany向吳曼提打眼色，吳曼提才改口:哦，可能我真係見過你，我認人好差㗎!

遊子風這時醒目地微笑合掌行禮用泰語打招呼:沙華啲卡， 水擘擘，亮晶晶!

覃珚亭突然記得一句日語也向他們行禮打招呼: 初めまして, 僕は Louisです。

TIFFANY非常欣賞他們的應變能力，總算胡混過關，Tiffany幾個朋友都相信他們的身份。

權赫: 咁我哋唔阻你喇，我有嘢做，你哋慢慢玩啦!

權彬風騷說: 我陣間負責做司儀呀，可能會請你出來表演跳舞呀，你哋練習定先啦!

吳曼提: 我有幾個印度朋友到咗，我要去招呼佢哋，一陣見。

tiffany笑說:好，一陣見。

兩男一女都走開了，覃珚亭非常疑惑問:tiffany， 究竟發生咩事呀?佢哋來頭好似好厲害，點解無啦啦話我係日本人呀?

tiffany: 你哋又識泰文又識日文, 咪扮住一日泰國人同日本人囉，舞會完咗，其實大家都好少聯絡，咁咪當玩下囉。

遊子風: 有酒飲又有嘢食，其實我都唔介意，Louis你淡定啲啦!係呢，tiffany小姐，我都想想知道呢個其實係一個咩派對? 佢哋好似來頭唔細。

tiffany解釋: 其實今日係東亞區貴族後人，流浪喺香港嘅圍爐派對，我屋企人叫我識多啲人，所以都想我喺度識多啲公子哥兒，但我又唔想同佢地social，所以就叫埋你哋陪我，希望你哋唔好介意當幫個忙。

覃珚亭: 當然唔會介意，不過佢哋身份好似好高貴， 我怕我哋會失禮你呀!

tiffany:其實... 話就話伯爵子爵後人，好多地方都畀美國打擊都無咗貴族制度㗎啦，好似權氏兄弟咁，佢哋都係落難先逃去香港，其實都好落泊㗎。你當佢哋平常人看待就得㗎喇，加上你哋咁醒目唔會失禮我嘅。

場內有侍應抬著雞尾酒和果汁給他們，tiffany帶他吃小食，tiffany: 今日除咗酒店提供嘅食物之外，佢哋都整自己嘅民族小食分享畀大家，有日本壽司啦，印度薄餅東南亞菜式，呢個係朝鮮嘅泡菜煎餅,仲有東北菜鍋巴肉。好好食㗎,你地都試下啦!

tiffany盡地主之宜都把小食夾落他們的碟中，覃珚亭好奇問:唔通tiffany，你都係朝鮮人?

tiffany搖頭否認:唔係，不過都好近。

覃珚亭又猜:日本人?

tiffany搖頭否認:都唔係，我祖籍都係北方人。

遊子風就猜:哦，唔通你係滿人，滿洲貴族?

tiffany笑說:哈哈，你估啱咗!我家鄉喺長白山，我的確係滿人。

遊子風又笑着行禮: 原來你係清朝格格，格格吉祥。

tiffany: 清朝都無咗喇，唔係格格啦！我而家屋企只係做生意。

覃珚亭: 我屋企有半關於清朝歷史嘅書呀，黑小姐係旗人，可以知道黑小姐嘅漢姓，追索返知道你係來自邊個家族㗎。

tiffany:好呀，咁我唔開估我嘅滿洲姓氏，你估到就話我知啦。

他們三人有說有笑，相談甚歡，突然又有一把男聲:"麗熏, 稀客啊,你已經有三年無嚟喇!"他們回頭一看有幾位高大男士，長相有點囂張和兇惡。

麗熏應該就是tiffany的原名，她冷淡又不耐煩地說:係呀！

有位男子説：做咩唔整嘢食來呀？個個都要整喎!

tiffany敷衍地回答：你整咪得囉，我哋都係同鄉！

原來幾位男士他們都是正黃旗正白旗的滿州後人，當Tiffany打算轉身離開無視他們的時候，幾位男子欄她又說：佢哋係邊個嚟㗎？

tiffany冷淡又不耐煩地說:朋友囉！

又有男子說：咁你都要介紹下啲朋友俾我哋識㗎嘛！

tiffany敷衍地回答：Henry佢係泰國皇后陛下嘅姪仔, Louis佢係日本男爵個仔。我已經介紹完啦，唔該行開借借。

男子不滿地說：嘩，你真係越大越無禮貌，講嘢咁屈一啲尾音都無，大舅父係點教你㗎？不過我大量唔同你計較。

男子打量亭峰兩人，質疑地說：泰國皇后陛下嘅姪仔?點解之前都無見過你！

遊子風只係傻笑扮聽唔明廣東話，又嬉皮笑臉地用唯一懂的泰語打招呼：沙華啲卡， 水擘擘，亮晶晶!

tiffany冷淡：泰國皇室係好神秘，透明度好低㗎，你唔會識晒所有人。加上佢淨係識講泰文同英文。表哥，你英文咁差，係唔會同你溝通到㗎。

男子不滿：唉呀，死妹釘，你咁樣同堂哥講嘢啊？我英文差？聽講你英文都唔係好好咋，咁囂張不如講幾句俾我聽吓啦！

tiffany敷衍冷淡說了幾句英文：how are you,I am fine， now I am very busy,thank you ！好啦，講完啦！

如此敷衍，男子更加不滿，決定現在為難覃珚亭：妹釘，嗰個口靚仔又係邊家人個仔啊？係日本咩家格呀？可唔可以講清楚啲呀，日本嘅貴族我應該會熟好多，！

tiffany無奈的表情返了白眼：佢係…近衞家，我唔係好記得叫咩名，總之係近衞家男爵嘅個仔囉！

男子戚咀陰笑：哼！日本五攝家嘅近衞家。唉，表妹，你唔熟就唔好亂講啦，近衞家係日本係好高級呀，有咩可能只係男爵嘅個仔，咁紙級呀？

tiffany深呼吸了一下冷靜回答:咁佢係分家個仔囉，而且佢地都好多分支，都好似我哋一樣㗎，你點可以質疑小弟弟嘅身份啦？加上Louis真係未成年，仲讀緊中學，你唔係要為難個中學生啊？

tiffany: 我失陪先啦!

男子很不滿囂張的tiffany，但都沒有辦法，男子遠觀看到有一個人可以證明Louis的身份，然後戚咀奸笑: 唔係呀嘛，嗰個咪近衛? 一講曹操曹操就到!

然後一手拉着那個叫近衛的人，竟然就是原玉，原玉很是尷尬， 很想逃離他們。男子們: 近衛，你幾時嚟到香港㗎?

原玉否認: 我唔係呀，你地認錯人啦！

男子們: 你做咩唔認呀? 你家格咁高級，唔使咁謙虛喎?

有一位男子說: 但係，呢個人嘅廣東話好標準喎，真係來自日本嘅近衛?

原玉:係呀，我係好地道嘅香港人，唔係日本人呀， 你哋真係認錯人啦!

男子大聲笑說: 我認人最叻嘅，你真名叫做近衛赤心， 雖然係日本人，但係幾年前係瑞士留過學, 同房係香港人，日日同個香港朋友溝通，所以先識講我哋嘅話㗎， 你咁好認，我點會認錯呀!

原玉自認為係一個專業嘅日本特務，竟然被一個滿洲男子大大聲說出他的身份，對於特務來說是非常危險的事，他這次實在太大意啦!竟然被人發現他的真正身份，都嚇到一額汗。原玉一手按著男子的大嘴巴， 拉著男子去一二角，細聲地緊張說: 我知你姓他他拉， 我都知你認得我係邊個， 但我唔想咁高調畀人知道我來咗，我想低調啲，你唔好大大聲響我個名，當幫忙啦！

他他拉: 得啦，我而家都唔姓他他拉，我改咗姓譚啦！咁鬼鼠做咩啫，係啦，近衛，我想問嗰個靚仔係咪你地嘅人呀？ 如果佢係白撞嘅，我哋一齊教訓佢。

原玉真名是近衛赤心，近衛伯爵之子，來香港是有任務在身，近衛赤心敷衍應付譚先生: 係呀，佢係近衛家嘅人呀，我真係好忙， 好對唔住，失陪先啦!

近衛赤心終於脫離了這個姓譚又不知情識趣的人,好在目標人物掛住吃喝玩樂沒有留意剛剛他們的對話, 他遠望目標人物正在喝了幾杯雞尾酒， 這時候我突然停下音樂台上開始有人說話:登登登登...一九五八年第十四屆東亞守貴會聖誕晚會，現在正式開始，我係你哋今晚嘅主持人，我係來自大韓民國嘅權彬，琴沙喊咪打! 今晚無論係咩國籍，都要好好享受今晚嘅聖誕晚會，因為我哋個會嘅宗旨係世界和平，無論世代點樣改變都好 ，都唔好忘記我哋本來嘅身份，維持優雅嘅存在， 係唔係呀?

台下眾人歡呼拍手，權彬: 我見今晚有好多新嚟嘅面孔呀， 多謝你哋出席呢個晚會呀! 不過，你哋知唔知你間酒店舊年，曾經…曾經發生失蹤事件！ 最得人驚係 ！事主到依家都搵唔返！你哋話驚唔驚！？可能，今晚狂歡過後會無啦啦失蹤呀！小心會俾人標參呀！講下講下我都有啲驚啊！

台下歡呼，有人大叫: 咪生人唔生膽啦! 就算係都可能係因為你飲醉酒咋！

權彬厚著面皮反駁: 事實上我真係驚呀，你知我都係身驕肉貴出生㗎喇。不過，我有哥哥肥赫保護我， 我先可以安全過到嚟香港咋。

台下有人大叫: 咁細膽，返韓國食泡菜啦!

權彬厚著面皮反駁: 啋過你把口，我暫時唔想返去! 依家有請自願上台表演嘅嘉賓唱歌先，首先係我哥哥權赫獻唱一首朝鮮民謠阿里郎。又請肥赫上台。

眾人拍手歡呼，台上就響起一陣有朝鮮民族色彩的音樂伴奏，權赫就開始獻唱一曲。

此時，近衛赤心聽到”失蹤”，”標心”呢啲字眼，就突然緊張起嚟，本來心正在擔憂，怕被人叫出真實名字身份從此曝光，會被上頭認為行動失敗，正計劃是否需要撤退，但聽見主持人起這間酒店去年有人無故失蹤，到現在都找不到。 近衛赤心自言自語：唉… 留低嗰隻遲鈍野，有啲乜嘢冬瓜豆腐最後咪又係麻煩我 ， 加上留喺度都係責任，無辦法啦！

他又怕目標人物會有危險，便跟自己講在責任上不能現在離開。

而覃珚亭終於搞清楚這班是什麼人了，內心有點孤影自憐，心想: 佢哋就好啦，雖然都係落難貴族，但起碼都有個身份。唔似得我咩都唔係，返工仲要畀劉師傅佢地欺負。台上個位肥司儀，咁滑稽都竟然係朝鮮貴族， 而且仲有個哥哥保護佢， 但都唔知有無人肯保護我， 我身旁嘅好朋友遊子， 佢可以陪我笑，陪我玩，陪我嘻嘻哈哈， 但如果去到重要關頭，唔知遊子會唔會仲係我身邊呢？ 佢有時都好似唔係好靠得住，會唔會只係酒肉朋友？

而遊子風現在內心正在異想天開，心想:我係個孤兒，我身世都無人知，係個謎，會唔會好似黑小姐開口中，我唔通真係泰國皇后嘅親戚呢?

遊子風是很認真思考這個問題，還向覃珚亭商量:亭弟，我頭先諗咗好耐，我有諗過我會唔會真係泰國皇后嘅親戚呢?首先我係個孤兒，其次我真係好鍾意食榴槤，以前孤兒院如果有人送榴槤，我都可以一之過食曬一個榴槤㗎，我都好鍾意榴槤飄香呢首歌，所以...所以可能上天透過今次晚會話比我知，我好大機會係泰國皇后個仔呀！

覃珚亭呆咗，冷靜回答: 哈哈，係呀！雖然我唔係好識，但據我所知榴槤應該係大馬最出名嘅，應該唔關泰國事。

遊子風搖頭說: 都差唔多，泰國都有榴槤㗎， 如果有機會我都想返去泰國尋根呀，唔知黑小姐可唔可以幫到我呢？

覃珚亭突然對旅行的話題也很有興趣:如果有機會去泰國我都想去呀，聽聞泰國嘅海島都好靚㗎，不如我哋一齊去囉。

遊子風和覃珚亭在會場又吃又喝與tiffany相談甚歡，都非常愉快。又有些穿和服的日本來賓,誤以為覃珚亭真的是日本人，會用日語和他搭訕，覃珚亭依稀記得台灣生活的時候，都常說日文， 都能夠勉強地應付這些簡單的日語寒暄。

至於tiffany都沒有與其他公子哥兒社交寒暄，一直都是與雙子閒談，她拿着香檳杯看著他們，內心覺得愉快，心想:之前都覺得呢啲聚會好無聊，但今年氣氛又唔錯喎!唔通真係因為多咗兩個新朋友?唔通平民真係比貴族好?佢地兩個都應該係知已關係，如果我都有知已就好啦！

不知因何Tiffany這種有身份不缺資源的大小姐，竟然羨慕雙子起來，有時真係你睇我好，我睇你好呀。

台上幾個嘉賓都已經唱完歌，權彬又在台上主持:今晚呢東亞守貴會，會抽出一位幸運兒負責擔當我哋嘅舞台王子或者公主喎，究竟邊個咁幸運呢?

覃珚亭內心就不希望是自己，因為今天狀態不是太好，不想在這陌生的舞會過份高調。

至於遊子風喝完幾杯雞尾酒和紅酒，已經稍有醉意，整裝待發不停扭腰，手舞足蹈地說: 舞池上嘅王子仲唔係我? 我已經stand by好準備去跳舞。來啦！

聚光燈正在隨機亂掃，權彬在台上主持:spotlight會隨機射中一位幸運兒㗎。登登，就係你啦！今年舞台上嘅王子就係呢位幸運兒啦！

聚光燈不停閃耀，竟然射中了近衛赤心。權彬興奮地說: 就係你啦，唔好走呀!你就係今晚嘅舞池王子呀! 先生，你叫咩名呀? 你係來自邊個民族㗎?

近衛赤心非常之緊張，覺得參加這個舞會真的很不幸, 麻煩的是一件接一件，權彬下台打算訪問這位幸運兒，近衛赤心都故作淡定打算杜贊一個假身份去忽悠他們，心想: 一陣就用普通話對答，話自己係來自台灣做物流嘅生意人，係朋友畀請柬我，所以先有幸呢到今次嘅晚會，咁應該佢地就唔會再追問落去!

本來已經想好如何對答，但那為他他拉氏譚先生就大聲道: 佢係日本近衛家嘅少爺，佢識講廣東話㗎。

權彬非常期待:嘩，原來係來自日本近衛家嘅少爺，今日嘅晚會真係非常有臉子呀，竟然可以請到日本五攝家其中一個近衛家嘅人，我權彬今年第一次做司儀，竟然可以識到尼啲咁嘅貴客，真係實在太感動啦！

近衛赤心已經沒辦法狡辯了，只好乖乖站在這兒接受訪問:近衛先生，你好呀，你一陣間就係舞池上嘅王子，你有咩感想呀?

近衛赤心生無可戀地心想: 我想切腹…

卻口是心非說: 真係好期待又興奮呀！

權彬熱情地搭著近衛赤心膊頭說:近衛先生，你真係高大威猛，英明神武呀，一副想切腹嘅表情，一睇就知係英勇嘅武士啦！

近衛赤心呆滯地說: 近衛家同武士係無乜關係。

權彬又熱情地說: 話時話啦，依家啲日本人真係越嚟越高大， 唔知係咪同朝鮮通婚多咗呢?

近衛赤心一臉不滿地說: 我諗無關係嘅，我天生就係咁高。

權彬並沒有理會他的反駁，就叫樂隊開音樂，興奮地向大眾說: 今晚聖誕之夜舞池上嘅王子就係近衛先生，佢會同大家跳查查舞!

樂隊開始響音樂，聚光燈就只照著近衛赤心，近衛赤心不知如何拒絕這個殘局，就一臉尷尬地隨著音樂擺動身體，由於他不擅長查查舞步，舞姿都非常生硬，眾人都替他尷尬。司儀權彬: 不如搵一個舞池上嘅公主，去陪呢個英勇嘅武士一齊跳舞啦。Tiffany不如就你啦，去陪呢位日本朋友去跳舞啦！

又多一個聚光燈又掃去Tiffany身上，Tiffany一臉不願地婉拒了，聚光燈又不停隨機地掃向哪些名媛小姐，每次近衛赤心都抱著一絲希望有人和他伴舞，但她們都耍手擰頭，不願和近衛赤心伴舞。近衛赤心又孤伶伶在聚光燈下獨自亂舞，都維持了幾分鐘，很是狼狽。覃珚亭已經撇除了剛剛入舞會的不安，反而很習慣這裏的氣氛，他喝了幾杯雞尾酒，開始酒意大發，但他並不認得近衛赤心就是那個討厭的上司劉師傅，只是興奮地對着近衛赤心抱腹大笑。而遊子風酒醉三分醒，見近衛赤心在眾目睽睽之下被迫獨自跳舞的狼狽模樣，竟然有點同情他，就說:等我過去自薦，一齊做舞池上嘅王子啦！

遊子風二話不說地，走向聚光燈與近衛赤心伴舞。近衛赤心一見嬉皮笑臉的遊子風，內心不是味兒，還不自覺自言自語:竟然係結他君，可惡呀！

權彬向樂隊示意，樂隊就響起泰式音樂，權彬:沙華啲卡，原來係呢個呢節泰國嘅朋友很自薦上嚟同日本武士跳舞呀， 請大家拭目以待!

不愧是遊子風，他一出場就能帶動的氣氛, 縱使遊子風舞藝都普普通通，但自由灑脫的感覺，在座各位的賓客都能夠感受到，眾人都投入地看兩人的舞蹈表演，很快觀眾都歡呼怕手大叫起來， 一起大叫:沙華啲卡，こんにちわ,沙華啲卡，こんにちわ,沙華啲卡，こんにちわ……

眾人都用兩人的國籍向他們打招呼打氣，場面很歡樂又滑稽，雖然是和國貴族後人舞會, 但氣氛並不拘謹。突然間近衛赤心感到有一些東西，飛落他的身上，有聽到一個少年醉醺醺的大聲的用日語說：面白い...面白い...哈哈…面白い...哈哈!

那少年用枱上的花瓣和糖果灑向近衛赤心那處，又說：もっと,踊で...踊で...

近衛赤心現在被迫與遊子風跳舞，他好奇那少年是誰，他邊跳舞邊自言自語悔氣地說：や張りぼちゃん...

那少年已經面帶醉意，也沒有收斂的意思，繼續灑花和糖果恥笑近衛赤心。 賓客們並沒有覺得灑花和糖果的少年失禮，反而覺得很有趣，大家都哈哈大笑。近衛赤心已經無地自容，趁遊子風跳得忘我狀態就靜靜離開了人群，本來他真的想撤退離開這個舞會。但又不放心目標人物，就喝了幾杯白酒，就躺在長椅子上裝醉，繼續監視目標人物。而遊子風當然沒有留意近衛赤心已經離開人群了，還手舞足蹈繼續跳舞。裝睡的近衛赤心聽到有些高跟鞋的聲音走向遊子風身邊，原來是一堆少女走向遊子風身邊想和他跳舞，些時遊子風在舞池中特別耀眼，和平時海邊賣唱的一樣特別受女孩子歡迎。裝醉的近衛赤心在一旁，顯得不是味兒，自言自語地：真係無天理，點解結他君去到邊都咁受女土歡迎，連ぼちゃん都畀佢迷惑，明明細個嗰陣，ぼちゃん係最鍾意同我玩。

至於覃珚亭已經醉醺醺，Tiffany扶他坐在一角休息，他正在狂笑大說：本少爺好喜歡今晚嘅表演呀，繼續跳舞，快啲叫個高佬過嚟，跳舞畀我睇!Tiffany, 你負責拉嗰個高佬過嚟跳舞畀我睇，個高佬好好笑呀，好鍾意，哈哈哈哈。

Tiffany當然沒有聽他說，只吩咐侍應準備一杯熱茶為他解酒，覃珚亭喝完茶就有些倦意睡著了。

這個時候燈飾又轉暗了，司儀權彬就開始上台說話了：各位停一停呀，依家就係頒獎嘅時候，之後我哋會有抽獎㗎。 首先我哋要頒發嘅獎項就係....

聚光燈又掃向近衛赤心，權彬：就係你啦，我哋嘅勇氣先生就係你啦，就係日本五攝家嘅近衛先生，你得到係我哋今晚嘅勇氣先生大獎, 因為你剛剛跳舞嘅英姿真係勇氣十足，睇得出近衛先生平時係唔擅長跳舞，睇佢生硬嘅舞姿，尷尬嘅表情， 仲要係無女士願意出嚟陪佢伴舞，但近衛先生喺咁尷尬嘅情況之下都繼續係無池跳舞，真係勇氣可嘉，好感動呀，請大家掌聲鼓勵啦!

眾人都歡呼拍掌，近衛赤心本來想低調裝睡的，但可惡的司儀和聚光燈，從來都沒有放過他。近衛赤心只是繼續裝睡沒有理會眾人。權彬見他沒有反應，就下台找近衛赤心，直接把花圈箍在他的頸上，又把獎狀放在他的手中， 然後叫攝影師為他拍照紀念。近衛赤心繼續裝熟睡，任他人魚肉， 無視了這個尷尬的情況。

權彬又上台頒發第二個獎項，聚光燈就掃向又是真的熟睡覃珚亭身上。權彬：呢位嚟自日本嘅小朋Louis, 雖然佢一直都係宿醉狀態，但佢依然係樂此不疲向舞池嘅近衛先生打氣，睇得出佢兩個係感情深厚，果然都係一家人。所以louis小朋友得到嘅係今晚調皮先生大獎。

但覃珚亭真的是醉得熟睡了，沒辦法在台上領獎，權彬：Tiffany, 呢位朋友仔係你帶返來，所以請你代佢領獎啦！

在旁的tiffany唯有替他上台拍照領取獎項。權彬：最後要頒發嘅係今晚嘅歡樂先生大獎，大家估唔估到係邊個呢? 佢就係最受歡迎來自嘅泰國皇后陛下嘅親戚嘅朋友仔呀!

聚光燈就掃向遊子風身上，遊子風現在瘋瘋癲癲手舞足動的都不知是什麼狀況,權彬：Henry 請你上台領獎喇，你仲係最飲得嘅得獎者，另外嗰兩位得獎者已經冧咗啦，我應該頒發多一個獎項就係最飲得大獎畀你呀。

遊子風現在才知道自己得了獎，有人用英文向他示意要上台領獎，遊子風就莫名其妙地上台帶花圈拍照領獎。

權彬草率地頒完獎項就立即下台，趕去吃自助餐，他哥哥權赫搖頭表示：肥彬，你主持得真係好差，又趕收工咁，守貴會嘅舞會氣派都俾你攪到降低咗，依家變咗小學生柴娃娃派對。

權彬急不及待把自助餐的食材放入碗中，反駁哥哥：是但啦，求其啦!你都唔係好好啫，唱埋啲咁老土嘅歌，應該唱啲新潮啲嘅歌嘛，老土精，仲話我。

權赫搖頭返白眼，權彬狼吞虎嚥吃臺上的美食又說：你哋飲飽食醉嘅時候我要一個人喺台上做司儀，咁辛苦。好餸都畀人食曬又唔留畀我，太過分啦，好傷心呀!我梗係要爭取時間快啲完咗佢，就可以食嘢喇！

權彬又喝止另一個夾餸的男子：peter, 放低個龍蝦,呢個係我㗎,我未食㗎, 唔好同我爭呀！

嚇得那個叫peter的男子呆咗了，把龍蝦放低了!

近衛赤心在裝醉的長椅上回想四五年前，在東京的貴族舞會，同樣都是貴族舞會，守貴會這個和他之前的貴族宴會是截然不同的，在日本的瑰麗的會堂，大家都穿正裝洋服優雅的跳華爾滋，還有很多貴族少女想繳約他一起跳舞，大家都非常認真的。但去到這個香港的貴族派對，就柴娃娃的非常兒戲，還要跳什麼查查舞。但香港的什麼國籍都有比較國際化。其實在日本他也是很受歡迎的，但在香港就無人問津，竟然是遊子風搶進風頭。他嘆息自言自言：香港女仔品味真係差，竟然會喜歡那個來歷不明街頭賣唱的野浪子，無眼光，連ぼちゃん都無眼光。

覃珚亭開始酒醒，Tiffany帶他在窗邊看夜景：喂，你醒啦! 你頭先好威水呀，仲攞咗獎。

Tiffany一手把獎狀遞給覃珚亭，他不記得發生什麼事顯得有點緊張：頭先發生咩事?我有無做奇怪嘅野!

Tiffany:你做咗啲符合你身份嘅事，仲不停講日文呀！

覃珚亭緊張: 下，我竟然咁失禮，仲不停講日文?唉呀，我真係唔好意思呀，失禮你添!

Tiffany: 唔係啦，你今日扮演嘅係日本男爵之子， 就將錯就錯講日文啦。我初頭都唔知你識講日文， 好彩我安排你扮日本人啫。你啲日文又唔錯喎， 喺邊度學返嚟㗎?

覃珚亭猶豫回想:唉… 我記得我以前喺台灣住過幾年， 台灣嘅學校有教日文。

Tiffany:哦，唔怪得啦!台灣人好多都識日文㗎。你屋企係台灣人?

覃珚亭猶豫: 我都唔係好清楚，好似係...又好似唔係! 我究竟係唔係台灣人呢，我都唔肯定？

Tiffany微笑: 自己邊度呢都唔知，你都幾好笑喎。

覃珚亭突然醒起遊子風:唉呀！傻佬呢？ 佢有無失禮你，佢有無穿崩呀?

Tiffany:你指Henry? 佢就威威啦，又自薦做舞王跳舞啦，又攞歡樂先生大獎啦，依家仲做埋女人湯丸添呀，你睇下果邊有幾多女仔同佢玩? 你知唔知呢班女仔平時係咩人? 大部分都係名門望族的千金,佢哋平時好高竇㗎，但係henry好快就同佢地打成一片。

覃珚亭遠看遊子風有點羨慕: 真係好犀利，去到邊都咁受歡迎，我就...無人理。不過都唔係嘅...好彩仲有黑小姐肯理我。

Tiffany微笑: 頭先嗰個高佬仲慘啦，無女仔肯同佢跳舞，佢自己就好尷尬被逼去跳舞，依家醉到不醒人事都無朋友理佢呀？而且有好多人同我講，話你好可愛好趣緻呀，應該真係以為你係十四五歲嘅小朋友呀?

覃珚亭心想:咩話?好可愛好趣緻?似十四五歲? 即係話我好幼稚啦!

覃珚亭苦笑: 實不相瞞那我去今日嘅舞會我都好掙扎㗎， 因為我驚我著得好寒酸，會畀人笑。但去到發現啲人又好接納我，我今日都好開心，多謝你肯帶我嚟呢個舞會呀!

Tiffany: 小意思，你份人都幾客氣喎， 成日多謝前多謝後，又驚失禮人，呢一點又幾似日本人喎!

覃珚亭: 我好似自細慣咗就係咁呀，都有人話我呢種性格好拖拉，好虛偽。我有時都好羨慕好似我朋友咁隨性奔放呀！如果我學到佢一半咁，應該會多啲人鍾意我。

Tiffany：我自己覺得禮多人不怪。我只係奇怪一個街頭賣唱嘅男仔都咁有禮貌，所以覺得好奇啫!

覃珚亭立即否認：其實，我唔係淨係街頭賣唱㗎，我有正職㗎，其實我係……

但覃珚亭一說到正職就說不出口，心想: 但係我個正識都唔係咩，我只係割玉工人...同黑小姐嘅地位太懸殊啦!

然後想改口說:其實我係…… 做賣玉嘅? 我係賣玉商人。

Tiffany：嘩，我都好鍾意玉，水晶同寶石㗎，果然成日對住玉石嘅人，係唔同啲㗎!

覃珚亭好奇為何Tiffany如此說:係唔同啲㗎!咩意思?

Tiffany：因為玉畀人感覺係好溫潤。好似我圈子裡大部分人都係庸俗同埋財大氣粗，然後都自視甚高。 但我之前喺天星碼頭見到你哋唱歌嘅時候， 彌漫著自由快活嘅氣氛。而且你同你朋友都有種好溫潤嘅感覺， 所以我都有留底繼續睇你哋唱歌。 咁啱見到你琴日跣親嘅樣好滑稽，所以順便問候下你，又順便請你哋去呢個舞會，我心諗雖然你哋唔係豪門望族出生，但你哋都無嗰種庸俗嘅感覺，反而感覺你地好清新。所以嗰一刻就好想同你哋一齊去舞會。

覃珚亭有點害羞面紅說: 多謝你咁睇得起我哋呀，你對我哋印象咁好。我會轉述返你嘅說話畀傻佬聽，佢一定好開心啫!

Tiffany微笑: 其實我都係一廂情願對你地都有一個良好嘅印象，你唔需要覺得有壓力嘅。呀… 既然你係賣玉商人我或者可以幫你介紹多啲潛質客戶， 咁你咪可以多啲生意啦!

覃珚亭: 好呀，多謝你先!

現在都是差不多晚上十點，覃珚亭看著食物盤的美食正在猶豫，tiffany問:你肚餓?

覃珚亭: 唔係，我見到咁多嘢食， 好想攞返畀我屋企個馬姐食呀。

tiffany問:哦，咁我叫職員幫你打包啦！

覃珚亭猶豫: 但係我見其他人都無咁做，咁樣會唔會太寒酸呀?

tiffany問:唔緊要，我叫職員用兩個禮品盒，打包畀你同你朋友一人一盒， 叫酒店職員低調啲，咁就無人發覺啦!

覃珚亭喜歡: 唔該曬你呀!tiffany。

tiffany: 我叫佢職員包多啲食物畀你地，應該夠你哋食幾日啦！

聽到tiffany如此說，覃珚亭突然又顯得悶悶不樂心想: 應該夠你哋食幾日... 聽落就好似顯得我好窮咁，雖然今日係扮日本男爵個仔，好成功毫無破綻， 甚至乎有一刻我都入咗戲以為自己真係大少爺。 但現實中我只係會羨慕佢哋日日食鮑參翅肚，我只係個好恨食嘅平民普通人。

tiffany也懂得觀言察色，知道覃珚亭神色不對。又問: 唔好意思，我係咪講錯咗嘢?

覃珚亭立即笑搖頭逐顏開: 你無講錯嘢，我好開心呀！

心想:Tiffany都一片好心，又接納我哋， 我唔應該畀一個咁嘅面色佢睇。

tiffany微笑: 時間唔早啦，不如我叫管家車你哋返去。

覃珚亭: 我哋兩個都係住過海㗎，要你哋車好唔方便㗎。

tiffany:過海，你地住邊先?

覃珚亭: 我住樂道，我朋友就住喺佐敦。

tiffany:哦，我住銅鑼灣㗎。 咁好近啫，首先車咗我返屋企，再車你哋過海，送咗你去尖沙咀再送你朋友返佐敦咁咪得囉。

覃珚亭: 咁你管家咪要去好多地方囉，咁唔得咁樣麻煩佢喎。

tiffany: 你又嚟喇，你太客氣啦! 管家就係要咁用㗎喇， 而且今日係我邀請你哋去舞會，當然你哋嘅交通我都要善後 就咁話啦。

覃珚亭: 多謝你啦 ，我拉返我朋友過嚟先!

覃珚亭拖走酒醉醺醺的遊子風，就一同上了tiffany的私家車，至於裝醉的近衛赤心，默默監視他們安全離去才敢撤退，由於近衛赤心都不肯定Tiffany的底細，以防她並非善類。所以都乘的士跟蹤他們。

回程當中首先經過 tiffany銅鑼灣對著維多利亞港的高級寓所大廈，tiffany就先回下車家休息，他們道別後。Tiffany的管家，再送他們往返九龍，管家對雙子都是上賓對待非常有禮的。今天他們過了一個荒誕又瘋狂又愉快的貴族聖誕派對，真的是大開眼界。