返工都是求財，甚至有人覺得「最好唔洗做有錢收」，但其實除了錢之外，原來能不斷學習和提升處事能力也是吸引年輕員工的主因！在裝修佬任職Assistant Ecommerce Manager的Pizza就有這樣的一番體會。
Pizza正式加入裝修佬已整整三年，她身兼多職，營運和CS都有份，每天從網上、電話及walk in等渠道接觸無數的客人，解答產品問題、訂貨等等，忙起來一日要覆百個客，但Pizza都做到有問必答！
很多人覺得找工作就要找一份自己熟知行程的工，見工就可以向HR吹水，非也！Pizza入行時，其實對裝修行業毫不了解，白紙一張，但「唔識唔緊要，肯學就得」。
「大家係用咗好長時間教我，我開始接手裝修MALL嘅時候如果有客上嚟買嘢，明明我做CS，但我係唔夠膽行出去，要其他人幫我接客。而家已經熟晒產品，可以自己好順暢咁完成一單交易，其實係好有成功感。」
回想裝修佬office還在co-working space時，Pizza笑言「又嘈又窄，腳下面仲擺晒貨，但嗰時好開心，大家圍威喂，好多鬼靈精主意，嗰頭傾完嗰頭就做！」在裝修佬，同事有任何新idea都可提出，大家覺得有意義就立刻去做，絕對唔會拖！
做E-commerce要謹慎 做真正的快狠準
「喺一間轉變咁快，乜都要立刻實行嘅公司，其實都大壓力。老細講嘢好直，因為唔會浪費時間同你兜圈，覺得不如用多啲時間做事啦！」
「但嗰時邊度會諗到咁多，只係睇到自己花咗咁多時間去做，但成果都係唔好，仲俾人話。」Pizza笑言曾覺得自己的努力不被賞識，感到委屈而躲在後樓梯流淚。
卻因為一件錯誤令她有所啟發。Pizza曾經撰寫過一篇文章，只想到搶話題性，沒有細心研究資料的真確，結果被多個持份者追問查證，令她非常心慌。「明明老細提過我話咁做好有問題，我唔理，照衝，最後就中咗伏。自從嗰次之後就叮一聲醒左。」
Pizza想起當初老闆看到文章標題已覺得有問題，其實是因為他有考慮到之後會發生什麼。如果自己也有提前看透這些問題，根本就不會浪費精力時間在這題材上，自然不會發生自己的努力被白費，被責難的事情。
所以，其實做e-commerce除了要夠搶眼和快手，還要謹慎，考慮多方利益和後續影響再下決定，才能不浪費心血，做到真正的快狠準！
Pizza（左二）認為裝修佬是間人性化的公司，只要願意打開眼和耳去接受意見，每天都有新東面學。
唔係做完件事 係做好件事
「我好硬頸，做事成日都用鼓蠻力做做做。但其實係冇用嘅，要用腦去諗，先可以做得好！」工作繁重，如果一心只想快快完成工作，沒有為事情去思考，反而會每一件事都做不好。
「我俾人提過對待工作要『唔係做完件事，係做好件事』。只係諗住完成份工作，人係冇進步。就算做嘢手速加快咗，但其實人就得一對手，做嘢快極都有個限度。仲要事一多一忙，個人就亂，就不停出錯。」
「如果係用『做好件事』嘅心態做事，角度就好唔同。首先，會諗點樣做得有效率啲，有效率做事就快，慳咗嘅時間就可以考慮點令件事變得更有質素。」現在Pizza有不同的表格令資料排列有序，回覆客人之前也多花了時間去思考。儘管程序多了，但減少了很多出錯所引發的「補鑊」時間！
「係呢度三年學到嘅嘢，真係多過我過去廿幾年學嘅。」在裝修佬這間瞬息萬變的公司，海量的知識與經驗每天也衝擊著Pizza，從硬頸性格轉變成會細聽和反思的她，今天仍工作得很愉快。「出面再高人工，但學唔到嘢嘅都冇乜意義，我唔會做落去。我覺得年輕人係應該去吸收多啲知識先得，唔好只係為左錢。」
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。關键字： 裝修佬; 裝修; 故事;裝修案例;裝修公司推薦; 全屋裝修價錢2020
