🌌 我哋來自唔同星系，但都選擇咗創業呢條路。
喺呢條充滿未知與挑戰嘅旅程中，有人靠爆發力衝前，有人靠直覺導航；有人按章建構，有人用 vibe 連結。每個方式都有效，只要佢對得住你內在嗰顆閃亮嘅核心。
「創業星人 2.0」係一套源自真實創業經驗、結合人格動力同能量特質嘅分類系統。我哋相信，創業從來唔係單一套路，而係來自靈魂原型嘅多元實現。
🚀 系統設計理念
「創業星人 2.0」分為八種原型，每一種都代表獨特嘅創業能量同行動方式：
- 唔係 MBTI 式嘅性格標籤
- 唔係勵志書嘅成功模版
- 而係一面靜靜照見你「創業核心風格」嘅星系明鏡
你唔使符合人哋嘅創業模式，最重要係搵返屬於你自己嘅「頻率」——然後行你自己嘅軌道。
🌠 八大創業星人原型
🧰 Buildarian｜建構星人
實幹派代表，重視落地、操作、執行。你唔鍾意空談願景，鍾意手起手落見成果。最鍾意寫 checklist、揀工具、即刻行動，一日唔做嘢就唔自在。你嘅價值唔喺講嘢上面，而係「實質做到嘢」。
挑戰：有時會捱過龍，容易忽略策略同自我照顧。你要記住，休息都係建構嘅一部分。
🧪 Chaosarian｜實驗星人
你係「搞搞震」星球派嚟嘅 disruptor。對世界充滿「點解唔可以咁玩？」嘅疑問，從來唔怕試錯，最開心就係 launch 嘢、Pivot、再 launch。你唔相信穩定，而係相信變動先至可以創造生機。
挑戰：容易分心，同埋爆完 idea 之後無人跟實。你需要搵到一班可以幫你收尾同落實嘅星人隊友。
📊 Structurarian｜系統星人
你一見到混亂就會唔自在。擅長建系統、設 SOP、拉 timeline，對於「重複做同一樣嘢都準確」感到滿足。你天生係幕後大腦，令所有人有秩序咁前進。
挑戰：有時過於執著完美結構，難以快速啟動。要記住，有啲嘢唔使整到十全十美先至開始，可以邊做邊調整。
🎨 Dreamarian｜創夢星人
你天生活喺 vision 裡面。腦入面有無限畫面、未來藍圖、宇宙宇宙宇宙。你講夢唔係唔實際，而係你睇得特別遠，未必而家人人都 get 到。你係靈感型創業者，識啟發人、點燃人、顛覆人。
挑戰：容易覺得孤獨、容易失重，夢太大嘅時候，可能唔知點樣開始。你需要一個可以陪你「落地」嘅人。
🌈 Stylearian｜風格星人
你係美感雷達王者，對色彩、排版、空間感超敏銳。你覺得「點樣講」比「講乜」更加影響人。你擅長創造令人難忘嘅氛圍，以設計打開感官，用風格講故事。
挑戰：容易過份沉迷表面效果，忽略咗產品本質同核心轉化。要記住，美學係為影響力服務。
🤝 🤝 Socialarian｜連結星人
你活喺關係裡面，連結力爆燈。你唔怕出鏡、唔怕 networking、唔怕主持 event，仲可以喺傾偈嘅過程中搵到商機。你係社群建構者、人際橋樑、現場氣氛推動者。
挑戰：有時過份迎合外界，冇咗自己嘅空間，又或者太過依賴互動。記住啊，要連結人之前，一定要先 connect 返自己。
🔍 🔍 Sensearian｜洞察星人
你嘅眼同耳好似裝咗感應器，聽人講一半已經 feel 到佢未講嗰句。你擅長觀察、分析、感知市場同人心之間微妙嘅變化。你係品牌背後「睇穿整個世界」嘅策劃師。
挑戰：容易內耗過深、思緒轉唔停，太過內觀反而唔夠實際。你需要幫自己設限，將 insight 用出去，唔好淨係收埋喺腦入面。
🌀 Energetarian｜能量星人
你對氛圍同氣場極度敏銳，感覺唔岩就做唔落。你鍾意療癒、空間感、節奏同深層連結，唔係靠硬銷售，而係自然吸引。你創業唔係為咗征服世界，而係為咗活出自己嘅頻率。
挑戰：容易 burnout、能量耗盡、自我懷疑「自己唔啱創業」。記住啊，你唔需要衝，你需要 align。
✨ 點解要認識你係咩星人？
- ✅ 搵到最啱你嘅創業節奏
- ✅ 避免用錯方法撞板、浪費力氣
- ✅ 吸引頻率相近嘅團隊同伙伴
- ✅ 溝通更加貼地，識得點同唔同星人合作
當你明白自己嘅星人原型，就唔會再懷疑「自己係咪唔啱創業」，你會開始相信：原來，我只係未用我嘅方式創業。
🛸 下一步：展開星際航程
📍你可以立即做一份《創業星人測驗》，搵出你屬於邊一顆星球 📍可以 follow @solopreneur.hk 參與我哋嘅星人社群活動 📍又或者，開始記錄你專屬嘅創業星人日誌，打開你嘅內在導航儀
雖然你唔一定係地球上最強嘅創業者，但你絕對有機會成為自己星系入面，最耀眼嗰粒凡星。
🎵 🎶 🎙️ 誰都可發光 ～ 只要 ~ 找對地方 🎶 誰人都可發光….
—
我係 Kevin，一人創業者，呢個係我嘅《👽創業星人》系列📝。每日我會分享我嘅創業心得同埋挑戰，希望可以同大家一齊行，一齊玩，一齊成長。