第八章：「訓練？！咁突然！？」

啊水望向眼前的一面空地，牆身、地面、天花，全都是白色，只是遍佈了不同的訓練機器，還有一個超大螢幕顯示每個人要做的項目。而最令啊水驚訝的是這裏有超過一百個年輕人在這正進行訓練，在這間房子生存了十五年，現在始知家裏門後有藏著一百多人，想想就覺得恐怖了。然而黃公公並沒有這樣想，說道：

「水，你係咪好驚訝，無錯！佢哋都同你一樣，都係一出世就無評級。本身我想你過住一啲平凡嘅日子，但係依定『行正會』知道你同我哋有關係，一定唔會放過你。所以，你要同佢哋一齊訓練，起碼，你可以保護到自己……」

然後，黃公公揚一揚手，便有個身材高大，少說也有二米的男子走到黃公公面前，黃公公對他說：「紅王，佢叫啊水，你先帶佢去周圍睇下，之後由基本開始教佢！」

「明白，黃公。」紅王似乎對黃公公非常敬重，說完這句話後更向黃公公鞠躬。

「水，佢係紅王，算係依到嘅資深嘅『常者』，無錯，我哋依班無等級嘅『異』，我哋會自詡『常者』，你跟住佢訓練啦！朝早、晏晝返學，夜晚訓練，唔好怪我咁嚴厲，因為你唔再係以前嘅平傭啊水，而係走入咗另一個殘酷世界嘅啊水。

BTW，依到嘅人都會叫我黃公，型啲！」