一、「女性裸體晚餐」
我誠濟年前辦過「女性裸體晚餐」，我的目的是增加女性對家己（的身體）的自信，同齊辦的朋友是欲訓練參加天體營的女性。DM貼出去，楆題是：「女性裸體晚餐」，內面的參加對象：「限女性」。
猶是有查埔人敲電話，抑是傳訊息問：「男生可以參加嗎？」
有一个查埔是我彼个同齊辦的朋友熟似的，毋但家己報名，閣留話講：「也請ＸＸ報名參加」，ＸＸ嘛是查埔，in攏是天體營的人。
二、50歲以上
我辦活動，限50歲以上的人參加，有人問：「我不到50歲，可以參加嗎？我想認識50歲以上的朋友。」
我回伊講袂使。當時我無想著，應該回伊，阮是欲講50歲以上的生活經驗仝想法，你有代誌通講無？
遮的人是責瞑，抑是毋捌字？這馬想著，in明知影袂使，想欲參加，閣再來問，嘛誠有勇氣啦！
