《漢城》結局篇 II — 似夢迷離
閱讀時間約 9 分鐘
無奈這風雨難逃避
「爸爸……爸爸佢唔贊成我同你結婚呀……」
究竟，Chloe 呢句說話，對我哋帶嚟咗幾大嘅衝擊呢？
喺事發之後嘅一段時間，呢句說話，基本上冇為我哋帶嚟任何嘅衝擊。
冇錯，喺事發當晚，Chloe 爸爸對 Chloe 嘅一巴掌（其實唔止一巴），的確差啲引起一場肢體衝突，甚至一場交通意外；但當我冷靜落嚟之後，呢啲不必要嘅支節，幸運地冇發生到。
而我同 Chloe 都深信，眼前嘅波折，並唔係一個大問題；因為，我哋仲有好多途徑去解決問題。到目前為止，事情同絕望，仲有好一大段距離。
我哋仍然充滿信心，我哋呢對有情人，仍然會終成眷屬。
十月初某週末，京釜高速公路往大田方向。
喺 Chloe 爸爸唔贊成我哋結婚呢個壞消息傳出之後，生活一切如常。
又唔係真係一切如常嘅；起碼，我哋喺呢個星期六嘅早上，就暫停我哋一切嘅正常活動，揸車落公州，去搵金家嘅「大家長」 — 嫲嫲，希望佢幫忙說服佢個仔、Chloe 個爸爸，准許我哋呢段婚姻。
作為土生土長嘅韓國人，Chloe 明白，呢招係佢嘅最強殺著；因為佢深知，佢爸爸可能唔聽老婆話，但一定要聽阿媽話。呢一點，Chloe 深信不疑。
事實上，Chloe 媽媽一直都企喺我哋呢邊，幫我哋講好說話；只不過 Chloe 爸爸無動於衷。
「放心喎蠢蛋老公，」Chloe 喺車上面飲緊咖啡，心情應該都幾輕鬆吓。「嫲嫲咁錫我，一定會幫我㗎！我一定可以嫁俾你㗎！」
「我冇擔心喎蠢蛋老婆；」我揸緊車，一邊食緊佢整嘅三文治。「我知道你總有辦法嘅；試問呢個世界上，有乜嘢可以阻到一個恨嫁嘅女人出嫁吖？萬有引力都未必得啦！」
「好衰㗎你！又笑人……」Chloe 嬌嗔。「人哋做咁多嘢，都係為咗想同你喺埋一齊咋，你仲笑人，冇良心呀你……」
「唔係你恨嫁我，係我恨娶你；得未？」我補鑊。
「算你啦！咁就差唔多！」佢好滿意。
同日上午較後時份，公州，嫲嫲屋企。
Chloe 同我正襟危坐喺茶几嘅一邊，好用心咁鉅細靡遺同嫲嫲解釋緊我哋嘅遭遇同處境；坐喺茶几另一邊嘅嫲嫲亦都聽得好入神、愁眉深鎖。由於佢哋嘅對話內容涉及好多忠清道同扶餘嘅口音、土話同俗語，我嘅韓文聆聽能力只能應付一半左右。
喺對話過程中，嫲嫲好多次打斷 Chloe 嘅說話，問咗都幾多問題，主要係圍繞住我同 Chloe 嘅關係、同埋我嘅來歷、屋企狀況等等。呢層我都理解嘅，始終，佢個孫女將會嫁俾個外國人；了解清楚情況、同埋我嘅背景，其實都不為過。
大約一個鐘之後，Chloe 終於講完要講嘅嘢。嫲嫲呷咗啖茶、靜咗半晌。坦白講，呢個時候我嘅心情非常忐忑不安，因為我完全唔可以喺嫲嫲嘅面上，接收到任何資訊。究竟佢贊成，定係反對我哋嘅親事呢？
呢個世界上，最度日如年嘅感覺，就係等結果嗰陣。
良久，嫲嫲終於開聲：
「我諗，你爸爸已經將當年點樣千辛萬苦同你媽媽成親嘅事，忘記得一乾二凈喇……唉……」
「爸爸同媽媽當年發生啲咩事呀？」Chloe 一臉疑惑；其實我都好疑惑，不過冇放喺面上。
「你外公同外婆，當年非常反對你爸爸同你媽媽嘅婚事。」嫲嫲非常平靜咁講。
「吓？！」Chloe 呢個「吓」，十呎高十呎闊；好明顯，佢未聽過呢件事。
「我諗，佢哋應該冇同你講過呢件事喇；」嫲嫲再呷一啖茶。「你都知道，我哋金家一直都只係農民，但係你媽媽係城北洞嘅富家小姐；當日你爸爸提親嗰陣，吃盡苦頭；因為你外公外婆，想將你媽媽，許配俾一個財閥嘅第二代……」
城北洞嘅富家小姐……用句廣府話嚟講，Chloe 媽媽本來就係知書識禮嘅「西關小姐」。城北洞嘅有錢，同江南清潭狎鷗亭嘅有錢唔同。城北洞喺漢城，代表「傳統富豪」，並非新發跡嘅江南區可比儗。
「吓？！」Chloe 呢個「吓」係冇聲嘅，只不過完完全全寫喺佢面上。我睇到，係因為佢 O 晒嘴望住我，擘大個口。
其實 Chloe 有同我提過，佢爸爸媽媽係大學嘅師兄師妹，喺校園認識，然後開始拍拖；估唔到，佢哋背後有個連 Chloe 都唔知嘅故事。
喺接近二十年後嘅今日，呢啲故事唔係咩新聞；十套韓劇九套都有雷同嘅橋段。只不過喺資訊冇咁發達嘅廿年前，同埋呢件事發生喺身邊嘅人身上，感覺就有啲唔同。
其實，類似嘅嘢，當時咪發生緊係我同 Chloe 身上囉……
「你媽媽當年好硬頸、非君不嫁；」嫲嫲望一望 Chloe。我諗我同嫲嫲都諗緊同一樣嘢：Chloe 除咗擁有同媽媽好相似嘅外表之外，連性格都遺傳埋。
「於是佢兩個私定終身，喺我同你爺爺見證之下，結為夫婦。直到你媽媽有咗你，你外公外婆終於明白，佢哋一係永遠冇咗個女，一係接受現實；好彩佢哋選擇接受現實。後來，你爸爸喺學術界都算有一番成就；總算冇令你公公婆婆失望。」嫲嫲娓娓道來。
我留意住 Chloe 嘅神情，當佢聽到佢媽媽身懷住佢，然後外公外婆要接受現實嗰陣，佢眼中閃過一絲靈光；但係好快又轉為失落。
我知佢應該係諗緊佢自己嘅身體狀況，令到呢件事唔可能發生喺我哋身上。
呢個時候，Chloe 拉住我隻手，企咗起身，行到嫲嫲前面，然後跪低。由於佢拖住我嘅關係，我喺冇選擇餘地之下，陪佢一齊跪。
「嫲嫲，我哋係真心相愛㗎！」Chloe 開始啜泣。「希望你可以成全我哋，幫我哋同爸爸求情！」
「小美呀，你咁樣，嫲嫲好心疼㗎！快啲起身先啦！」然後嫲嫲望住我。「你都起身先啦！」
我同 Chloe 如言起身，坐咗喺嫲嫲則面；但呢個坐姿，其實同跪冇乜分別。
「小美呀，放心啦，有嫲嫲幫你作主！」我聽到今次嚟探嫲嫲、最想聽到嘅說話。「嫲嫲幫你同爸爸講，佢唔敢唔聽我話㗎！你哋放心啦！」
「多謝嫲嫲！」Chloe 攬住嫲嫲，另一個又喊又笑嘅樣。
「손서 （孫婿），」嫲嫲微微轉向我、捉住我對手。「你要好好愛惜我個孫女呀！」
「知道，嫲嫲；我一定會。」我好誠懇咁答佢。
我諗，問題應該解決咗喇。
見完嫲嫲之後，由於得到嫲嫲嘅支持同保證，我同 Chloe 都覺得，事情經已告一段落。接住落嚟嘅問題，就係繼續圍繞我哋婚禮嘅事項，例如幾時請我兩老過嚟「對襯家」之類嘅事情。
當然，世故嘅 Chloe 認為，點都要俾個好啲嘅下台階佢爸爸，唔好令佢老人家難做。呢點我非常同意，因為，結婚之後，我哋就會成為親戚；心裏面有條刺就唔係幾好啦。
星期二中午時份。
如常喺宿舍食晏同埋休息。呢個時候，Chloe 電話響，佢傾咗兩句之後，行咗入房繼續傾。
冇耐，Chloe 傾完返出嚟，個樣有啲擔憂。
「冇事吖嘛？」我問佢。
「爸爸 call 我，佢話今晚想見我同你……」佢皺住眉答我。
「會唔會係想傾吓我哋嘅婚事？」我再問。
「……唔似……」Chloe 答我。
同日晚上，狎鷗亭洞，Chloe 屋企。
「어머님、아버님 。」我以敬語（존댓말 /尊待語）稱呼佢兩老做「爸爸」、「媽媽」。其實我咁樣叫咗 Chloe 媽媽好耐，佢好受落；至於佢爸爸……其實係 Chloe 分咐我咁叫。Formality？拉關係？唔知。總之係韓國人見家長嘅習慣，我照足佢分咐去做。
「馮先生，」Chloe 爸爸開聲 — 流利英文。當然啦，佢老人家係大學教授。「我諗我哋仲未去到呢個地步，你叫我金先生得喇。」
𠹶！中鎗。
「你哋想飲啲乜呀？茶好唔好？」Chloe 媽媽開聲；應該係唔想啲氣氛搞到咁僵。
「唔使喇，佢哋唔會留低好耐。」我未答，金先生搶我白。
「爸爸！」Chloe 開聲。
「你收聲！我一陣先教訓你！」金先生喝停 Chloe，然後向住我講：「我知道你今日嚟嘅目的。我嘅答案好簡單：唔得！」
「點解？」我知我問得蠢；但係除咗咁問，我唔知可以點反應。
「男兒立身處世，講究『修身、齊家、治國、平天下』；」金先生轉台，用 Nicam 同我講大學之道。「你堂堂男人，空有唔錯嘅學識、吊兒郎當、做個兼職教師、全無大志；你照顧到我個女咩？你憑乜嘢娶佢呀？更何況，你唔係韓國人，我唔會俾我個女嫁外人！」
估唔到，佢都有做 Due Diligence，睇過吓我個背景。
你話我吊兒郎當，我都仲可以正正經經做個全職教師、甚至大學講師，一步一步慢慢嚟；你家陣講我嘅國籍同種族，即係擺明冇彎轉啦！
「金先生，如果你覺得，我喺事業上面，未能夠俾到銀美幸福的話，我可以努力去實現呢個目標；」我答佢。「但係如果你呢個係國籍或者種族嘅問題的話，我諗我哋嘅對話，冇必要再繼續落去。」
我唔係憤青，亦唔係大中國膠；但喺一個唔對等嘅環境之下，談判係冇可能、亦唔應該繼續落去。呢個係外交慣例，亦都係我做人嘅原則。
於是我企起身，向佢兩老微微欠身，然後拖住 Chloe 離開。
「咪住！」金先生叫停我哋。「你唔可以再同我個女一齊！」
我未嚟得切俾反應，Chloe 轉身、用一個好唔客氣嘅語氣同佢爸爸講：「我同邊個一齊、嫁俾邊個，與你無關！我已經係成年人，我有權選擇我喜歡嘅人、過我想過嘅生活！」
「你係成年人，你亦都係我姓金嘅人！」金先生提高聲線。「婚姻大事，取決於父母之命。你如果一意孤行，係都要同呢個外國人一齊的話，我會同你公開脫離關係！以後我呢個家族，冇人會認你係其中一份子！你鍾意姓乜都好，總之唔好再姓金！」
「老公！你唔可以……」Chloe 媽媽想開聲，俾金先生用手勢截停。
Chloe 冇答佢，只係眼淚直流，喊得好淒涼。金先生一句完全唔顧念父女情嘅說話，傷透 Chloe 心。
「馮先生，」金先生對我講。「我同你，仲未就此完結。」
「我都相信係；金先生。」我答完佢之後，拖住 Chloe 離開金家。
情癡總有缺憾
情深總要別離
天意愛弄人
誰人可退避
時光幾次錯漏
人海幾次傳奇
聚了又分 愛情似夢迷離
面對去或留 徬徨怎決定
為何熱戀 不應該愛慕的你
曾也盡努力
求共你一起
無奈這風雨難逃避
（待續）
為什麼會看到廣告
34會員
111內容數
時間係1997年5月中，剛剛完成學業嘅我身在華盛頓，正在考量緊我嘅未來。我可以選擇留喺美國發展，我internship嘅老細（即係美國政府）同我有共識，我畢業後可以留喺政府工作。或者我可以選擇出去闖一闖，見識吓呢個世界。當年仲係年青嘅我選擇咗後者，因為我覺得我仲未需要搵一份工困住自己......
留言0
查看全部
你可能也想看
Google News 追蹤
這個秋，Chill 嗨嗨！穿搭美美去賞楓，裝備款款去露營⋯⋯你的秋天怎麼過？秋日 To Do List 等你分享！
秋季全站徵文，我們準備了五個創作主題，參賽還有機會獲得「火烤兩用鍋」，一起來看看如何參加吧～
美國總統大選只剩下三天， 我們觀察一整週民調與金融市場的變化（包含賭局）， 到本週五下午3:00前為止， 誰是美國總統幾乎大概可以猜到60-70%的機率， 本篇文章就是以大選結局為主軸來討論近期甚至到未來四年美股可能的改變
Faker昨天真的太扯了，中國主播王多多點評的話更是精妙，分享給各位
王多多的點評
「Faker是我們的處境，他是LPL永遠繞不開的一個人和話題，所以我們特別渴望在決賽跟他相遇，去直面我們的處境。
我們曾經稱他為最高的山，最長的河，以為山海就是盡頭，可是Faker用他28歲的年齡...
本文介紹了班傑明．葛拉漢對成長股投資的看法，成長股雖然很吸引人，但在投資成長股前了解可能面對的難題，可以幫助我們在投資的路上少踩一些雷，避免把自己的錢當成賭注。
圖說：樺漢集團子公司”樺旭能源”參展2023台灣國際智慧能源週
【李婉如／ 報導】 樺漢科技股份有限公司(以下簡稱”樺漢”，股票代號6414) 旗下子公司”樺旭能源EnnoRise”於10月18日至10月20日參加一年一度的2023台灣國際智慧能源週盛會，現場展示涵蓋5kW、15kW、100kW等
疑商夫婦的淒美愛情，始於人間星河，愛於漫天星空，「若郎君是驕陽，光照萬里，那我們女娘，亦可是繁星，燦爛星河，唯有並存，才能成就此番天地。」一眼萬年，背負血海深仇的戰神凌不疑，愛上了聰穎倔強、睚眥必報的程少商，她自幼缺少的偏愛，他給了她，卻也是成親前的致命傷。歲月走緩，燈火闌珊處，月團圓，人團圓。
難得這次接演到一部好電影，而且還騰出足夠的篇幅、任他在片裡洋洋灑灑，許光漢這還不裸奔歡慶？（並不是這樣） 《我和鬼》根本是演員的十項全能考驗戰。許光漢在《我和鬼》裡頭嘗試挑戰了各種表演。除了程偉豪一次蒐齊的三大動作戲「飛車追逐、肉搏戰、槍戰」許光漢全都有份之外，還有裸奔跳鋼管。
1986年《捍衛戰士》(Top Gun)問世，電影除了風靡全球，甚至迎領一波年輕人報名空軍的熱潮，募兵率高達500%。當時才20幾歲的湯姆克魯斯也從此星途大開。如此叫好叫座的電影，卻在阿湯哥50幾歲才拍續集，為何拖了36年之久？
聯經出版的《武漢封城日記》早在COVID-19疫情爆發初期(2020/03/31)便在台發行出版，經過一年多的時差，在台灣進入三級警戒的此刻，再將此書拿出來讀，或許是更為切身的一種閱讀。
陳澄波——死於美術節的藝術家，曾寫下台灣人首次入選「帝國美術院展覽會」的紀錄，卻因為二二八事件死於國民黨之手，甚至成為威權政治下的禁忌，一度被除名於正統教育之外。縱使如今距解嚴已久，長期的噤聲卻已經讓他的故事只剩下「帝展」與「二二八受難者」兩個名詞，但不論是輝煌的成就，或是諷刺的結局，都不足以代表陳
「江湖是一張珠簾，大人物，小人物，是珠子。大故事，小故事，是串線。」
突然發現原來《雪中悍刀行》的先導預告釋出了。看到此生為止最喜愛的小說影視化當然很開心，但是去找了簡介之後心情涼了一半，變成半喜半憂。
《雪中悍刀行》的基底就是在主角北涼世子為了拿起手中的北涼刀幫母親復仇而展開了悍刀行，也因此有這
這個秋，Chill 嗨嗨！穿搭美美去賞楓，裝備款款去露營⋯⋯你的秋天怎麼過？秋日 To Do List 等你分享！
秋季全站徵文，我們準備了五個創作主題，參賽還有機會獲得「火烤兩用鍋」，一起來看看如何參加吧～
美國總統大選只剩下三天， 我們觀察一整週民調與金融市場的變化（包含賭局）， 到本週五下午3:00前為止， 誰是美國總統幾乎大概可以猜到60-70%的機率， 本篇文章就是以大選結局為主軸來討論近期甚至到未來四年美股可能的改變
Faker昨天真的太扯了，中國主播王多多點評的話更是精妙，分享給各位
王多多的點評
「Faker是我們的處境，他是LPL永遠繞不開的一個人和話題，所以我們特別渴望在決賽跟他相遇，去直面我們的處境。
我們曾經稱他為最高的山，最長的河，以為山海就是盡頭，可是Faker用他28歲的年齡...
本文介紹了班傑明．葛拉漢對成長股投資的看法，成長股雖然很吸引人，但在投資成長股前了解可能面對的難題，可以幫助我們在投資的路上少踩一些雷，避免把自己的錢當成賭注。
圖說：樺漢集團子公司”樺旭能源”參展2023台灣國際智慧能源週
【李婉如／ 報導】 樺漢科技股份有限公司(以下簡稱”樺漢”，股票代號6414) 旗下子公司”樺旭能源EnnoRise”於10月18日至10月20日參加一年一度的2023台灣國際智慧能源週盛會，現場展示涵蓋5kW、15kW、100kW等
疑商夫婦的淒美愛情，始於人間星河，愛於漫天星空，「若郎君是驕陽，光照萬里，那我們女娘，亦可是繁星，燦爛星河，唯有並存，才能成就此番天地。」一眼萬年，背負血海深仇的戰神凌不疑，愛上了聰穎倔強、睚眥必報的程少商，她自幼缺少的偏愛，他給了她，卻也是成親前的致命傷。歲月走緩，燈火闌珊處，月團圓，人團圓。
難得這次接演到一部好電影，而且還騰出足夠的篇幅、任他在片裡洋洋灑灑，許光漢這還不裸奔歡慶？（並不是這樣） 《我和鬼》根本是演員的十項全能考驗戰。許光漢在《我和鬼》裡頭嘗試挑戰了各種表演。除了程偉豪一次蒐齊的三大動作戲「飛車追逐、肉搏戰、槍戰」許光漢全都有份之外，還有裸奔跳鋼管。
1986年《捍衛戰士》(Top Gun)問世，電影除了風靡全球，甚至迎領一波年輕人報名空軍的熱潮，募兵率高達500%。當時才20幾歲的湯姆克魯斯也從此星途大開。如此叫好叫座的電影，卻在阿湯哥50幾歲才拍續集，為何拖了36年之久？
聯經出版的《武漢封城日記》早在COVID-19疫情爆發初期(2020/03/31)便在台發行出版，經過一年多的時差，在台灣進入三級警戒的此刻，再將此書拿出來讀，或許是更為切身的一種閱讀。
陳澄波——死於美術節的藝術家，曾寫下台灣人首次入選「帝國美術院展覽會」的紀錄，卻因為二二八事件死於國民黨之手，甚至成為威權政治下的禁忌，一度被除名於正統教育之外。縱使如今距解嚴已久，長期的噤聲卻已經讓他的故事只剩下「帝展」與「二二八受難者」兩個名詞，但不論是輝煌的成就，或是諷刺的結局，都不足以代表陳
「江湖是一張珠簾，大人物，小人物，是珠子。大故事，小故事，是串線。」
突然發現原來《雪中悍刀行》的先導預告釋出了。看到此生為止最喜愛的小說影視化當然很開心，但是去找了簡介之後心情涼了一半，變成半喜半憂。
《雪中悍刀行》的基底就是在主角北涼世子為了拿起手中的北涼刀幫母親復仇而展開了悍刀行，也因此有這