Che bô khùn-lân, lán nā hoat-kiàn ka-kī ka-kī tùi lâng ū jia̍t-chêng, khòaⁿ tio̍h lâng su-iàu tàu-saⁿ-kāng, thâu-khak bián ke-siūⁿ, sûi beh sóa kha-chhiú khì hia̍p-chō͘--ê, án-ne to̍h sī--ah.
Tī chhah-chhia-tiûⁿ tú-tio̍h kāng-khoán beh chhōe ūi--ê, tiāⁿ-tiāⁿ lóng ē kâng tàu khòaⁿ, nā ū to̍h ē kín pò ho͘ chai, che m̄ sī siáⁿ-mih "su-iàu lâng o-ló" ê sim-thài, oân-choân í-keng chiâⁿ-chò 1 chióng chū-tōng hoán-èng, khòaⁿ tio̍h lâng hoaⁿ-hí lán mā tit-tio̍h hoaⁿ-hí ê sim-chêng, chún-sǹg lâng bô beh chiap-siū, lán mā bô sńg-tn̄g siaⁿ.
Sú-bêng o͘-chí-sáng bat kóng, ài seng chò hó ê lâng, chiah thang chò 1 ê hó ê Tâi-oân-lâng, khêng-si̍t he bô siáⁿ mê-kak mā bô khùn-lân, tùi lâng ū jia̍t-chêng, koan-sim sì-kho͘-ûi-á ê lâng, lâng-lâng lóng án-ne, che to̍h sī lán lâng ê ki-pún kè-ta̍t.Chin-lí m̄ sī siáⁿ-mih ài tha̍k chin chē chheh chiah o̍h ē-hiáu--ê, sù-siông to̍h sī, common sense to̍h-sī chin-lí.
