搬倉。

搬埋今日, 終於做晒, 真心講好累...
老實講其實我唔捨得元朗呢個倉, 我都係一個對地方會有感情既人黎, 呢個倉見證住我光輝, 見證住我衰落, 亦令我快樂過, 係一個令我充滿回憶既地方, 不過可惜而家真係用唔著咁大地方, 咁我盡量要慳成本啦.

我記得之前同妳講過我想搬返去荃灣, 妳果陣都同我講贊成, 因為大家都可以慳左車費同時間, 今次我返黎搬左了, 雖然我未比確實地址妳, 不過我依然留左個位比妳, 配左鎖匙比妳, 我既野都係妳既野, 所有野我都會留返一份比妳.

直到目前為止, 我仍然好想念妳, 好愛妳, 我知我而家未處理好金錢上既問題我冇資格去求妳原諒我, 亦冇資格去同妳講任何野, 但我好想記錄晒我發生過既事, 成個12月同1月我都冇用過呢個日記, 一黎自己頹廢左好幾日, 二黎新日記唔太識用, 三黎不停迫自己去做野唔比自己停, 但都抑壓唔到我一到夜晚會亂諗既情緒.
係日本, 我每晚都飲一杯酒先可以訓到, 結果返到香港成日都訓唔到, 不過我都有比自己休息, 起碼我唔想未見到妳之前已經捱到自己不似人形...

聽日我就要返日本了, 開心既係我終於可以有覺好訓, 但唔開心既係妳依舊不在我身邊, 時間不停地過, 我唔想浪費時間, 我會係有限時間內做好所有野, 我好想妳返黎既時候可以睇到我已經做好晒所有野等妳返黎...

每日都好變態對住妳個名講一次, 老婆我愛妳...
而家我都會係呢度講一次, 我今日仍然好愛妳...