500年一遇的暴雨

呢個係政務司司長喺新聞記者會上面講嘅一句說話，我真係即刻嘩一聲，點解一個個高官可以講一啲咁娛樂新聞嘅嘅嘢，邊個邊個係千年一遇嘅大美人之類。大佬，你隔離嗰個署理新聞台長話係1884年有紀錄以嚟記錄到一個鐘頭降雨量最高嘅紀錄，你話百年一遇都真係有數據去支持，500百年，咁都講得出！！

反正由星期五晚開始到琴日香港都立立亂，連續落咁耐暴雨其實真係好恐怖，即日令人諗起聖經故事挪亞方舟，香港連續兩個週末都比颱風同暴雨玩殘咗。