珠海拱北種植牙經歷分享，牙醫即脫即種

今日去緊珠海維港做咗二期種牙，醫生話骨結合好好，一切順利，堅持多一排就可以有個全新嘅牙齒啦。

點解我需要種牙呢，呢件事我真係想用個人親身經歷奉勸大家，千祈唔好似我咁，用棚牙當開酒器用~（每次諗起呢件事真係覺得自己好on9）。

前排我唔係牙痛咩，就去醫院睇，原來牙裡面乜事都冇，但係牙齒外面崩開個裂縫，導致裡面發炎。

仲有，等我發現嘅時候，裂縫已經好大，醫生話keep唔到，可能要直接脫牙種牙，好無奈，但為咗可以繼續為食，最終都係決定整

詳細種牙過程： 先影xray檢查，之後脫牙種牙，再影返個xray，術後冰敷觀察，間隔三個月後做二期

總結：呢次種牙手術，係我人生經歷過最嚴謹嘅牙科手術，首先確定可以做手術嘅時候，要簽咗份聲明，之後就要戴頭套同鞋套入手術室，手術前姑娘會用碘酒球喺口同面上做標記，身上要蓋手術布，淨係露出棚牙。

但成個過程都算順利，手術嘅時候醫生同姑娘都好溫柔，一直有照顧我感受。同埋植牙過程，包括之後兩三日，講真，我只有第二日塊面有小小腫（大家可以睇睇下我當時影個相），但完全唔痛，同我想象中完全唔同~

每次手術後，醫生都會好長氣，一點一點同我強調，生活同飲食嘅注意事項。咁我都建議大家，一定要按照醫生吩咐做足，因為我戈段時間就cut咗所有fd嘅聚餐，飲食好注意，所以都恢復好快，差唔多術後三四日，就感覺完全恢復正常啦！