【出奇的史】法國怪人扮女人 向名畫《蒙娜麗莎》掟蛋糕（聲演版本）

以後會定期有聲演版本！！
懇請格友們多多支持！！
 支持訂閱【JU史講史】YouTube頻道

話說喺今年5月30號，法國羅浮宮鎮館之寶《蒙娜麗莎》就被一個喬裝成婦女嘅不明男子以「蛋糕」狠掟蛋糕，慶幸嘅係畫作表面有玻璃框保護，基本上都冇受到任何傷害。 雖然唔清楚呢位男子點解要為咗表達環保議題而「襲擊」名畫，好似都冇乜關係，但原來類似嘅事件唔止發生過一次！今次JU史就同大家講一講啦！ 《蒙娜麗莎》呢幅名畫係由文藝復興時期畫家達文西喺1503年至1519年間創作，當中就採用咗金字塔結構將呢位女性簡單而充滿地畫咗喺畫作當中，並且利用咗眼睛嘅錯覺以及蒙娜麗莎嘴唇形成嘅陰影，營造出一種「神秘」嘅微笑。呢幅名畫目前就放咗喺巴黎羅浮宮內收藏，但原來歷年嚟都多次受到「襲擊」。 早喺1911年，收藏於法國皇室楓丹白露宮之中嘅《蒙娜麗莎》喺移到羅浮宮展出之後，就被一位油漆匠偷走長達兩年，最終喺佢想出售之時先被捉到。重返法國之後，《蒙娜麗莎》喺1950年代就曾經被潑灑硫酸、扔擲石頭，畫作都真係受損過；而喺1974年就喺東京差啲被噴漆。睇嚟呢幅名畫除咗有「神秘」嘅微笑，似乎仲有一種獨特嘅魔力，令人想破壞！ 圖片及影片為Ju史自行製作

原文黎自 https://www.potatomedia.co/s/a7BpBF3K