距離親戚搬屋仲有三個多星期，原本以為仲可以慢慢來，點知一收拾，就發現「慢慢來」只係一廂情願。
我去幫手執拾時，親戚佢突然話：「不如聽日去新屋睇埋冷氣安裝位啦，順便帶幾箱過去。」
咁就出發啦，開車入到新單位，第一時間入屋——門一打開，唔算「臭」，但空氣一陣悶熱，加上一股講唔清楚咩味道，係牆？係櫃？定係地下？
我轉頭問佢：「你覺唔覺得啲味有啲⋯⋯黐住咗喺度咁？」
佢聞聞，皺一皺眉：「有啲，但好似裝修完都會係咁？會唔會係油漆未完全乾？」
我哋試下開窗、開冷氣、再用風扇吹，等咗十幾分鐘，味道淡咗少少，但唔係完全消失。嗰刻，我心入面其實已經有答案：難道是傳說中的甲醛。
唔知係唔係心理作用，但坐咗一陣之後，覺得喉嚨有少少乾。即使冇明顯刺激性，但嗰種「空氣唔通透」嘅感覺，係真實存在。
返屋企途中，我不禁問：「你覺得咁樣會唔會唔好住？要唔要測下係唔係甲醛？開窗吹風係基本，但可能未必夠。」
佢：「過多幾日睇下仲有無味先啦！」
唉！希望一切順利啦！
